WANASIASA ARUSHA ACHENI MIGOGORO KWANI NDIO CHANZO CHA UMASKINI ARUSHA MJINI

 Mbunge wa jimbo la Arusha mjini Godbless Lema akiwa anaongea katika mkutano wawaandishi wa habari na wadau

Mchungaji Andrew kajemba  wa kanisa la Anglican ,St James kalolini akimwaga cheche

MCHUNGAJI Andrew Kajembe wa kanisa la Anglican, St James kaloleni mjini hapa amewataka wanasiasa wote ndani ya jiji la Arusha kuepukana na migogoro juu ya viti mbalimbali vya uongozi ambavyo wao hawajavipata na walikuwa wanavitaka  kwani kwa kufanya hivyo wanachochea malumbano ambayo hayana msingi huku umaskini nao ukizidi kuongezeka katika jamii zao.

Bw Kajembe aliyasema hayo mapema jana wakati akifungua mkutano baina ya wadau wa habari kwa mkoa wa Arusha pamoja na wanachama wa chama cha waandishi wa habari mkoa wa Arusha(APC)

Alisema kutokana na migogoro na migongano ya kisiasa imekuwa ni kikwazo mojawapo cha kufanya Mkoa wa Arusha kushindwa kufikia hatua ambayo imekusudiwa hali ambayo inamkandamiza mwananchi mwenye kipato cha chini ambaye kimsingi anategemea mkoa na serikali kwa ujumla katika kutatua kero zinazoikabili jamii.

“hapa Arusha damu imeshamwagika sana sasa nawasihi sana viongozi wote wa siasa kuhakikisha kuwa mnaacha tofauti zenu za kisiasa na badala yake mnaangalia maitaji muhimu kwa Mwananchi wa mkoa huu,na pia acheni tabia ya kungangania viti vya uongozi ambavyo hamjavipata kwani kwa kufanya hivi huu sio uzalendo wa kweli wa Mtanzania na kamwe kwenye kiti cha uongozi hamuwezi kuwa wawili bali ni mtu mmoja pekee.”alisema Bw Kajembe.

Aliongeza kuwa endapo kama hali ya  migongano mbalimbali ndani ya uongozi kwa Mkoa wa Arusha itakomaa ni wazi kuwa rasilimali nyingi sana zitaweza kupote hukuwanananchi nao wataishi katika hali ya kimaskini kutokana na kukosa haki zao za msingi.

Aliwataka wanasiasa wote kuhakikisha kuwa wanafanya kazi ambazo zimewaweka katika viti vyao vya uongozi kwa kuwa demokrasia ndiyo iliyotumika katika chaguzi mbalimbali, hivyo demokrasia hiyo inatakiwa kutumika hata kwa upande wa kuleta maendeleo kwa mji huu.

Awali Mbunge wa jimbo la Arusha Mjini Bw Goodbless Lema alisema kuwa Arusha hakuna matatizo , hususani katika suala la Meya wa jiji Bw Gaudence Lyimo bali Tatizo lilopo ni Mchakato wa Kumpata Meya.

“naomba niwafahamishe kuwa sisi Chadema hatumchukii Meya wa jiji ila shida yetu ipo pale kwenye mchakato jinsi alivyopatikana kwa maana hiyo iyo ndiyo shida yetu kubwa sana”alisema bw Lema

Pia alisema kuwa kwa Jimbo la Arusha mjini ili kuweza kupata uwiano mzuri katika kuleta maendeleo ni lazima kuwe na umoja wa hali ya juu sana kwa kuwa bado jamii nyingi sana bado zinaitaji msaada wa viongozi mbalimbali.

Share this: