WATAKIWA KUWA MAKINI WANAPOPITISHA SHERIA BUNGENI

 

Na Woinde Shizza , ARUSHA 

Wabunge wa  bunge la jamuhuri ya muungano wa Tanzania   na mawakili  wa Tanzania wametakiwa kupitia kifungu kwa kifungu sheria inayopelekwa bungeni kwani sheria inakuwa na mambo mengi pamoja na vitu  vingi , wasipitishe kiholela   ili kuweza kuepuka matatizo mbalimbali yanayoweza kutokea   kwa nchi pindi wanapopitisha  bila kupitia kwa makini.

Hayo yamebainishwa na  mwanasheria ambaye pia ni  msimamizi wa masijala ndogo ya mahakama ya Afrika mashariki iliopo jiji Dar es salaam Donald Mafwere wakati akiongea na waandishi wa habari alipoudhuria katika mafunzo ya siku tano ya kuwapatia elimu  na ujuzi   wa kisheria  ambapo wanawafundishwa mafunzo ya uandaaji wa sheria pamoja na uandaaji wa nyaraka za kisheria za serikali ikiwemo  juu ya kuandaa mikataba,  mafunzo yanayofanyika mkoani Arusha

Alisema kuwa kwa sababu kuna vifungu vingine au mikataba nchi inayoingia ikipitiwa kiholela inaweza   kutupeleka au kupeleka nchi  katika sehemu ambayo sio sahihi   au kuipatia matatizo.

"Mafunzo haya yanaweza kutusaidia kujua ni vitu gani tunaweza kuzingatiwa wakati bunge letu linatunga sheria Kwa sababu tumekuwa tukiona sheria zinatugwa lakini atujui  zimepitia mchakato gani ni kinanani wanatunga lakini pia tumejifunza  mtu anaepaswa kusimamia maswala ya kuandaa  ni mtu wa aina gani  na anapaswa kufanya nini wakati anaandaa hizi sheria " alisema  Donald

Alibainisha kuwa  wamekuwa wakiangalia mikataba mbalimbali iliokuwa inaletwa  hapa nchini lakini wanashidwa kujua ubovu wa huo mkataba ulioletwa ni upi  nanini kifanywe Ili kuepukana na ubovu wa mikataba mbalimbali ambayo inaweza ikaingiwa baina ya nchi na nchi au kampuni na kampuni  ,huku akitoa rai  ya kuendelea kutolewa Kwa  masoma na vipindi kama hivi kwani vyema viwepo ili waendelee kujua  wanapotaka kuandaa sheria na mikataba  ni vitu gani viwepo ili kuweza kuepuka matatizo yanayoweza kutokea

Kwa upande wake mkurugenzi wa shirika la wanasheria   wa afrika mashariki (East Africa low Society )David Sigano  alisema kuwa  wameandaa mafunzo ya siku tano ya wanasheria,wabunge  na wakili  wa kujitegemea kutoka katika chama hicho  katika nchi saba za jumuiya hiyo ikiwemo chama cha sheria cha Tanzania ,Kenya ,Rwanda,BurundiBurundi,Zanzibar ,Uganda,chamancha sheria cha Sudan  pamoja na nchi zingine za Afrika mashariki  wanajishughulisha na maswala ya sheria   na wanatoa ushauri kwa serikali zao kuhusu  maswala ya kisheria pamoja na maswala ya haki za  binadamu na utawala wa kisheria .

Alisema  kuwa wamewakusanya mawakili zaidi ya 50  ambao wamewaandalia  mafunzo ya uwaandaaji wa maswala ya kisheria pamoja na nyaraka za kisheria wanawafunza jinsi ya kuandaa mikataba pamoja na kuandaa sheria ambazo zitawakilisha watu vizuri na nchi zao vizuri maana wamegundua kwamba kuna wakati sheria zinatugwa lakini zinakuwa na matatizo mahakamani na Kwa mara nyingine zinaonekana hazikuwa makini au watungaji wao hawakuwa makini Kwa hiyo wanawafundisha ili wawe na uwezo wa kuandaa sheria ambazo  zinaweza kujisimamia na kutetea wananchi Kwa jinsi inavyofaa.

Aidha aliwataka wanaojihusisha na maswala ya uandaaji wa sheria waweze kuwa makini sababu wanapoandaa sheria zinawakilisha nchi zao ,hivyo waweze kuandaa sheria ambazo zinaumakini.

Share this: