CAMARTEC WAMALIZA TATIZO LA MALISHO YA MIFUGO KIPINDI CHA UKAME

Fundi mwandamizi kutoka kituo cha zana za kilimo na teknolojia vijijini (CAMARTEC)  Jeremia Simoni akionyesha wananchi waliohudhuria katika maonyesho ya nane nane  yanayofanyika katika viwanja vya Themi nane nane njiro mkoani Arusha namna mashine ya kufunga majani inavyofanya kazi 

Na Woinde Shizza , ARUSHA 

 Kutokana na tatizo la ukosefu wa malisho ya mifugo haswa katika kipindi cha ukame unaotokana na   mabadiliko ya tabia nchi ,kituo cha zana za kilimo na teknolojia vijijini (CAMARTEC) kimemletea mkulima suluhisho Kwa kumtengezea mashine itakayomsaidia kukata, kufunga majani Kwa ajili ya kuhifadhi malisho yatakayo msaidia katika kipindi ambacho hakuna mvua na malisho hayapatikani pamoja na kumuwezesha mkulima kujipatia kipato.

Akiongea na waandishi wa habari katika maonyesho  ya wakulima yanayofanyika  kufanyika katika viwanja vya nane nane themi Njiro mkoani hapa ofisa masoko kutoka taasisi hiyo  Jemsi Joseph alisema kuwa katika msimu huu wa nane  nane  wameamua kuwaletea wafugaji teknolojia hizo ili kuweza kupunguza tatizo kubwa la chakula cha mifugo  linalowakabili wafugaji wengi hapa nchini pamoja na kumsaidia mkulima katika njanja za biashara 

Alisema kuwa tatizo  la ukame linalotokea hapa nchi limekuwa likipelekea kukosekana  Kwa malisho ya mifugo  hivyo mashine hizo zitamuwezesha mfugaji kuhifadhi  chakula kinachotokana na mazao mbalimbali yanayovunwa  katika kipindi cha  mavuno na kuhifadhiwa vyema Kwa ajili ya kusaidia katika  kipindi  cha ukame.

 Alibainisha kuwa katika kipindi cha miaka iliopita  kumekuwa  na  tatizo la chakula cha mifugo ambalo linatokana  na changamotoya kutokuwepo Kwa mvua , ambapo  inapelekeaga  mifugo mingi kupoteza maisha .

"Kupitia mashine hizi ambazo tumeweza kuwaletea wakulima na wafugaji wanaweza kufaidika katika njia mbalimbali Kwa mfano yale mabua ambayo wakulima walikuwa wakiyapata kutokana na mavuno walikuwa wakisafirisha Kwa gharama kubwa sana Kwa mfano mfugaji akikodi kenta Moja ambayo inaweza kubeba tani nne anaweza kusafirisha majani kidogo sana kwagharama ya kiasi cha shilingi laki tatu ,lakini pia akifikisha yale majani sio yote yatalika na mifugo kutokana na kuharibika kiasi ambacho zaidi ya asilimia 90% ya yale mabua ng'ombe hayali yakifika katika eneo la kuhifadhia lakini akitumia njia hii badala ya ng'ombe kula asilimia 20 ya majani na nyingine  kupotea lakini Kwa kupitia njia hii mfugo huyo atakula majani Kwa asilimia 90 yote"alisema

Alisema kupitia teknolojia hizo zitamsaidia mkulima kuokoa chakula cha mifugo Kwa zaidi ya asilimia 90% ,pia zitamsaidia mfugaji kuhifadhi chakula kingi cha mifugo katika eneo dogo kitakacho muwezesha kuilisha mifugo yake katika kipindi chote ambacho kitakuwa na tatizo la chakula cha mifugo.

Aliwataka watanzania kuwekeza katika chakula cha mifugo Kwani  kina lipa na  hakuna watu wengi kama vile ,zilivyo biashara zingine.

Aidha aliwataka wakulima nchini  kubadilika na kuachana na ufugaji wa mazoea bali wafuge kisasa kwa ajili ya kupata mazao mengi lakini yenye ubora ambayo yataweza kuuzika kwa faida na hivyo kuongeza mchango wa pato la Taifa.

 Alisema ufugaji wa kisasa unaleta manufaa makubwa hata ukiwa na mifugo michache ambayo utaitunza vizuri tofauti na kuwa na idadi kubwa ya mifugo ambayo hawasaidii kuinuka kiuchumi ambayo pia itakufanya ushidwe kuilisha kutokana na tatizo la mabadiliko ya tabia nchi

Share this: