WATAALAMU WA MAWASILIANO NA UCHUKUZI WATAKIWA KUTAFUTA UMBUZI WA TATIZO LA UDUNI WA MIUNDO MBINU

WAZIRI wa Uchukuzi, Dk Harrison Mwakyembe amewata wataalamu wa fedha,

mawasiliano na uchukuzi kutafuta ufumbuzi wa tatizo la uduni wa

miundombinu unaodidimiza uchumi barani Afrika.

Aliyasema hayo wakati akifungua mkutano wa mwaka wa Taasisi za fedha zinazofadhili maendeleo

barani Afrika (AADFI), unaoenda sambamba na mkutano wa Magavana wa

Benki ya Maendeleo Afrika unaofanyika Jijini Arusha , Dk Mwakyembe

alisema mipango ya maendeleo na kukuza uchumi haiwezi kufanikiwa iwapo

miundombinu haitaboreshwa kurahisisha usafirishaji.

Alisema hadi sasa nchi nyingi barani Afrika zinatumia barabara kama

njia kuu ya usafirishaji badala ya reli ambayo licha ya kuwa na

gharama nafuu lakini pia husafirisha kiwango kikubwa cha mizigo

kulinganisha na barabara na kuwataka wataalamu hao kutafuta njia ya

kupata fedha za ndani kugharamia ujenzi na ukarabati wa miundombinu.

“Kukosekana na kutofanyia matengenezo ya mara kwa mara barabara zetu

kunakwaza mawasiliano na hivyo kupunguza kasi ya kujiletea maendeleo

kutokana na ukweli kwamba mawasiliano ndiyo nyenzo muhimu kiuchumi,”

alisema Dk Mwakyembe

Alisema uduni wa njia za mawasiliano huchangia gharama kubwa ya

usafirishaji ambayo humwangukia mtumiaji wa mwisho ambaye ni mwananchi

wa kawaida anayelazimika kununua bidhaa kwa bei ya juu kulinganisha na

wanaoishi kwenye nchi zilizoendelea kimiundombinu.

Dk Mwakyembe alisema tatizo la miundombinu ni moja ya changamoto kwa

serikali zote za Afrika katika juhudi za kukuza uchumi katika sekta

zote ikiwemo kilimo ambacho ni uti wa mgongo kwa mataifa mengi,

Tanzania ikiwemo.

Alitoa mfano wa Tanzania kwa kusema asilimia 95 ya mizigo mizito

husafirishwa kwa njia ya barabara huku asilimia mbili pekee

ikisafirishwa kwa reli na hivyo taifa kulazimika kutumia fedha nyingi

kujenga na kukarabati barabara zinazoharibika mapema kutokana na

kuzidiwa na matumizi.

Awali akimkaribisha Dk Mwakyembe, Mwenyekiti wa AADFI, Peter Noni

alisema changamoto kubwa inayozikabili nchi za Kiafrika ni namna na

njia bora za kumudu kujenga miundombinu za uhakika bila kutegemea

misaada na ufadhili kutoka nchi wahisani na taasisi za fedha za

kimataifa.

Noni ambaye pia ni Mkurugenzi Mtendaji wa Benki ya Rasilimali (TIB),

allisema miongoni mwa mambo yanayotarajiwa kujalidiliwa na kkutafutiwa

ufumbuzi na namna ya kkutumia taasisi za fedha za ndani kugharamia

ujenzi wa miundombinu kupitia mikopo yenye masharti nafuu.

About Woinde Shizza

This is a short description in the author block about the author. You edit it by entering text in the "Biographical Info" field in the user admin panel.