Kuwatetea Mabinti: Mapambano Dhidi ya Maambukizi ya Ukimwi kwa Wanawake

Kuwatetea Mabinti: Mapambano Dhidi ya Maambukizi ya Ukimwi kwa Wanawake

Wanawake na wasichana wanaoishi kusini mwa jagwa la Sahara ,ikiwemo nchini Tanzania wamelemewa na mzigo mkubwa wa ugonjwa wa Ukimwi ,Kwa kiasi kikubwa mzigo huo unatokana mifumo ya kijinsia ,kijamii,na kiutamaduni pamoja na kukosekana Kwa usawa wa kiuchumi.

UKIMWI NI NINI?

UKIMWI Ukosefu Wa Kinga Mwilini ni ugonjwa unaosababishwa na VVU (Virusi Vya UKIMWI) UKIMWI hudhoofisha mfumo wa kinga za mwili na kumfanya mtu aweze kuambukizwa au kupata magonjwa mbalimbali.

Wanawake na wasichana wanaendelea ubeba mzigo mkubwa wa VVU nchini Kwa mwaka 2018 kulikuwa na WAVIU 1,600,000 wa makundi mbalimbali kati ya wale wenye miaka 15 na zaidi walikuwemo wanawake 880,000 ikilinganishwa na WAVIU wanaume mwaka 2018 ,wasichana wenye rika la balehe na wanawake vijana 54000 wenye umri wa miaka 10-19 walikuwa wanaishi na VVU

Kwa mujibu wa taarifa iliyotolewa kwa vyombo vya habari UNAIDS AIDS info 2019 inaeleza kuwa nchi ya Tanzania kiwango cha maambukizi ya UKIMWI ni 2.5 kati ya watu wazima 1000 wenye miaka 15-49 tangu mwaka 2010 , maambukizi ya VVU yamepungua Kwa asilimia 12 Kwa watu wazima wenye umri zaidi ya miaka 15 kuanzia 73000 hadi 64000 ya maambukizi mapya na hii ni hatua nzuri lakini pia hatua hii aifikii lengo la kupunguza maambukizi mapya 18000 hadi kufikia mwaka 2020.

Kwa upande wa maambukizi mapya ya VVU bado kunatofauti kubwa ya maambukizi kulingana na jinsia Kwa mwaka 2018 kulikuwa na maambukizi mapya 36000 miongoni mwa wanawake na maambukizi mapya 27000 miongoni mwa wanaume wenye miaka 15 hadi 49

Miongoni mwa vijana wa rika la balehe wenye miaka 15-19 idadi ya maambukizi mapya Kwa wasichana ni mara tatu zaidi ikilinganishwa na yale ya wavulana ,kwani kunamaambukizi mapya 8002 Kwa mwaka miongoni mwa wasichana wa rika la kubalehe mara dufu ya idadi ya maambukizi mapya (2876) miongoni mwa mapya7986 Kwa mwaka miongoni mwa wale wenye umri wa miaka 15-24.

VISABABISHI VIPI VINAVYOCHOCHEA MZIGO WA VVU KWA WASICHANA NA WANAWAKE

Utafiti uliofanywa wa demografia na afya nchini Tanzania mwaka 2019 na shirika la UN Women unaonyesha kuwa wanawake wa nne kati ya 10 wenye miaka 15-49 wamefanyiwa ukatili wa kimwili au kingono maishani mwao, ukatili huu wa kingono, kimwili na kisaikolojia unasababishwa na wenzao ndio aina ya ukatili sana wanawake waliowahi kuolewa ndoa za utotoni

Kati ya wasichana watatu mmoja ameolewa kabla hajafikisha umri wa miaka 18 ndoa za utotoni zinausishwa na kuanza kifanya ngono mapema ,ngono isiyo salama ,kuongeza hatari ya kufanyiwa ukatilina mwenza wake pamoja na kiwango kidogo cha elimu

Biashara ya ngono

Mimba za utotoni huongeza kukosekana Kwa usawa wa kijinsia kikihusishwa na kiwango cha chini cha elimu na viwango vya kipato ambacho husababisha kuwa kwenye hatari ya kukosa kipato ambapo inapelekea kufanyatabia hatarishi ikiwemo kufanya biashara ya ngono

Biashara ya ngono hufanywa zaidi na wanafunzi wa sekondari na vyuo vikuu waishio mjini ambao wameshaanza kufanya ngono Kuna sababu mbalimbali zinazomfanya mtu afanye biashara hii baadhi yake ni pamoja na kuwa katika mazingira magumu ya kiuchumi na wengine wanajiingiza katika biashara hii Ili kupata maisha bora.

BINTI ALIEPATA MAAMBUKIZI KUTOKANA NA BIASHARA YA NGONO ALONGA

Naitwa Fatima mi ni mkazi wa hapa hapa Arusha nilikuwa na fanya biashara hii ya ngono katika maeneo ya shivas pamoja na maeneo mengine ya mji huu sikuwa najua Kuna mathara makubwa katika biashara hii.

nawezaje kukataa pale mwanaume anaponiahidi kunipa fedha zaidi Kwa ajili ya kufanya naye ngono wakati kitendo cha kumkatalia Kwa lugha rahisi itakuwa ni sawa na kumuudhi?pia kama mpenzi analalamika na anakataa kutumia kondom ,basi nitamuonea huruma na kukubali kuendelea kufanya naye ngono bila kondomu

Muda mungine katika biashara hii nilikuwa nikikutana na makashikashi mengi unakuta unaenda na mwanaume ataki kutumia kondom ,mungine unaenda nae anataka kwanguvu akuingilie kinyume na maumbile kiukweli kazi hii ilikuwa ngumu sana na mbaya zaidi nilikuja kupata maambukizi lakini sijui ninani alienipa ila nashukuru Mungu naendelea vyema Kwa Sasa ningelijua mapema nisingejihusisha na biashara hii na yote haya niliyafanya kwakuwa nilikuwa nataka maisha bora mazuri ila mwisho wa siku sijapata nimeambukia maradhi tu "alisema Fatima

Mkunga kutoka katika hospitali ya Maternity Afrika (kivulini hospital) Dkt. Musa Laizer

MABINTI NA WANAWAKE WANAOJIHUSISHA NA BIASHARA ZA NGONO WASHAURIWA

Mkunga kutoka katika hospitali ya Maternity Afrika (kivulini hospital) Dkt. Musa Laizer anaelrza kuwa kunaumuhimu wa

Elimu na uelewa: Wanawake na mabinti wanahitaji kupata elimu sahihi juu ya Ukimwi, jinsi unavyosambazwa, na jinsi ya kujilinda, elimu inaweza kujumuisha matumizi ya kondomu, upimaji wa VVU, na matumizi sahihi ya dawa za kufubaza VVU.

Upatikanaji wa huduma za afya: Wanawake na mabinti wanapaswa kupata Kwa urahisi wa huduma za afya zinazohusiana na Ukimwi, ikiwa ni pamoja na kupima VVU, kupata matibabu, na ushauri nasaha ,ni muhimu kuweka mazingira ambapo wanawake na mabinti wanaweza kutafuta huduma hizo bila hofu au unyanyapaa.

Kujikinga dhidi ya unyanyasaji na utumwa wa ngono: Wanawake na mabinti wanahitaji kujua haki zao na kujifunza jinsi ya kujilinda dhidi ya unyanyasaji na utumwa wa ngono.,Kupambana na unyanyasaji na kuongeza fursa za kiuchumi kunaweza kupunguza hatari ya kuambukizwa VVU.

Uwezeshaji kiuchumi: Kuwapa wanawake na mabinti fursa za kiuchumi inaweza kuwa na athari chanya kwa afya zao, Kwa kutoa elimu, mafunzo, na mikopo ya biashara, wanawake na mabinti wanaweza kupata njia mbadala za kujipatia kipato na kuondokana na hatari zinazohusiana na biashara ya ngono.

Kuelimisha wanaume na wavulana: Ni muhimu kuwafikia wanaume na wavulana pia, Kuelimisha juu ya haki sawa, uhusiano mzuri na jinsia, na kuwajibika kwa vitendo vyao inaweza kusaidia kubadili mtazamo na tabia zinazochangia kuenea kwa Ukimwi.

Kupambana na unyanyapaa na ubaguzi: Ni muhimu kujenga jamii inayokubali na inayowasaidia wanawake na mabinti wanaoishi na VVU ,Kuelimisha jamii na kupunguza unyanyapaa na ubaguzi kunaweza kusaidia wanawake na mabinti kujitambua na kusaidia katika kupunguza hatari ya kuambukizwa

WITO KWA SERIKALI

Serikali inaweza kuchukua hatua kadhaa ili kusaidia wanawake na mabinti kujikinga na maambukizi ya virusi vya UKIMWI.

Elimu ya afya na kuelimisha umma: Serikali inaweza kuwekeza katika kampeni za elimu ya afya na kueneza uelewa kuhusu hatari za maambukizi ya UKIMWI, njia za kujikinga, na umuhimu wa kupima afya mara kwa mara ,hii inaweza kufanyika kupitia matangazo ya redio na televisheni, mabango, vijarida, na programu za elimu katika shule na jamii.

Upatikanaji wa huduma za afya: Serikali inaweza kuhakikisha upatikanaji wa huduma za afya kwa wanawake na mabinti, ikiwa ni pamoja na upimaji wa virusi vya UKIMWI, ushauri nasaha, na matibabu ,Kuwezesha upatikanaji wa huduma hizi kwa gharama nafuu au bila malipo inaweza kusaidia kupunguza maambukizi na kuwapa wanawake na mabinti fursa ya kupata matibabu wanayohitaji.

Utoaji wa kinga za kujilinda: Serikali inaweza kusambaza kinga za kujilinda kama vile mipira ya kondomu na kutoa elimu ya matumizi sahihi ya kinga hizo, Kinga za kujilinda zinaweza kusaidia kuzuia maambukizi ya virusi vya UKIMWI wakati wa mahusiano ya kingono.

Kuendeleza usawa wa kijinsia: Serikali inaweza kuchukua hatua za kukuza usawa wa kijinsia na kuondoa vikwazo vya kijinsia ambavyo vinaweza kuwafanya wanawake na mabinti kuwa katika hatari ya kuambukizwa UKIMWI , inaweza kujumuisha kuimarisha sheria za kupinga ukatili na unyanyasaji wa kijinsia, kuhakikisha upatikanaji wa elimu bora kwa wasichana, na kukuza fursa sawa za kiuchumi na kijamii kwa wanawake.

Kusaidia vikundi vya wanawake na mashirika yasiyo ya kiserikali: Serikali inaweza kutoa rasilimali na msaada kwa vikundi vya wanawake na mashirika yasiyo ya kiserikali yanayofanya kazi katika maeneo ya kinga dhidi ya UKIMWI. Hii inaweza kujumuisha ufadhili wa miradi ya elimu, ushauri nasaha, na huduma za matibabu.