TPC YATOA BONASI

MENEJIMENTI ya kiwanda cha sukari cha TPC imetoa kiasi cha shilingi

bilioni 1.2 kwa wafanyakazi wake wa kudumu kama bonasi  itokanayo na

faida katika msimu wa kilimo 2010/2011  ili kuongeza tija katika

uzalishaji.

Katika taarifa iliyotolewa na ofisa mtendaji mkuu wa kiwanda hicho

Robert Baisac ilisema kuwa kutokana na faida hiyo kila mfanyakazi

amepata kiasi cha shilingi 693,000 kabla ya kukatwa kodi.

“Sidhani kama kuna kampuni nyingi Tanzania ambazo wanahisa wake

wanapenda kutoa kiasi hicho cha fedha kwenye faida yao kugawana na

wafanyakazi lakini kwetu hili tumekuwa tukilifanya kila mwaka”alsema

Baisaac.

Alisema falsafa ya wanahisa wa kiwanda hicho ni rahisi kwamba kiwanda

kikifanya vizuri kila mfanyakazi atazawadiwa na kwamba wafanyakazi wa

ngazi ya Sinior na wale wa ngazi ya juu nao pia wamepata bonasi yao

itokanayo na faida kulingana na makubaliano yao.

“Huu ni utaratibu tuliojiwekea endapo kampuni itafanya vizuri katika

uzalishaji kila mfanyakazi atapata zawadi kulingana na faida

iliyopatikana ,kumbuka kuwa iwapo kampuni itafanya vibaya,wote

tutapata kidogo,wanahisa na wafanyakazi pia”alisema Baisaac.

Alisema leo hii kampuni inafurahia hali hiyo kutokana na mambo mawili

ambayo ni uzalishaji mkubwa wa sukari na amani pia mahusiano mazuri

kazini yaliyopo hivi sasa.

Baisaac alisema mwaka 2010 kampuni iliweza kuweka rekodi ya mwaka kwa

kuzalisha sukari ya ziada kwa tani 86,000 kwa msimu kiasi ambacho

hakijawahi kufikiwa siku za nyuma toka kampuni hiyo ianze kuzalisha

sukari.

Alisema hata hivyo kampuni haikutarajia kurudia kupata mafanikio hayo

kutokana na uhaba wa mvua za kutosha hali iliyosababisha ukame kati ya

mwezi Oktoba na Novemba 2010 na pia mwezi machi na Aprili 2011.

“Kwa mshangao msimu huu uzalishaji ni mzuri kama sio mzuri sana zaidi

ya msimu uliopita,tunashurkuru jinsi tulivyozingatia kuoboresha

utendaji wetu katika maeneo yote kuanzia shambani ,usafirishaji

,kwandani,utwala na fedha”alisema Baisaac.

Aidha Baisaac alisema jambo la pili lililochangia kupatikana kwa faida

hiyo ni maelewano mazuri miongoni mwa menejimenti na wafanyakazi

pamoja na vyama vya wafanyakazi vya TASIWU na TPAWU.

“Tunashukuru jitihada tunazofanya kuweka uswa miongoni mwetu na uwazi

katika mawasiliano ,hali ya kuaminiana na mawasiliano mazuri yamezidi

kuimarika siku hadi siku.”aliongeza Baisaac.

Aidha Baisaac alisema kampuni ya TPC haitaishia hapo pia itaendelea

kuboresha kila eneo ,kiuchumi na kijamii si kwa ajili ya wanahisa

miongoni mwao ikiwa ni pamoja na serikali bali pia kwa jimii

inayozunguka kiwanda hicho.

Share this: