WAFANYABIASHARA TISA WATIMULIWA KWENYE NYUMBA ZA KUPANGISHA

BARAZA la  Ardhi na Nyumba  mkoa wa Arusha, limeamuru wafanyabiashara 9 maarufu wenye asili ya kiasia jijini hapa na  kampuni ya chai Tanzania(TTB), kuondolewa  katika nyumba waliokuwa wamepanga.

Nyumba hiyo Ploti namba 2,Block M, inamilikiwa na kampuni ya Crown Holdings ya jijini Dar es alam na wametakiwa  kulipa malimbikizo ya madeni na gharama za kesi hiyo baada ya kushindwa kulipa pango la nyumba hiyo kwa kipindi kirefu. 

Hukumu hiyo imetolewa Desemba 15 mwaka 2011  na mwenyekiti wa baraza la Ardhi na nyumba , Michael Makombe, katika kesi  namba 174 iliyofunguliwa na kampuni hiyo Agosti 13 mwaka 2007 ,ikiwalamikia waliokuwa wapangaji wake ambao ni wafanyabiashara  wenye asili ya Kiasia, ikiwemo kampuni ya Chai nchiniTTB ,kwa kushindwa kulipa deni la pango kwa muda mrefu.

Akitoa hukumu hiyo, Mwenyekiti huyo amesema kuwa ,baraza limeridhika na ushahidi uliotolewa na upande wa utetezi kwamba walalamikiwa wameshindwa kulipa deni la pango,hivyo wanapaswa kuondoka katika nyumba hiyo na kulipa gharama zote za uendeshaji wa kesi hiyo na  madeni wanayodaiwa.

Baraza hilo  limeiamuru kampuni ya wakala wa mahakama iitwayo Marcs Investiment Limited ya jijini Arusha, kuwaondoa wapangaji hao ambao ni 10 waliokuwa wamepanga sehemu tofauti tofauti katika nyumba hiyo  iliyopo barabata ya uhuru.

Katika hukumu hiyo Baraza limesema kuwa wadaiwa walishindwa kuthibitisha katika madai yao ya msingi ya kuhusu kusudio la ongezeko la kodi ya pango walikuwa wameweka pingamizi  la kutoongezewa kodi mpya .

Wapangaji hao wanadaiwa malimbikizo ya kati ya shilingi 150,000, hadi 260,000 ambayo ni kodi ya kila mwezi kulingana na ukubwa wa chumba  kodi ambayo walikuwa wakiilalamikia na hivyo hawakulipa tangia walipofungua kesi hiyo.

Katika kesi hiyo wapangaji hao walikuwa wakitetewa na makampuni mbalimbali ya uwakili ikiwemo kampuni maarufu ya  ,J.J. Mwale, ya jijini Arusha ambayo hata hivyo ilikuja kujitoa na baadae ikaja kampuni ya Imboru Chembers ya jijini Arusha, iliyowasilishwa na wakili Merinyo.

Wapangaji walioondolewa kwenye nyumba hiyo ni Al-Hakim Shakir ambaye alikuwa akimiliki duka kubwa la dawa za binadamu,K.A.Mohamedali, Muktaben G.Daya, Nitesh V Nakeshri, Shah Lakamshi Meda, Nazm Karimbhaa, Asheri m Ndambule ,Singh Noma,Vansantlala Dharamshi na kampuni ya chai, Tanzania Tea Blenders TTB.

Kwa upande wake, Mkurugenzi wa kampuni ya kukusanya madeni ya Marcas Investiments, Richard Nkanyemka alisema kuwa wao wametimiza kazi waliopewa na mteja wao mara baada ya mahakama kutoa order ya wapangaji hao kuondolewa katika nyumba hiyo.

Hata hivyo Nkanyemka aliwataka wafanyabiashara hao kufuata taratibu za kuchukua mali zao zilizoondolewa kwenye maduka yao baada ya shughuli ya uvunjwaji wa maduka hayo kufanyika desemba 16,mwaka huu saa10 jioni,ambazo amezihifadhi kwenye ghala maalumu zikiwa salama.

Share this: