JKT OLJORO YACHAINGIWA MILIONI 15 NA WADAU

ikionyesha wachezaji wa timu ya Jkt Oljoro wakiwa na mwalimu wao Ally Mohamed(kidi) wakimsikiliza mkuu wamkoa wakati alipowatembelea katika uwanja wa sherkh Amri Abeid

katibu wa chama cha mpira wa miguu mkoa wa Arusha Adam Broun Akimsomea mkuu wa mkoa historia fupi ya chama cha mpira mkoa

mkuu wa mkoa wa arusha akiwa anaongea na wachezaji wa timu ya Jkt Oljoro jana wakati alipokuja kuongea na akiongoza na baadhi ya wadau wa soka mkoani Arusha

ikionyesha mmoja wa wadau wa soka wa mkoa wa arusha Aliejulikana kama Huseni gonga akiwa anawapa nasaa wacheza wa timu ya Jkt Oljoro kabla ya kuondoka

mmoja wa wadau wa mpira aliyejulikana kwa jina la Dalia akikabidhi shilingi milioni mbili kwa ajili ya timu ya Jkt Oljoro kwa meneja wa timu hiyo

Mkuu wa mkoa wa Arusha Magessa akikabidhi hundi ya milini tano kwa muheka azina wa timu ya Jkt Oljoro

Jumla ya shilingi milioni 15 pamoja na jezi mbili na mipira mitano zimetolewa na wafanyabiashara mbalimbali wa mkoa wa Arusha kwa ajili ya kuisaidia timu ya Jkt Oljoro ambayo inashiriki katika mzunguko wa pili wa ligi kuu ya vodacom Tanzania.

Wafanya biashara hao ambao ni wadau waliongozwa na mkuu wa mkoa wa Arusha walichangia fedha hizo kwa ajali ya kusaidia timu hiyo ambayo ni timu pekee ya mkoani hapa inayoshiriki ligi kuu.

Akiongea wakati wa kukabidhi fedha hizo mkuu wa mkoa wa Arusha Mulongo Magesa alisema kuwa wameamua kuchangia timu hiyo kwakuwa ni timu pekee ya mpira wa miguu ambayo inawakilisha mkoa wa Arusha katika ligi kuu

Alibainisha kuwa amefurahishwa sana kukutana na timu hiyo kwani alivyofika hapa aliulizia kwanza kuhusiana na michezo kwani swala hili la michezo ata raisi ameelezea kuwa iendelezwe.

“kama mkoa kama mkoa na kiongozi wa mkoa michezo ni kipaumbelele katika shughuli zangu zote hivyo nitaakikisha michezo inaendelea katika mkoa wa Arusha na ifikie tuwe na timu hata nne zilizopo ligi kuu’’alisema Mulongo

Alisema kuwa michezo ni ajira hivyo wachezaji wakienda kuwakilisha mkoa wawakilishe vizuri vyema mkoa kwani kwa kupitia michezo pia wanaweza wakapata ajira.

“mnapokuwa mnacheza vizuri kwa amani basi mtaweka washabiki katika amani na upendo na kupitia michezo hii mnatakiwa kuunganisha mkoa ili mkoa uwe mkoa wa amani hili ndio jambo la kwanza nataka mlifanye mtumie michezo yenu kuimarisha amani ya mkoa na wananchi kwa ujumla’alisema Mulungo

Alisema kuwa iwapo watafanya hivyo itawasaidia hata wao wenyewe katika swala zima la ajira kwani kupitia amani yao wanayoonyesha katika michezo wanaweza kupata ajira hata heshima kwa ujumla.

Alisema kuwa yeye akiwa kama mkuu wa mkoa atakuwa na bega kwa bega kuhakikisha hawapati shida iwapo watacheza vizuri na kuonyesha moyo na kubainisha kuwa iwapo watafanya vizuri zaidi watazidi kuwahamashisha wadau mbalimbali kujitokeza kusaidia michezo.

Alibanisha kuwa kwakuwa timu hii ya Jkt Oljoro inasaidia kutangaza timu ya mkoa wa Arusha hivyo wadau mbalimbali washabiki wajitokeze kuisaidia kwa fedha na kama fedha hamna basi japo kwa kujitokeza katika mechi zao ambazo watazicheza hapa nyumbani pamoja na nje kwa wale ambao wataweza kwenda kuwashangilia.

Aliwataka wachezaji kujituma vilivyo ili kuweza kuendelea kuwapa moyo washabiki wa mpira wa mkoa wa Arusha na nje ya mkoa na wasiiige mambo ya wachezaji wengine ambao wakipata majina kidogo wanabadilika.

“unakuta mchezaji akishaandikwa mara mbilil tatu anaanza kuvuta bangi kutoga masikio na wakati maandalizi yale ya kutoga masiko na hayo yote bora ukafanye zoezi na mengine mengi akiambiwa na mwalimu amsikilizi kisa kaandikwa na kutajwa kwenye radio mara mbili tatu kitu ambacho kinawapoteza wachezaji wengi kwani jamani nyie hamuwaoni wachezaji wa nje wanamahela mabilioni ya mahela lakini bado hawafanyi ujinga hawaridhiki na umaarufuwanatafuta hela japo wanazo hivyo nachotaka kusema msiige jitaidini na mfanye kitu kwa malengo hapo mtafanikiwa”aluisema Mulugo.

Mulugo aliwataka wachezaji wa timu ya Jkt Oljoro kuendelea kuwa na nithamu ili kuweza kuendeleza mkoa pamoja na kutangaza mkoa wao na iwapo watafanya hivyo wadau wengi watajitokeza kwa wingi kuwashika mkono na kuwasadia kwa hali na mali.

katika kikao hicho kulikuwa na wadau wengi waliojitokeza kuishika mkono timu hiyo wakiwemo benki ya NMB ambayo imehaidi jezi mbili pamoja na mipira mitano na vifaa vingine vya mazoezi,mamlaka ya maji safi na maji taka mkoa wa Arusha (AUSA)ambao walitoa milioni moja,|Meya wa jiji la Arusha ambaye alitoa laki tano,Huseni Gonga ambaye alitoa shilingi milioni moja.

Wengine ni Dalia ambaye alitoa milioni mbili,Papa king ambaye alitoa shilingi milioni moja,Matiasi Manga ambaye alitoa milioni moja ,mkuu wa mkoa ambaye ametoa milioni tano pamoja na mkoa ambao wameungana na wilaya ambao walitoa shilingi milioni nne pamoja na mdau mengine ambaye jina lake alikuweza kufahamika mara moja ambaye alitoa viatu pea 30 vya wachezaji.

Pia Mmoja wa wafanyabiashara hao aliyejulikana kwa jina moja la Dalia aliiaidi timu hii kuwa iwapo itafika hatua ya nusu fainali itawazawadia kiasi cha shilingi milionil kumi kwa timu nzima.