KARIBUNI SANA WADAU KATIKA BLOG YETU YA LIBENEKE LA KASKAZINI, TUMA MAONI NA MATANGAZO YAKO AU TUPIGIE SIMU NAMBA +255 755 264 620 KARIBU SANA....

Thursday, August 18, 2016

UVCCM YAMNG'OA RC ARUSHA

picha na maktaba aliyekuwa mkuu wa mkoa wa Arusha Filex Ntibenda ambaye uteuzi wake umefutwa 


mkuu wa wilaya ya Arusha Mrisho Gambo aliyeteuliwa kuwa mkuu wa mkoa wa Arusha na anatarajiwa kuapishwa kesho ikulu jijini Dar es salaam

Na Woinde Shizza, Arusha


Hatimaye mkuu wa mkoa wa Arusha Filex Ntibenda uteuzi wake umefutwa na

Rais John Magufuli ambapo mkuu wa wilaya ya Arusha Mrisho Gambo

ataapishwa kesho kuwa mkuu mpya wa Mkoa huo imefahamika.




Hata hivyo kuna ishara zote kuwa mvutano uliojitokeza kati ya  mkuu

wa zamani  Ntebenda na  UVCCM   mkoani hapa ndiyo ulioachangia kwa

kiasi kikubwa RC huyo kung'olewa.




Uchunguzi wa weti  unebaini kuwa sakata la wapangaji kulipa kiasi

kidogo cha fesha katika mradi wa maduka ya UVCCM , mikataba mibovu na

mkuu wa mkoa kumpigia simu katibu wa Uvccm Mkoa wa Arusha Ezekiel
Mollel  akimtaka  ache kuwabughudhi wapangaji kunatajwa ndiko
kulikoiudhi ikulu na kufukuzwa kazi.



Jambo jingine ambalo pia linatajwa na wadadisi wa mambo yakisiasa

mkoajini hapa ni mfululzo wa matukio ya uchomaji moto katika shule

tano za sekondari huku RC akionekana kutochukua hatua muhimu za
kuyakabili masuala hayo.



Mapema wiki ya juzi katibu wa Uvccm Ezekiel Mollel aliitisha mkutano

na waandishi wa habari na kumtaka aliyekuwa mkuu wa mkoa wa Arusha



Ntibenda aaache mara moja kumpigia simu za vitisho ili  kuwalinda

wapangaji wasiotendea haki uvccm katika malipo ya miradi yake badala

yake ampigie simu za kupambana na hujuma, ufisadi aidha dhidi ya mradi
ya chama au ile ya serikali .



Kwa upande wake mwenyekiti w a UVCCM mkoa wa Arusha Lengai Ole Sabaya

naye alisema kuwa wanamshukuru Rais Wa nchi hii ambaye pia ni

mwenyekiti wa CCM taifa kwa kusikia kilio cha wana arusha na kuamua
kumtoa mkuu huyo wa mkoa na kuleta mungine .



Napenda kuchukuwa nafasi hii kumpongeza rais wa nchi hiii kwa kumuona

mkuu huyu wa mkoa kuwa ni jipu afai  kwani kuna mambo mengi ambayo

ameyafanya  yasioyofaa tunamuhaidi kumuuunga mkono na kumpa
ushirikiano wa kutosha mkuu mpya wa mkoa Mrisho Gambo " Alisema
Sabaya.



Alitoa wito kwa wananchi wa mkoa wa Arusha kumpa ushirikiano wa

kutosha mkuu huyu wa mkoa kwani ni mchapakazi na pia ni mtenda haki .

Naye katibu hamasa wa UVCCM mkoa wa Arusha Neema Emanueli Kiusa alisema kuwa wao vijana wa chama cha mapinduzi hawatakuli kuwa na kiongozi mzigo ,fisadi na ambaye anapenda rushwa na asiyesimamia haki na iwapo kama kunakiongozi wa namna hiyo ndani ya chama ajitoe mapema maana UVCCM wakimgundua hawata muacha .


Alisema kuwa anaamini mkuu mpya wa mkoa anatambua kazi aliotumwa kuwafanyia wananchi hivyo wananchi wasiwe na wasiwasi huku akiwataka wananchi wa mkoa wa Arusha ,viongozi mbalimbali pamoja na wafanyakazi wa serikali kumunga mkono kwa kumpa ushirikiano ili aweze kufikisha mbali mkoa watu  na kuwafanyia watu wa Arusha mambo makubwa ya kimaendeleo .
soma zaidi...

WAIOMBA SERIKALI KUITUPIA MACHO KERO YAO YA MAJI

picha na maktaba
Na woinde Shizza, Arusha
Wakazi wa Kitongoji cha Shimbumbu Kata ya Ngwarusambo wilayani Meru wameimbo serikali kuitupia macho Kero yao ya Maji safi inayowasumbua kwa mda sasa licha ya fedha za Ahadi ya katibu mkuu wa CCM Abdulrahman Kinana kutoa fedha hizo kiasi cha million 50 za uwekaji wa mabomba katika eneo hilo.

Akizungumza na wanahabari kijijini hapo Mwenyekiti wa kitongoji hicho Michael Mungure alisema kuwa wananchi wa kijiji cha Kimundo wamekuwa wakitaabika na adha ya maji kwa muda mrefu sasa ambapo mabomba ya mradi yamefika nusu badala ya kumalizia mradi huo kwa mda sasa.

Alisema kuwa mabomba ya maji ya kueneza maji maeneo mbali mbali katika kata yao yamefika nusu hali inayopelekea wananchi kuapata adha kubwa ya kuacha shughuli za maendeleo na kutafuta maji.

“Mh.Kinana alitoa ahadi ya kukamilisha kwa fedha kiasi cha million 50 hadi leo fedha za ahadi hazijatumika ipasavyo kukamilisha mradi kusudiawa na wananchi kupata maji”alisema Mungure.

Aliwataka viongozi wa wilaya hiyo akiwemo mkurugenzi mpya wa halmashauri ya Meru na diwani wa kata Jeremia Kanuya kutembelea eneo hilo na kuibua kero mbali mbali katika wilaya hiyo ikiwemo uchimbaji wa mawe katika maeneo ya kitongoji hicho mradi ambao umekuwa ukisaidia wananchi kupata fedha za kujikimu kimaisha na kupunguza tatizo la ajira.

Aidha alitoa wito kwa Serikali badala ya kuzui mradi wa uchimbaji mawe ukaibua fursa nyingine za wananchi kujipatia kipato cha kuendesha maisha yao ya kila siku.

Akalitaka jeshi la polisi kufika vijijini na kutoa elimi kwa vikundi vya ulinzi shirikishi wanaolinda maeneo yao kwani wamekuwa wakijichukulia sheria mikononi na vile vile kushirikiana na wenyeviti Vijiji,watendaji wa vijiji na wenyeviti wa vitongoji katika suala zima la ulinzi shirikishi.
soma zaidi...

VYUO VIKUU VILIVYOPOKEA FEDHA AMBAZO WANAFUNZI HAWAPO CHUONI VYAPEWA SIKU SABA KUREJESHA FEDHA HIZO

Na: Lilian Lundo na Sheila Simba - MAELEZO

Waziri wa Elimu, Sayansi na Teknolojia Mhe. Prof.  Joyce Ndalichako ametoa siku saba kuanzia Agosti 17, 2016 kwa vyuo vikuu kurejesha fedha zilizopokea ambazo ni za wanafunzi ambao hawapo chuoni.

Prof.  Ndalichako ameyasema hayo leo, jijini Dar es Salaam alipokuwa akiongea na waandishi wa habari juu ya taarifa la zoezi la uhakiki wa wanafunzi wanufaika wa mikopo vyuo vya Elimu juu.

Prof.  Ndalichako amesema kuwa uhakiki wa wanafunzi hao umefanyika katika vyuo 31 kati ya vyuo 81 vilivyopo nchini, Katika utafiti huo wanafunzi 2,192 wameshindwa kuhakiki majina yao, hivyo kushindwa kuthibitisha uwepo na uhalali wa wanafunzi hao.

“Mikopo ya Wanafunzi hao imesitishwa na kwa wale ambao ni wanafunzi halali lakini walishindwa kujihakiki itabidi waombe tena mkopo,” alifafanua Mhe. Ndalichako.

Ameendelea kwa kusema kuwa, kwa mwaka wa fedha 2015/16 wanafunzi hao hewa wameigharimu Serikali kiasi cha shilingi 3,857,754,460, kiasi ambacho kinatakiwa kurejeshwa na vyuo ambavyo wanafunzi hao wamebainika.

Aidha, Prof.  Ndalichako amesema kuwa taarifa hiyo imekabidhiwa kwenye vyombo vya sheria ili kuwachukulia hatua wale wote watakaobainika kufanya  udanganyifu na kusababisha Serikali hasara ya mabilioni ya fedha.


Vile vile Prof. Ndalichako amewataka wakuu wa vyuo kuweka mfumo wa kuhakiki usahihi wa matokeo ya wanafunzi yanayotumwa Bodi ya Mikopo  kutokana na vyuo vingi kubainika kuwepo kwa udanganyifu mkubwa kwenye matokeo ya wanafunzi ambao hawakufanya mtihani au waliofeli na kuandikiwa wamefaulu ili waendelee kupata mikopo.
soma zaidi...

UVCCM ARUSHA WAISHUKIA SERIKALI KUUNGUA KWA MABWENI MATANO

 MBUNGE WA VITI MAALUM CATHERNINE MAGIGE (WAPILI KUTOKA KUSHOTO )  NA
MWENYEKITI WA UVCCM LENGAI OLE SABAYA (WANNE KUTOKA KUSHOTO) WAKITAZAMA
VIFAA VYA WANAFUNZI VILIVYOHARIBIWA KWA MOTO KATIKA BWENI LA WAVULANA WA
SHULE YA SEKONDARI MLANGARINI LILILOTEKETEA KWA MOTO JANA.PICHA NA
WOINDE SHIZZA,ARUSHA






Na Woinde Shizza ,Arusha.



Kufuatia Mfululizo wa Matukio ya Mabweni ya Shule tano mkoani Arusha
kuteketea kwa moto Umoja wa Vijana wa Chama Mapinduzi  mkoani hapa
wameitaka serikali itoe majibu ya chanzo cha matukio hayo ikiwa ni pamoja
na kuwachulia hatua wanaohusika na vitendo hivyo ili kunusuru uharibifu wa
majengo na mali pamoja na maisha ya wanafunzi.



Mbunge wa Viti Maalumu mkoa wa Arusha Catherine Magige aliyeongozana na
Viongozi wa Uvccm kutembelea shule ya Sekondari Mlangarini ambapo bweni la
wavulana liliteketea kwa moto ,ameitaka serikali kuchukua hatua za kufanya
uchunguzi na kudhibiti matukio hayo kwani wasipofanya hivyo wanawaeza
kuhatarisha maiasha ya wanafunzi hao.



Catherine alisema kuwa umekua ni mtindo mpya umeibuka wa kuchoma mabweni ya
wavulana katika shule za bweni mtindo ambao usipotafutiwa ufumbuzi wa
kudumu unaweza kuwa janga kubwa litakalopelekea vifo vya watoto .



Mwenyekiti wa UVCCM mkoa wa Arusha Lengai Ole Sabaya wamesema kuwa  Kamati
ya Ulinzi na usalama inapaswa kutafuta mtandao huu unaohusika na uchomaji
wa mabweni ya wanafunzi ili kudhibiti vitendo hivyo hatarishi kwa usalama
wa wanafunzi.



Sabaya amezitaka Mamlaka husika zichukue hatua kukabiliana na tatizo hilo
ikiwa ni pamoja na kuimarisha ulinzi endelevu katika shule za Bweni.



Katibu Hamasa  wa UVCCM Neema Kiusa amesema kuwa serikali inaingia hasara
kukarabati majengo yanayoungua na kujenga gharama ambazo zingetumika
kujenga majengo mapya ya shule hivyo wamesikitishwa na tukio hilo.



Mwenyekiti wa Bodi ya shule Mathias Manga amesema kuwa kwa sasa wanaendelea
na juhudi za kutafuta magodoro pamoja na kupata vifaa vya ujenzi ili
wanafunzi hao warudi katika masomo yao hivyo amewataka wadau wa maendeleo
kujitokeza kusaidia shule hiyo.


Baadhi ya Shule zilikubwa na janga la moto mkoani Arusha ni pamoja na Shule
ya Msingi Edward Lowassa ,Shule ya Sekondari Longido,Shule ya Sekondari
Nanja pamoja na Shule ya Sekondari Mlangarini.
soma zaidi...

SBL YATANGAZA KUDHAMINI ELIMU KWA WANAFUNZI WA VYUO

Mkurugenzi wa Mahusiano wa SBL John Wanyancha ( kulia)   akiongea na waandishi wa habari (hawapo pichani) Wakati wa kutangaza mpango kampuni hiyo wa kugharamia elimu ya vyuo vikuu kwa wanafunzi wanaotoka katika familia zisizo na uwezo ili kuwapa walengwa fursa ya kutimiza malengo na ndoto zao za kimaisha.Pembeni yake ni Meneja wa Miradi ya Jamii wa SBL Hawa Ladha katika mkutano uliofanyika mapema leo katika ofisi za SBL,Temeke  jijini Dar es salaam.

Meneja wa Miradi ya Jamii Hawa Ladha akifafanua jambo kwa waandishi wa habari (Hawapo pichani) wakati wa kutangaza mpango wa kampuni hiyo kugharamia elimu ya vyuo vikuu kwa wanafunzi wanaotoka katika familia zisizo na uwezo ili kuwapa walengwa fursa ya kutimiza malengo na ndoto zao za kimaisha,kulia kwake ni Mkurungezi wa Mahusiano wa SBL John Wanyancha katika mkutano na waandishi wa habari uliofanyika mapema leo katika ofisi za SBL zilizopo Temeke Jijini Dar es salaam.

Waandishi wa habari wakifuatilia kwa makini mkutano huo mapema leo asubuhi katika ofisi za SBL zilizopo Temeke jijini Dar es salaam.

Dar es Salaam, Agosti 18, 2016 - Kampuni ya Bia ya Serengeti (SBL) kwa mara nyingine imetangaza mpango wa kugharamia elimu ya vyuo vikuu kwa wanafunzi wanaotoka katika familia zisizo na uwezo ili kuwapa walengwa fursa ya kutimiza malengo na ndoto zao za kimaisha.

Huu ni mwaka wa sita mfululizo ambapo SBL  inatoa msaada kwa wanafunzi wa ndani  wanaochukua  kozi za shahada katika vyuo vikuu vya Tanzania  chini ya programu ya kampuni ijulikanayo kama “Skills for Life”. Jumla ya wanafunzi 31wa Tanzania tayari wameshanufaika na  mpango huu ambao ni sehemu ya Mfuko wa Kampuni ya Bia ya Afrika Mashariki (EABL Foundation).

Kwa mujibu wa Mkurugenzi wa Mahusiano wa SBL John Wanyancha fomu za maombi kwa ajili ya udhamini zinapatikana katika ofisi za kampuni hiyo zilizopo Dar es Salaam, Moshi na Mwanza au kupitia tovuti ya www.eablfoundation.com.

Wanyancha amesema mpango huo uko wazi kwa wanafunzi kutoka nchi nzima ya Tanzania ambao ambao tayari wamepata usajili wa kujiunga na vyuo vikuu nchini katika fani za Biashara, Teknolojia ya Habari na Mawasiliano, Uhandisi  na Sayansi ya Chakula katika ngazi ya shahada kutoka vyuo vikuu hapa nchini.

Mfuko wa EABL ulianza  kutoa udhamini wa masomo kwa wanafunzi kuanzia wanaojiunga na vyuo vikuu mwaka 2005 ambapo hadi sasa zaidi ya wanafunzi 238 wamenufaika kwa mpango huo wakiwemo 31 kutoka Tanzania. Wengi walionufaika tayari walishamaliza masomo yao  na wanafanyakazi katika makampuni mbalimbali  katika ukanda huo. Mpango huu upo katika nchi za Kenya, Tanzania na Uganda ambapo mfuko wa EABL umetumia jumla ya zaidi ya Tshs billion 5 kuugharamia tangu mwaka wa 2005.  

Udhamini huu hugharamia ada ya masomo, vitabu, malazi, fedha za kujikimu na programu za ushauri kwa waombaji watakaofanikiwa.
“Lengo letu kuu kupitia mpango huu ni kuwawezesha waombaji  kutimiza ndoto zao maisha,” alisema Wanyancha na kuongeza kuwa tarehe ya mwisho ya kupokea maombi  ni Septemba 20, 2016.

Mkurugenzi huyo ametoa wito kwa wanafunzi wanaojiunga na vyuo vikuu nchini kuchangamkia fursa hiyo ili kwa kutuma maombi ndani ya kipindi cha mwezi mmoja ujao.

MAHITAJI MUHIMU:  Fomu za maombi zilizojazwa vizuri  zikiwa zimeambatanishwa na  barua ya usajili kutoka kwa taasisi ya  elimu ya juu, udhibitisho wa hitaji la kifedha na nakala za vyeti vya elimu ya sekondari kidato cha nne na cha sita.
soma zaidi...

MGODI WA DHAHABU WA BULYANHULU WATENGENEZA AJIRA KWA WAJASILIAMALI VIJIJINI KUPITIA MRADI WA MADAWATI.

 Afisa Mahusiano wa Mgodi wa Bulayanhulu Sara Teri (kulia)  na Meneja wa Ufanisi wa Mgodi wa Bulayanhulu Elias Kasitila wakikabidhi madawati kwa Mkuu wa Wilaya ya Nyang’wale Hamim Gwiyama pamoja na viongozi wengine wa Wilaya ya Nyangw’ale.
Meneja wa Ufanisi wa Mgodi wa Bulyanhulu uliopo mkoani Geita ,Elias Kasitila akizungumza katika hafla ya makabidhiano ya madawati yaliyotolewa na mgodi huo kwa ajili ya shule zilizoko katika wilaya ya Nyang'wale.
Utengenezaji wa Madawati ulitoa fursa ya ajira kwa fundi Deus Mlela aliyepewa tenda na Mgodi wa Bulyahulu ya kutengeneza madawati mia tano.
Fursa ya ajira iliendelea kusambaa kwa dereva wa trekta Bw ,Machibya aliyepata tenda ya kusafirisha Madawati kwenda katika shule zilizokusudiwa kupata Madawati hayo.
Lakini pia wakati wa shughuli za utengezaji wa Madawati hayo mafundi walihitaji kupata chakula na hii pia ikawa Fursa kwa Mama Nitilie Devotha Sonda wa Sonda ambaye alikuwa akitoa huduma ya chakula kwa mafundi hao.



 
Mgodi wa dhahabu wa Bulyanhulu umetengeneza mamia ya ajira kwa vijana na wanawake wanaoishi maeneo mbalimbali mkoani shinyanga na Geita kupitia mpango wa kutengeneza madawati elfu sita katika maeneo mbalimbali ya mikoa hiyo yenye thamani ya shilingi milioni 200.

Wakizungumza kwa nyakati tofauti vijana wamesema neema ya kujiingizia vipato kwa kushiriki kwenye shughuli mbalimbali katika zoezi la kutengeneza madawati imebadili maisha yao hasa katika msimu huu wa kiangazi ambao wengi wao ajira zao zimesimama kwani walio wengi wanategemea mvua kwenye ajira yao ya msingi ya kilimo.

“Tunashukuru sana msimu huu wa kiangazi, tumepata nafasi ya kupata kazi za ambazo zinatupatia kipato kupitia utengenezaji wa madawati, mimi hapa ni fundi chuma, nachomelea vyuma na kazi yangu hii huku vijijini wateja ni wachache sana, muda mwingi huwa tuko doro kwenye kijiwe chetu lakini sasa hivi tuna kazi nyingi sana za kutengeneza madawati hapa imebidi niajiri vijana wengine watano kuweza kunisaidia kukamilisha kazi ya kuunganisha vyuma kwa ajili ya madawati mia tano ambayo tumepata tenda na Kampuni iliyoshinda tenda ya kutengeneza madawati kwa gharama ya mgodi wa dhahabu ya Bulyanhulu.” Anasema Abbas Mbua mkazi wa kata ya Msalala wilaya ya Nyang’wale mkoani Geita.

“Sisi wapiga msasa tunajipatia shilingi elfu kumi na tano kwa kila dawati 5 hii si haba, kiasi hiki kimenisaidia sana maana sikupata vizuri mazao mwaka huu kwa hiyo pesa niliyoingiza kwenye kazi ya kupiga msasa imebadili kabisa hali halisi nyumbani, nimenunua gunia za mahindi, maharage na mchele, hali imetulia kwa kweli siwezi kusema uongo” anasema Maige Deus mkazi wa Kahama.

“Ninaiomba sana serikali yetu iendelee kuvumbua miradi mingine ili sisi vijana tuendelee kuchapa kazi, maana vinginevyo tunakaa vijiweni kazi hamna, lakini mradi huu wa madawati ulivyokuja hatuna hata muda wa kuvuta sigara, tuko bize kutwa nzima tunatengeneza madawati, hapa mimi ndiyo fundi mkuu kwenye hiki kiwanda naunganisha mbao na kuhakikisha madawati yako vizuri kwa ajili ya wanafunzi.” Anasema Abdul Karim Ramadhani akiwa katika kiwanda cha Zacharia and Deus Timber Supply cha Nyang’wale mkoani Geita.

Halikadharika mama nilitie nao wanasema si haba mradi wa kuchonga madawati umeongeza idadi ya wateja katika migahawa yao, Devotha Sonda wa Sonda Mama Nitiliea katika kijiji cha Msalala anasema “ Kabla ya mradi wa madawati vyakula hapa tulikwa tunapika kidogo na wateja walikuwa ni wa kubangaiza tu lakini sasa hivi kutokana uchongaji wa madawati vijana ni wengi sana na binafsi nimepewa tenda kabisa ya kupikia vijana wanaotengeneza madwati na ninalipwa vizuri na kwa muda, naomba miradi kama hii iendelee tu hadi madawati yatoshe na sisi mitaji itakuwa imekua. Mwaka huu maswala ya ada kwa watoto, mavazi sasa ni jambo rahisi.”

Naye Mkurugenzi wa kampuni ya kizawa ya Zacharia and Deus Timber Supply Deus Mlela iliyopo Nyang’wale kilomita hamsini kutoka mgodi wa Bulyanhulu amesema, “Tenda ya kutengeneza madawati mia tano kutoka Bulyanhulu kwetu tumepata faida mara mbili kwanza imetuongezea mtaji na pili imetupa uwezo na kujulikana kwa wadau wengine, sasa hivi tumepatiwa tena tenda na Halamashauri ya wilaya kutengeneza madawati mengine elfu moja na kampuni nyingine imetupa tenda na madawati mia mbili, bila kazi ya Bulyanhulu kutufungulia mlango ingekuwa vigumu kuweza kupokea tenda hizo kwa sababu mtaji ulikuwa mdogo. Tunaomba wadau waendelee kutuamini ili na sie tuweze kuendelea kusambaza ajira kwa vijana ambao hawana ajira.

Naye Mkuu wa Wilaya ya Nyang’wale Hamim Gwiyama amesema, “Kimsingi kuwa karibu na Mgodi wa dhahabu wa Bulyanhulu imewafanya watu wa Nyang’wale ule uzito wa kazi ya madawati kuwa tofauti na sehemu nyingine, japo hatujamaliza kabisa tuna mapungufu kidogo, faida ya mradi wa madati faida yake ya kwanza ni kwa watoto wa shule ambayo ni walengwa, wanapata madawati wake vizuri na waweze kuelewa masomo yao vizuri,  kwa njia nyingine mpango huu umetengeneza ajira, wale watengeneza mawadaati wamepata kazi ya kufanya na kipato, wanajipatia mahitaji wengine wananunua mifugo, kwa mfano katika mradi huu bulyanhulu imedhamini madawati yenye thamani ya shilingi million thethini na tano na hii pesa imezunguka kwa watu wote, mafundi seremala, waendesha mikokoteni, mama nitilie, na wengine wengi wamejipatia kipato na hata mitaji.”

Mwaka 2013 Mgodi wa Bulyanhulu ulitoa madawati 1329 kwa ajili ya shule 10 za msingi  zinazozunguka mgodi  wa Bulyahulu.

Mwaka huu 2016 Madawati 1380 kwa halmashauri ya Msalala madawati  500 kwa wilaya ya Nyang’wale 500, madawati 2000 yatatolewa hivi karibuni kwa mkoa wa Shinyanga na pia Bulyanhulu itaipatia dola za kimarekani elfu 6000 shule ya msingi ya binafsi ya St. Josephine Bhakita iliyoko km 12 kutoka mgodi wa dhahabu wa Bulyanhulu katika kijiji cha Ilogi kata ya Bulyanhulu.
soma zaidi...

Mashindano ya Tigo Fiesta Super Nyota yafana Jijini Mwanza Inbox x

Msanii pekee wa kike aliyeingia Fainali ya Tigo Fiesta Super Nyota jijini Mwanza,Yasinta akiimba wakati wa shindano hilo lililofanyika ukumbi wa Rock Bottom jijini Mwanza jana. 

Msanii mdogo kuliko wote kwenye  Tigo Fiesta Super Nyota jijini Mwanza, Aga Star akionyesha kipaji chake.






Msanii Nchama akiwania nafasi ya kushiriki fainali za Tigo Fiesta Super Nyota zitakazofanyika uwanja wa ccm Kirumba jijini mwanza jumamosi wakati wa msimu wa fiesta




Majaji wakiongozwa na Gardener G Habash(katikati) wakihesabu kura kwenye mchuano wa  Tigo Fiesta Super Nyota jijini Mwanza.



Washindi walioingia fainali ya Tigo Fiesta Super Nyota jijini Mwanza, wakiwa kwenye picha ya pamoja.



soma zaidi...

RAIS MAGUFULI ATENGUA UTEUZI WA MKUU WA MKOA WA ARUSHA FILEX NTIBENDA ,AMTEUWA MRISHO GAMBO KUWA MKUU WA MKOA WA ARUSHA



Mkuu wa Mkoa mpya wa Arusha,Mrisho Gambo aliyeteuliwa na
Rais,kuapishwa kesho ijumaa Ikulu jijini 
RAIS wa Jamhuri ya Muungano wa Tanzania, Dkt. John Pombe Magufuli
amefanya mabadiliko madogo ya uongozi na kumteua Bw. Mrisho Gambo kuwa
Mkuu wa Mkoa wa Arusha kuanzia leo (Alhamisi, Agosti 18,2016).
Waziri Mkuu Kassim Majaliwa amesema Bw. Gambo anachukua nafasi ya
aliyekuwa Mkuu wa Mkoa huo, Bw. Felix Kijiko Ntibenda ambaye uteuzi wake
umetenguliwa.
Amesema Bw. Ntibenda anahamishiwa Ofisi ya Waziri Mkuu ambako
atapangiwa majukumu mengine.
Kabla ya uteuzi huo, Bw. Gambo alikuwa Mkuu wa Wilaya ya Arusha.
Ataapishwa kesho (Ijumaa, Agosti 19, 2016) saa 3 asubuhi Ikulu jijini Dar es
Salaam.
IMETOLEWA NA:
OFISI YA WAZIRI MKUU,
2 MTAA WA MAGOGONI,
S. L. P. 3021,
11410 DAR ES SALAAM.
soma zaidi...

TRA YAZINFUA KAMPENI YA UHAKIKI WA NAMBA ZA MLIPA KODI (TIN)

Mamlaka ya Mapato Tanzania TRA imewataka wafanyabiashara katika
jiji la Dar es salaam kuboresha taarifa za usajili wa namba ya
utambulisho wa mlipa kodi (TIN) ili kuondokana na mfumo wa kizamani
wa usajili wa namba hiyo.

Uhakiki huo utaiwezesha mamlaka hiyo kuweza kujua idadi sahihi ya
wafanyabiashara walipa kodi, kuondoa walipa kodi hewa ambao
wamekuwa hawajihusishi na biashara kutokana na sababu mbalimbali
ikiwemo vifo au kufungwa kwa makampuni yao.

Akiongea na waandishi wa habari jana jijini Dar es salaam, Kamishna
Mkuu wa Mamlaka ya Mapato Tanzania ndugu Alphayo Kidata alisema
mfumo huo utawawezesha wafanyabiashara kulipa kodi kwa gharama
nafuu sambamba na kuweka mazingira ya ulipaji kodi kwa hiari.

Kidata alisema kuwa mfumo wa sasa wa uhifadhi kumbukumbu za
walipa kodi ulikuwa na kasoro nyingi hivyo mfumo mpya utaendana na
ukuaji wa teknolojia na kukuza uchumi.

“Zoezi hili linamtaka kila mwenye namba ya utambulisho yani TIN kufika
katika ofisi za TRA zilizopo karibu naye bila kuwakilishwa na mtu yeyote
na zoezi litatumia dakika 10 kumalizika” alisema
Naye Elija Mwandubya ambaye ni kamisha wa mapato wa ndani wa
mamlaka hiyo, alisema zoezi hilo litachukua siku 60 na kuanzia Dar es
salaam na baadaye kuhamia mikoa mingine ndani ya nchi.

“TRA ina wafanyabiashara walipa kodi milioni mbili na laki moja hivyo
uboreshwaji wa TIN utatupa uelewa wa idadi kamili ya walipa kodi”
Alisema
Elija alisema kutakuwa na vituo maalum kwaajili ya uhakiki wa taarifa
katika mikoa ya kikodi ambapo Kinondoni wafanyabiashara watatakiwa
kutembelea ofisi za TRA zilizopo jengo la LAPF – Kijitonyama na Kibo
Complex Tegeta.

Ilala wafanyabiashara watembelee ofisi ya TRA shauri moyo na 14 Rays
Gerezani na Temeke wafike ofisi za uwanja wa Taifa.
soma zaidi...

BWENI LA SHULE YA MLANGARINI LATEKETEA KWA MOTO


Shule ya Mlangarini.iliyopo manispaa ya Arusha vijijini katika Wilaya ya Arumeru limeteketea kwa moto pamoja na vifaa mbalimbali vya wanafunzi yakiwemo madaftari pamoja na sare za wanafunzi hao.

Kwa mujibu wa mwalimu mkuu wa shule hiyo Elias John Pallakyo amesema kuwa yeye aliuona moto huo majira ya saa tatu na robo usiku lakini inasadikiwa moto huo ulianza mapema hadi walipofanikiwa  kuuzima moto mwjira yasaasita usiku,hadi sasa hasara kamili haijafahamika kwani moto huo umeteketeza vitanda 42 ambavyo ni dabodeka ,sare za shule za wanafunzi hao,masanduku ya wanafunzi ya kuhifadhia vifaa vyao yameharibiwa vibaya na moto huo.

Aidha mkuu huyo amesema kuwa shule hiyo ni mchanganyiko wavulana na wasichana inajumla ya wanafunzi 1195,wanafunzi wanaolala shuleni hapo jumla yao ni  780 ,hakuna mwanafunzi aliyejeruhiwa ,kwani wakati moto huo ulipoanza wanafunzi walipokuwa wakijisomea wenyewe.

Jeshi la liliweza kufika katika eneo la tukio kuimarisha ulinzi,alikuwepo  RCO Mkoa wa Arusha George Katabaze ,OCD Arusha Jumanne,OCID Augustino Damgoba pamoja na Inspekta wa zamu wilaya ya Arumeru Alan Mwita,Nae mkuu wa wilaya ya Arumeru Alexander Mnyete alifika shuleni hapo,uchunguzi wa chanzo cha moto huo bado unaendelea pamoja na hayo walinzi wawili Robson Msuza,Mika Jeremia pamoja na mwalimu wa zamu na mwalimu wa bweni wapo mikononi mwa jeshi la polisi kwa mahojiano zaidi.

Hii ni shule ya tano kuungua ndani ya mwezi mmoja ilianza kuungua shule ya Sekondari Lowassa iliyopo Halmashauri ya Monduli,Nanja sekondari,Longido sekondari iliyopo Halmashauri ya Longido,Sokoine sekondari iliyopo Halmashauri ya Monduli ,Na Mlangarini sekondari iliyopo Halmashauri ya Arumeru chakushangaza ni kwamba mabweni yote yanayoteketea kwa moto ni ya wavulana.
soma zaidi...

GOOGLE YAZINDUA PROGRAMU MPYA KWA JINA LA DUO


Programu hiyo ni jibu la Google kwa programu nyengine kama ile ya Apple
ya Face Time,Skype ya Microsoft na Facebook messanger.

Haina tofauti kubwa na programu nyengine zinazotoa huduma za
video,isipokuwa inakupatia uwezo wa ni nani anayepiga simu hivyobasi
kumpatia mtumiaji fursa ya kuamua iwapo ataipokea simu hiyo au la.

Google inasema kuwa programu hiyo imetengezwa hali ya kwamba
inakubishia hodi kabla simu kuingia.

Programu hiyo mpya iliotangazwa mwezi Mei inazinduliwa kama huduma ya
bure kwa simu zinazotumia Android pamoja na simu za Apple za iPhone.

Simu zinalindwa na haziwezi kudukuliwa na video hubadilika kulingana na
kasi ya kushika simu inayopigwa.

Kama programu ya FaceTime ,duo inahitaji nambari ya mtu ya simu
kuunganishwa.

Huduma nyengine zinahitaji mtumiaji kuingia katika akaunti zao ili kupata
fursa ya kupata huduma hiyo.





soma zaidi...

Thursday, August 11, 2016

UVCCM MKOA WA ARUSHAWATOA SIKU 14 KWA WALE WOTE AMBAO HAWAJALIPA KODI ZA MAJENGO YAO,NA WALE WALIOJIMILIKISHA MALI ZA UMOJA HUO


 Katibu wa UVCCM mkoa wa Arusha Ezekiel Mollel akiwa anaongea na waandishi wa habari nje ya ofisi za umoja huo
 mwenyekiti wa UVCCM mkoa wa Arusha Lengai Ole Sabaya akiwa anaongea na waandishi wa habari

mwenyekiti wa UVCCM wialaya ya Arumeru Boniface Mungaya akichangia jambo katika mkutano huo ambapo alisema kuwa watakuwa bega bega viongozi hao kuakikisha mali za umoja huo silizotaifishwa zitarudishwa ,wakwepa kodi watalipa au kufukuzwa na maduka yote yanapangishiwa wananchi wa CCM ili wanufaike
 Kamanda wa UVCCM  Philemoni Monaban akiongea na waandishi nae alisema kuwa anawaunga mkoano vijana hawa na atakuwa nao bega kwabega
 mwenyekiti wa UVCCM mkoa wa Arusha Lengai Ole Sabaya akiteta jambo na kamanda wa UVCCM


Na Woinde Shizza,Arusha
 UMOJA  wa vijana mkoa wa Arusha UVCC, umetoa siku 14 kwa wapangaji
wote waliokiuka kulipa kulipa kodi za pango la miradi ya umoja huo na
endapo watakaidi amri hiyo ya kulipa kodi hizo hatua kali
zitachukuliwa ikiwa ni pamoja na kuwafikisha mahakamani.


Akiongea na vyombo vya habari Mara baada ya kumalizika kwa kamati ya
utekelezaji mapema  katibu wa Umoja huo Ezekieli Molel alisema
kuwa wapo baadhi ya viongozi ambao wanahusika kuhujumu miradi ya Umoja
huo na kisha kulipwa kama wamiliki halisi wa majengo na miradi  ya
Umoja huo.

Alisema kuwa miradi inatakiwa kuingiza kiasi cha milioni zaidi ya 20 kwa mwezi
lakini kitu cha ajabu miradi hiyo inaingiza kiasi cha milioni tatu
pekee kwa mwezi

Alidai kuwa kinachotokea ni kwamba wapo wapangaji ambao wanalipa kodi
kwa kiasi cha 5000 kwa mwezi kwa kuwa wanafahamina na wamiliki
waliojiandikishia mkataba hali amabyo inawafnya wengine kujinufaishia
juu ya migongo ya umoja huo

"Tunalagaiwa sana alafu hawa wapangaji wetu wanatupa shida alafu Mkuu
wa mkoa anawatetea baadhi yao kwa kusema kuwa tuwaache kweli jamani
tupokee kodi 5000 hatukubali kabisa na wengine wamekaa muda mrefu lakini hawalipi kweli ni haki hapana atutakubali tutakula nao sahani moja"aliongeza molel

Kwa upande wake mwenyekiti wa UVCCM mkoa wa Arusha  Lengai Ole Sabaya alisema kuwa  kuna taarifa zinaonesha kuwa aliyewahi kuwa
katibu wa Umoja huo ambaye ni mfaume kizigo(naibu katibu Mkuu
bara)alihusika kwa namna moja kudidimiza uchumi wa  umoja huo.

Kutokana na hali hiyo mwenyekiti  huyo alimtaka naibu katibu Mkuu kurudi
Arusha na kisha kuweza kuangalia makubaliano ambayo aliingia na
wapangaji wakati alipokuwa  katibu wa vijana mkoani hapo
"kuna vigogo ambao kwa kuwa wana majina ndani ya chama wanarubuni mali
za chama kabisa sasa hatutakubali kabisa hata kama wapo ngazi za juu
ni lazima tuhakikishe tunawatoa"aliongeza Ole sabaya 

Kutokana na hilo alisema wametoa siku 14 kwa wapangaji ambao
wanahujumu miradi ya chama hicho kujisalimisha na kisha kulipa madeni
yote na endapo kama watashindwa kufanya hivyo watafakisha mahakamani.

Aidha aliongeza kuwa kama kunampangaji yeyote aliyepangisha duka alilokabidhiwa na umoja wa vijana nae akapangisha kwa mtu mwingine yeyote hata kama ni kiongozi ndani ya chama amekosa sifa za kuwa mpangaji kwa mujibu wa makubaliano ya mkataba na toka sasa hatambuliki tena .  
 Ole  Sabaya aliongeza kuwa wao kama umoja wa vijana mkoa wa Arusha  wanalaani vikali matamshi ya mbunge wa Arusha Mjini  Godbless Lema na viongozi wake kwa ujumla kwa kuingilia mamlaka halali ya mkuu wa wialya ya Arusha mjini Mrisho Gambo ya kutaka kujua uhalali wa fedha wanazolipwa madiwani kinyemela huku wananchi wa jiji wakiendelea kupata dhiki ya maji ,afya pamoja na miundo mbinu

Walimtaka mkuu wawilaya aendelee na kazi bila ya woga wala hofu huku akimfundisha mbunge huyo kufata mipaka ya kazi yake na kukumbuka kwamba kazi aliy9oomba sio ya kunufaisha matumbo ya madiwani wake bali ni ya kuwapunguzia wana nchi wa Arusha ukali wa maisha. 

Katika hatua nyingine akiongea kwa njia ya simu  naibu katibu mkuu wa
UVCCM taifa, mfaume kizigo alisema kuwa tuhuma hizo ni za uongo kabisa
nay eye hausiki na mkataba wowote kwani kwa mujibu wa sheria za CCM
mikataba yote inafanyika na kuna kuwa na uwazi
Alidai kuwa hana mali yoyote ambayo ameihujumu na hivyo hao vijana
kama wangekuwa na malalamiko basi wangeyafikisha kwenye uongozi ngazi
za juu.
Hataivyo jitiada za kumtafuta Mkuu wa mkoa wa Arusha daudi Ntibenda zinaendelea.
soma zaidi...

Google+ Followers

 
Copyright ©2010-2014 LIBENEKE LA KASKAZINI • All Rights Reserved.
Template Design by Gadiola Emanuel • Powered by Blogger
back to top