WANANCHI WA VIJIJINI WATAKIWA KUSHIRIKI MCHAKATO WA KATIBA M PYA

Wananchi wa kata ya magugu iliyopo wilayani Babati mkoani Manyara wametakiwa kujitokeza kwa wingi katika kutoa maoni yao ya mchakato wa kutafuta katiba mpya ya Tanzania,ambayo itawawezesha kuondoa kero mbalimbali zinazowakabili.

Hayo yalibainishwa na mbunge wa jimbo la Babati vijijini ,Vrajilal Jitu Son wakati akizungumza na wananchi wa kata ya Magugu kuhusiana na sakata sima la katiba mpya.

Aliwataka wananchi hao kujitokeza kwa wingi kushirikim katika sakata ili la kupata katiba mpya kwani itawasaidia wao wenyewe kupanga sheria zitakazo wasaidia.

Alisema wananchi wanatakiwa kuchangia maoni ya katiba mpya ili kuweza kujua zaidi na kuisoma kwa makini kwani itawasaidi katika maisha yao na kujua haki zao za msingi.

Alisema kuwa ni jukumu la kila mwananchi kujitokeza katika  kuchangia katiba hiyo pale ambapo atahitajika kuchangia hivyo wasiogope kujitokeza kwani wanahaki na uhuru wa kutoa kero zao za kimaendeleo ambazo zinawakabili.

Aliwataka wananchi hao kuacha tabia ya kuropoka ropoka kwa kitu ambacho hawakifahamu pamoja na ushabiki usiokuwa wa maana badala yake waifahamu kwanza katiba iliyopo kwani ndiyo iliyowafikisha hapo sasa.

Pia katika sekta ya elimu aliwataka wakazihao kujitahidi wapate shule ya sekondari ya kidato cha tano hivyo wajitahidi angalau wapate kujenga shule mbili za kidato cha tano pamoja na kuboresha shule za awali hadi sekondari ili wazazi wasipate gharama za kuwasafirisha watoto wao katika mikoa mingineo.

 Alisikitishwa na mkoa wa Manyara kwa kuongoza kwa kufutiwa matokeo ya darasa la saba na kuiomba serikali kuwafikiria ili kuweza kurudia mitihani hiyo pia wazazi wawaulize watoto wao mbinu walizotumia kujaza mitihani hiyo.

 Aliwataka wazazi pamoja an walezi kufuatilia maendeleo ya watoto wao shuleni nasi kuwaachia walimu pia wazazi wanatakiwa kufahamiana na walimu na walimu wanatakiwa kuwajua wazazi.

"Jamani tunatakiwa tuhakikishe watoto wetu wanasoma na kufaulu kwani urithi wa milele kwa mtoto ni elimu pekee na siyo kumrithisha mali,fedha, majumba, magari, mifugo  kinachotakiwa ni elimu itakayomsaidia katika maisha yake ya baadaye, ili aweze kujiajiri na kuondoka na umaskini,’’ alisema Jitu. 

Alisisitiza kwa kusema kuwa maadili  yamepungua kwa  vijana kutokana na kuiga mambo ya ulaya watu wanavaa nguo za ajabu zinazoonyesha maumbile ya miili yao na kuwaacha nje,kwa wanaume kushusha suruali huku nguo zao za ndani zikionekana,kulewa hovyo na kutoa matusi makali.

Aidha alisema kuwa chanzo cha mmomonyoko wa maadili nikutokana na wazazi kutowalea watoto wao katika misingi ya kidini hivyo  wanatakiwa kuwafundisha watoto wao maadili mema ya dini zao pamoja na tamaduni ili kuweza kupata viongozi wazuri na waadilifu katika ngazi ya jamii,kata,Taifa,wilaya na hata mikoa yao kwa ujumla.

Share this: