UHALIFU WAPUNGUA MANYARA

JESHI la polisi mkoani Manyara limepunguza kwa kiwango cha makosa ya uhalifu  toka 2,278 hadi kufikia 2143 kati ya matukio ya uhalifu yaliyotokea katika kipindi cha kutoka  Januari hadi kufikia Desemba 2011 na yale ya mwaka 2010.

Hayo yameelezwa na mwakilishi wa kamanda wa polisi mkoani humo  Moris Okinda wakati akitoa mada ya hali ya uhalifu na dhana ya polisi jamii na ulinzi shirikishi mkoani manyara kwenye mkutano wa wadau wa habari na waandishi uliofanyika juzi-januari 20 mjini babati uliofunguliwa na mkuu wa mkoa huo  Elaston John Mbwillo

Akitoa taarifa hiyo  Okinda alitaja matukio hayo yametokana na vitendo vilivyokithiri vya ubakaji,wananchi wenyeji wa mkoa huo kutembea na silaha,ubakaji,unywaji na uuzaji wa pombe haramu ya moshi,utupaji wa watoto,wizi wa mifugo na matumizi ya dawa za kulevya kama vile bangi na mirungi.

“uchambuzi umefanyika na kubaini kwamba matukio mengi yanakwenda sambamba na unywaji wa pombe haramu ya moshi na baadhi ya makosa hutokana na vitendo vya mila na desturi za kutembea na silaha za jadi katika mikusanyiko ya watu wengi kama vile vilabu vya pombe,magulio na minada”Alisema Okinda

Katika ufafanuzi wa taarifa yake Okinda alisema matokeo hayo ya ukusanyaji wa taarifa yanaonyesha kuwa maeneo yaliyofanyiwa kazi na kufanikisha kupungua kwa makosa 135 tofauto na mwaka 2010 yametokana na kuwepo kwa juhudi za wadau mbalimbali kwa kutumia dhana ya polisi jamii na Ulinzi shirikishi.

 “mwaka huu tumepunguza matukio ya uhalifu toka mwaka 2010 hadi kufikia 2011 kwa kipindi hicho tumepunguza makosa 135,lakini hii imetokana na matumizi ya fursa zilizotumika kupitia mpango wa ulinzi shirikishi”Okinda

Aliongeza kuwa matukio hayo ya uhalifu yanongeza unyanysaji wa kijinsia hasa kwa wanaume walio wengi kuwanyanyasa mabinti wa kambo kwa kuwabaka kwa nguvu inayotokana na vitisho vya mauaji jambo ambalo pia linaelezwa kuwa huenda likasababisha ongezeko la magonjwa ya zinaa kwa wanaonyanyaswa.

“unywaji wa pombe haramu ya gongo umechangia vitendo vya ubakaji…hasa ukiangalia wale waliooa wanawake waliokutwa na watoto wa kike hawaoni haya kutembea na watoto wa kambo jambo ambalo ni bay asana katika jamii zetu za kiafrika na unyanyasaji kwa mtoto wa kike”.Alibainisha Okinda

Aidha Okinda alisema matukio ya uhalifu huenda yasimalizike endapo hakutakuwa na fursa zitakazoweza kutumiwa kuuzuia ikiwa kama katiba mpya itakayoundwa haitaweka Ibara itakayosimamia sheria za serikali za mitaa na sera za taifa zinawezesha kuwepo kwakusimamia fursa hizo bado matukio hayo yataongezeka..

Amezitaja baadhi ya fursa hizo kuwa ni kuwepo kwa mfumo wa kamati ya ulinzi na usalama katiak ngazi za kata,vijiji na mitaa ikiwa ni pamoja na askari wa jadi na mgambo na sheria inayotambua na kuanzisha mkakati wa kuzuia na kupunguza uhalifu mijini utakaohusish halmashauri ambazo ziandaa bajeti.

Awali akifungua mkutano huo mkuu wa mkoa huo Elaston John Mbwillo amezitaka taasisi na asasi mbalimbali kutumia vyombo vya habari kuielimisha jamii kuhusu athari za uhalifu pamoja kwasababu ndivyo vyenye nguvu kubwa ya kuwafikia wananchi wote na kuacha ubinafsi.

“haya tumealikwa kusikiliza kile tulichoitiwa hapa..ni kweli vyombo vya habari ni mhimili wan ne wa dola lakini baadhi ya watendaji wa serikali wamekuwa wakikwepa vyombo vya habari kwangu mimi siafikiani nalo vitumieni vyombo hivyo ili viweze kuelimisha jamii nzima”

Hata hivyo katika mkutano huo uliojumuisha wadau 70 ulileta faraja kwa klabu hiyo iliyojipatia zaidi ya shilingi milioni 12 zilizopatikana kwa njia ya harambee baada ya wadau hao kukiri kuwepo kwa mazingira magumu ya utendaji kazi hasa ikizingatiwa kukosekana kwa utaratibu wa wamiliki wa vyomb hivyo kutowathamini kwa kuwapa vitendea kazi huku wakitegemea kuendesha biashara zao.

Katika hotuba iliyotolewa na mwenyekiti wa klabu hiyo ya MAMEC Ben Mwaipaja ameeleza changamoto zinazoikabili klabu hiyo kuwa ni wengi wao kutokuwa na vitendea kazi badala ya wamiliki kuwatelekeza kwa kutotambua umuhimu wao huku wakiendesha biashara zao kwa kutegemea vitendea kazi vinavyotokana na jitihada binafsi za mwandishi mwenyewe.

Share this: