ZAIDI YA WATENDAJI NA WATAALAMU WAMESHIRIKI MAFUNZO YA UFUGAJI ASILIA

Zaidi ya watendaji na wenyeviti kutoka halmashauri  za wilaya 5  zinazotekeleza mradi wa Ufugaji wa asili unaoendeshwa na jumuiko la Maliasili Tanzania(TNRF)wameshiriki katika mafunzo ya siku 5 juu ya mfumo wa ufugaji asili, uchambuzi wa Sera na utetezi katika maeneo yao.

Semina hiyo iliyofunguliwa na kufungwa na makamu mwenyekiti wa halmashauri ya mji wa Babati John Teu alisema kuwa famila nyingi hapa nchini na za jamii ya kifugaji hutegemea mifugo kwa chakula na kipato na kuwa ni aghalabu sana kumkuta mfugaji akijishirikisha na kilimo.

Teu alisema kuwa ipo haja kwa wafugaji wa kiasili kuanza kudai haki ya umiliki wa njia za kuipatia mifugo malisho ya kiasili kama wafanyavyo mataifa yalioendelea na huu utakuwa ni utamaduni wa kuhama hama ambao hata unaweza kuingizwa kwenye mfumo wa sera za nchi yetu.

Aidha makamu mwenyekiti huyo alisema kuwa sera za mfugaji wa asili ambaye kiuhalali ni muhamaji kutoka eneo mmoja kwenda jingine kote duniani inafaa kuweka wazi  na kuwatengea maeneo ya mizunguko yao wakati wakifuta malisho huku akutolea mfano wa taifa la Hispania ambalo wafugaji wanahama kila msimu.

“Tunatakiwa kuiga taifa hilo kwani wafugaji wamekuwa wakihama hama na kuleta picha nzuri wakipita katikati ya mitaa kuelekea kwenye eneo wanalohamia na watalii wengi hufuata utalii huu na serekali hupata faida mara mbili”alisema Teu

Nae mratibu wa Semina hiyo Zakaria Faustin alisema kuwa mafunzo hayo ya siku tano yalienda sambamba na kujifunza juu ya mfumo wa ufugaji wa asili,utungaji sera na utetezi kwa wafugaji wa asili na kuwa yamewashirikiasha wenyeviti kutoka wilaya 5 zinazotekeleza mradi wa taasisi hiyo huku akiwataja wataalamu wenzake waliondesha nae  mafunzo hayo kuwa Alais Morindat na Emanuel Sitayo huku akisema kuwa semina hiyo imewashirikisha zaidi ya wanasemina 40.

Alisema kuwa mafunzo hayo ni muundelezo wa kutekeleza miradi iliyotolewa ruzuku kwa asasi zaidi ya 18  zinazotekeleza kusaidia  uelewa kwa wafugaji wa asili kama imetoa matunda hivyo sasa wanawapa mafunzo kama hayo kuweza kuweka changamoto katika kukabiliana na changamoto za ufugaji wa asili hapa nchini.

Alisema kuwa miongoni mwa wataalamu na viongozi wa halmashauri za wilaya zilizo shiriki ni pamoja na Longido,Babati,Kilindi,Kahama,Kilosa na Gairo na wataalamu kutoka wizara ya Ardhi huku akitegemea kuwa mafunzo waliopata wataenda kutetea haki na kuulinda ufugaji wa asili kwenye maeneo yao.

Share this: