Mkuu wa mkoa wa Manyara Elaston Mbwilo amewaasa waandishi wa
habari kuielemisha jamii kuhusu umuhimu wa kutambua mchakato wa mabadiliko ya
kupata katiba mpya ambayo imeelezwa kuwa ni wajibu kwa kila mmoja kufahamu
mabadiliko hayo.
Mkuu huyo alitoa rai hiyo wakati alipokuwa mgeni rasmi katika
ufunguzi wa mkutano wa wadau wa habari na waandishi wa habari ambapo alisema kuwa
waandishi wa habari wana umuhimu mkubwa katika kuielimisha jamii juu ya kile
kinachoendelea.
Alisema kuwa waandishi wa habari wana jukumu kubwa la kutoa
elimu hiyo ili kuiwezesha jamii kutambua yale yanayofanywa na serikali katika
mchakato huo ambapo mabadiliko hayo yanagusa masuala mbalimbali ya maisha yao
ya kila siku.
“Habari ni elimu na ufahamu na vyombo vya habari vina
umuhimu wake kwani Serikali imeshindwa kutekeleza majukumu mbalimbali kwa sababu
jamii haina habari kwa kile kinachoendelea hawana habari na kiunganishi ni
nyinyi”alisema Mkuu huyo.
Kwa upande wake Mwenyekiti wa klabu ya waandishi wa habari
Mkoani Manyara(MAMEC) Benny Mwaipaja alisema kuwa changamoto kubwa
inayowakabili katika kuwafikia wananchi wa maeneo ya vijijini ni ubovu wa
miundombinu pamoja na ushirikianano uliopo kati yao na viongozi.
Hata hivyo Mwenyekiti huyo alitoa pongezi kwa umoja wa klabu
za waandishi wa habari nchini UTPC kwa kuwawezesha kuwakutanisha na wadau wa
habari na kusema kuwa itawawezesha kufanya kazi za uandishi kwa urahisi
kutokana na wadau wengi kuonyesha kutoa ushirikiano.
Mkutano huo ambao uliweza kuzishirikisha taasisi mbalimbali za kiserikali na zisizo za
kiserikali,wabunge,wakurugenzi,wakuu wa wilaya,makampuni,viongozi wa dini na
viongozi wa ngazi mbalimbali za serikikali.
.JPG)
Post a Comment
unashauriwa kutoa maoni muda na wakati wowote na kama unahabari yeyote unaruhusiwa kututumia