MUSHI AWATAKA WARATIBU WA MRADI WA HEET KUONGEZA KASI YA MCHAKATO WA MANUNUZI

 NAIBU Katibu Mkuu Wizara ya Elimu, Sayansi na Teknolojia (Sayansi,Teknolojia na Ubunifu) Daniel Mushi amewataka waratibu wa mradi wa Elimu ya Juu kwa Mageuzi ya Kiuchumi (HEET),kuongeza kasi ya mchakato wa manunuzi pamoja na kusimamia fedha kwa weledi,ili zifanye kazi iliyo kusudiwa.

Ameyasema hayo Oktoba 10,2024 Jijini Dar es salaam wakati alipokutana na waratibu hao kwa lengo la kuwasisitiza kuongeza kasi ya utekelezaji wa mradi huo ili ukamilike kwa wakati.

Amesema mradi huo unauhusisha taasisi 22 za elimu ya juu pamoja na elimu kati ambapo zimetengewa fedha zaidi ya shilingi billion 900 za kitanzania za mkopo nafuu kutoka Benki kuu ya dunia kwa lengo la kufanya ujenzi wa miundombinu ya kisasa ya kujifunzia.

Aidha Naibu Katibu Mkuu amesema wanatarajia ugeni kutoka Benki kuu siku zijazo ambao watakuja kwa ajili ya kufanya tathimini ya kati kuhusiana na Maendeleo ya mradi huo ambapo wameona vyema kujiandaa ili wafanye vizuri watakapofika kufanya tathimini hiyo.

Amesema mradi huo umelenga kukamilisha mambo mbalimbali ambayo yatasaidia Vijana wengi wanaosoma waweze kupambana katika soko la ajira.

Mradi wa Elimu ya Juu kwa Mageuzi ya Kiuchumi umekusudia kuboresha mazingira ya kujifunzia pamoja na kufundishia ili wasomi watakaopatikana kupitia Mradi huo waweze kukidhi mahitaji ya soko la ajira wanapoajiriwa au kujiajiri.

TANZANIA YARIDHISHWA NA UFADHILI KUTOKA POLAND KUKUZA SEKTA YA MIFUGO

 Na.Mwandishi Wetu -Arusha

Jumla ya Shilingi Bilioni 1.5 imetengwa kwa ajili ya kuboresha miundombinu ya Wakala ya Vyuo vya Mafunzo ya Mifugo nchini (LITA) Kampasi ya Tengeru iliyopo Mkoani Arusha kupitia ushirikiano uliopo kati ya Serikali ya Tanzania na Poland.

Akizungumza na vyombo vya habari mara baada ya kutembelea kampasi hiyo, Katibu Mkuu Wizara ya Mifugo na Uvuvi Prof. Riziki Shemdoe amesema serikali inaendelea na upanuzi wa LITA katika kampasi zote nchini ili kuhakikisha elimu inayotolewa inakidhi soko la ajira.

"Mradi huu ni mmoja ila kuna miradi mingine midogo midogo minne, mradi wa kwanza ulikuwa ni ujenzi wa sehemu ya kukamulia maziwa kwa ajili ya kuwafundisha wanafunzi ambao wapo chuoni hapo, mradi wa pili ni malisho ambao utakuwa wa umwagiliaji na upo katika hatua za mwisho ambapo muda sio mrefu tutaanza uzalishaji wa uhakika na wafugaji watapata chakula cha mifugo yao na mradi wa nne ni vifaa vya Maabara." Amesisitiza Prof. Shemdoe

Aidha, amesisitiza kuwa mradi wa tatu ni ujenzi wa darasa kubwa ambalo litatumika kwa ajili ya vijana kufundishwa uchakataji wa maziwa.

Pia, amesema kuwa wizara inaishukuru Serikali ya Poland na pia miradi hiyo ni matokeo ya Serikali ya Awamu ya Sita chini ya Rais Dkt. Samia Suluhu Hassan ya Diplomatsia ya Uchumi ya kuendelea kufungua nchi katika nyanja mbalimbali.

Ameongeza kuwa Serikali ya Poland itatoa kiasi cha Shilingi Bilioni Moja na Serikali ya Tanzania itachangia kiasi cha Shilingi Milioni 500.

Hata hivyo katibu mkuu huyo amesema kuwa matarajio ya wizara ni kuona thamani halisi ya fedha inaonekana mpaka kukamilika kwa miradi hiyo.

"Hapa tunatoa Astashahada ya Mifugo kwa wanafunzi wa nje na kuna kozi fupi fupi kwa wafugaji sio wa Tengeru tu hata maeneo mengine, hivyo wafugaji mbalimbali watanufaika na teknolojia hiyo na faida kubwa ambayo itapatikana ni ujuzi na uzoefu kwa watanzania ambao ni wengi kwenye mradi huo." Amesema Prof. Shemdoe

Kwa Upande wake Mtendaji Mkuu wa LITA Dkt. Pius Mwambene amesema katika kipindi hiki cha awamu ya sita serikali imetoa jumla ya Shilingi Bilioni Sita, ambapo fedha hizo zimejenga kumbi nne za mihadhara, zimechangia ukarabati wa maabara zilizopo chuoni hapo, mradi mpya wa jengo la wanafunzi kulala (hostel) chuoni hapo yenye uwezo wa kuhudumia wanafunzi 216 kwa wakati mmoja.

Dkt. Mwambene amesema kuwa fedha zimeshapitishwa na serikali ya awamu ya sita wanategemea zikitoka fedha za awali mkandarasi aanze kazi mara moja, vile vile Mwaka 2024 kupitia serikali ya awamu ya sita wametengewa kiasi cha Shilingi Bilioni Tatu kutoka Benki ya Dunia ambapo itasaidia kukarabati Kampasi ya LITA Tengeru na Morogoro kwa kuwa miundombinu yake imekuwa chakavu kutokana na kujengwa mwaka 1702.

Ushirikiano wa Serikali ya Poland na LITA Kampasi ya Tengeru ni kutokana na uwepo wa makaburi ya raia wa Poland ambao walifia eneo hilo wakiwa katika vita ya pili ya dunia ushirikiano kati ya pande hizo mbili ulianza rasmi Mwaka 2009.

Katibu Mkuu Wizara ya Mifugo na Uvuvi Prof. Riziki Shemdoe (kushoto) akikagua moja ya vifaa vya umwagiliaji kwenye shamba la malisho la Wakala ya Vyuo vya Mafunzo ya Mifugo nchini (LITA) Kampasi ya Tengeru iliyopo Mkoani Arusha, ambapo Serikali ya Poland kwa kushirikiana na Tanzania inafanya maboresho katika shamba hilo kwa kufunga vifaa vya kisasa kwa ajili ya umwagiliaji. Pembeni yake ni Mtendaji Mkuu wa LITA Dkt. Pius Mwambene.

Muonekano wa moja ya majengo yanayokarabatiwa na Serikali ya Poland kwa kushirikiana na Tanzania katika Wakala ya Vyuo vya Mafunzo ya Mifugo nchini (LITA) Kampasi ya Tengeru iliyopo Mkoani Arusha, ambapo Katibu Mkuu Wizara ya Mifugo na Uvuvi Prof. Riziki Shemdoe (wa tatu kutoka kushoto) amekagua maendeleo ya ukarabati wa miundombinu katika kampasi hiyo.

Katibu Mkuu Wizara ya Mifugo na Uvuvi Prof. Riziki Shemdoe akiwa amekaa katika moja ya madarasa ya Wakala ya Vyuo vya Mafunzo ya Mifugo nchini (LITA) Kampasi ya Tengeru iliyopo Mkoani Arusha, yaliyojengwa kwa ufadhili wa Serikali ya Poland ambapo amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan namna anavyofungua nchi kupitia Diplomasia ya Uchumi.

Katibu Mkuu Wizara ya Mifugo na Uvuvi Prof. Riziki Shemdoe akipata maelezo kutoka kwa baadhi ya wanafunzi wa Wakala ya Vyuo vya Mafunzo ya Mifugo nchini (LITA) Kampasi ya Tengeru iliyopo Mkoani Arusha, wakati alipotembelea kampasi hiyo kujionea vifaa mbalimbali vya maabara vilivyotolewa na Serikali ya Poland.

WASIMAMIZI WASAIDIZI WA UCHAGUZI WA SERIKALI ZA MITAA WAONYWA KUJIHUSISHA NA RUSHWA.

 NA WILLIUM PAUL, SAME.

MKUU wa wilaya ya Same mkoani Kilimanjaro Kasilda Mgeni amewataka wasimamizi wasaidizi wa Uchaguzi wa Serikali za Mitaa kwa mwaka 2024 kujiepusha na vitendo vya Rushwa wakati wanapotekeleza majukumu yao kwenye kipindi chote cha zoezi la Uchaguzi kwani Rushwa ni adui wa haki na hudumaza maendeleo kwenye jamii.

Kasilda amezungumza hayo wakati akifungua Semina ya mafunzo kwa wasimamizi wasaidizi wa Uchaguzi wa Serikali za Mitaa kwa mwaka 2024 unaotarajiwa kufanyika Novembea 27, ambapo amesisitiza uzingatiaji wa miongozo na kanuni za Uchaguzi zilizotolewa na Wizara ya TAMISEMI kwenye Halmashauri.

“Hii ni kazi maalum mnaenda kuitenda, mnaenda kuwaongoza Wananchi niwaombe sana watumishi wenzangu kaepukeni masuala ya Rushwa, Rushwa ni adui wa haki na hudumaza maendeleo kwenye maeneo yetu, kanuni za utendaji wa utumishi wa umma zinakataa mtumishi kujihusisha na masuala ya Rushwa na mambo mengine ambayo yatakushushia hadhi kama mtumishi wa umma”. Alisema Kasilda.

Aidha ameelekeza Watendaji wa Kata na Vijiji kuhakikisha kuwa wanaenda kuhamasisha kikamilifu Wananchi waijue vizuri ratiba na matukio yote ya Uchaguzi kwa njia zozote zile ambazo wanazitumia kufikisha jumbe na taarifa mbalimbali za Serikali kwenye maeneo yao kwa kuzingatia maslahi makubwa ya Nchi.

"WOMEN IN AVIATION" KUKUTANA OKTOBA 31

 

Mkurugenzi wa Sheria wa Mamlaka ya Usafiri wa Anga nchini ambaye pia ni Mwenyekiti wa Jukwaa la Wanawake Katika Usafiri wa Anga Tanzania Maria Makalla Memba akizungumza na waandishi wa habari wakati wa kuzindua shindano la ubunifu wa nembo ya jukwaa hilo kwa wasichana wenye umri kati ya miaka 14 hadi 20 Tanzania nzima pamoja na mkutano wa wanawake viongozi wanaohudumu katika sekta ya usafiri wa anga nchini unaotarajiwa kufanyika siku hiyo ya Oktoba 31 jijini Dar es Salaam.

JUKWAA la Wanawake katika Usafiri wa Anga Tanzania linatarajia kufanya mkutano wake wa kwanza wa viongozi wanawake katika sekta ya usafiri wa anga utakaofanyika tarehe 31 Oktoba 2024 jijini Dar es Salaam mara baada ya kuzinduliwa rasmi mwaka 2023 na Mheshimiwa Waziri Mkuu wa Jamhuri ya Muungano wa Tanzania wakati wa maadhimisho ya miaka 20 ya kuanzishwa kwa Mamlaka ya Usafiri wa Anga Tanzania (TCAA).

Akizungumza na waandishi wa habari Mkurugenzi wa Sheria wa TCAA ambaye pia ni Mwenyekiti wa Jukwaa la Wanawake katika Usafiri wa Anga Tanzania, Maria Makalla Memba amesema jukwaa hilo limezindua shindano la ubunifu wa nembo ya jukwaa hilo kwa wasichana wa umri wa miaka 14 hadi 20 Tanzania nzima ambalo mshindi wake atatangazwa Oktoba 31 mwaka huu unaenda sambamba na mkutano wa wanawake viongozi wanaohudumu katika sekta ya usafiri wa anga nchini unaotarajiwa kufanyika siku hiyo ya Oktoba 31 jijini Dar es Salaam.

“Mkutano huu utahusisha marubani, wahandisi wa ndege na mitambo ya ndege, waongoza ndege, wahudumu wa ndege, maafisa usalama katika sekta ya anga na kila mmoja ambaye kwa taaluma yake anahudumia sekta ya anga kwa lengo la kuelezana mafanikio, changamoto, fursa pamoja na tija zilizopo kwenye sekta ya usafiri wa anga”. Amesema Memba

Mkutano huo ambao Jukwaa la Wanawake Katika Usafiri wa Anga litaufanya kwa mara ya kwanza utahusisha wanawake viongozi kwenye sekta hiyo na kufuatiwa na mkutano mwingine utakaohusisha wanataaluma wengi zaidi wakiwemo wenye nafasi za chini kwenye usafiri wa anga hivyo jukwaa hilo linalenga kusisimua jamii hususani wanawake na watoto wa kike kusoma masomo ya sayansi ili kujiunga na sekta hiyo ya anga.

Jukwaa hilo tayari limefungua fursa ya kujiandikisha kwa washiriki wa mkutano huo kupitia kiunganishi cha mtandaoni kilichopo kwenye tovuti ya Mamlaka ya Usafiri wa Anga (TCAA) huku washindani wa shindano la ubunifu wa nembo ya jukwaa hilo wakitakiwa kuwasilisha kazi zao kupitia anuani ya posta ya mamlaka hiyo.

Mkutano wa EAPRA Waunganisha Wadau wa Mawasiliano na Mahusiano ya Umma Afrika Mashariki

 Na Mwandishi wetu , ARUSHA 

Imebainika kuwa taaluma ya Mawasiliano na Mahusiano ya Umma inazidi kupata umuhimu mkubwa katika ulimwengu wa sasa, ambapo uwazi, uaminifu, na mawasiliano yenye manufaa yamekuwa sehemu muhimu ya maendeleo ya kijamii na kiuchumi. 

Aidha pia   serikali iko mbioni kushirikiana na wadau wa sekta hii kuunda sheria itakayowezesha kuanzishwa kwa Bodi ya Kitaifa ya Mawasiliano na Mahusiano ya Umma  , ambapo itasaidia taaluma hii kupata msukumo wa kisheria na kuwa na mifumo ya usimamizi kama ilivyo kwa taaluma nyingine muhimu kama vile sheria na uhasibu.

Hayo yamebainishwa na naibu waziri wa  habari  mawasiliano Eng.Maryprisca Mahundi wakati akifungua   mkutano  wa jumuiya ya  maofisa mahusiano ya Umma ya AFRIKA Mashariki 

 (EAPRA) uliofanyika leo jijini Arusha, Tanzania, ukikusanya wataalamu na viongozi kutoka sekta ya Mawasiliano na Mahusiano ya Umma.

Alisema kuwa taaluma ya Mawasiliano na Mahusiano ya Umma inazidi kupata umuhimu mkubwa katika ulimwengu wa sasa, ambapo uwazi, uaminifu, na mawasiliano yenye manufaa yamekuwa sehemu muhimu ya maendeleo ya kijamii na kiuchumi. 

Alisema kuwa EAPRA inabaki kuwa kiini muhimu cha kuhakikisha kuwa wataalamu wa mawasiliano wanapata nafasi ya kujenga sauti imara katika vikao vya maamuzi Afrika Mashariki.

Kwa upande wake Mwenyekiti wa  EAPRA  ambaye pia ni rais wa chama Cha maofisa mahusiano ya Umma Tanzania   Assah Mwambene  alisema kuwa Mkutano huu utafungua njia mpya kwa taaluma hii muhimu kuingizwa kwenye meza za maamuzi na kushiriki katika mchakato wa sera ndani ya ukanda wa Jumuiya ya Afrika Mashariki.

 Alisema kuwa uamuzi wa kuifanya Arusha kuwa makao makuu ya EAPRA, uliofanywa mwaka 2022 katika mkutano uliofanyika Mombasa  na ndio uliweza kufanikisha kuimarisha taaluma hii.

 "Arusha  kama makao makuu ya EAPRA  itasaidia kuinua taaluma ya Mawasiliano na Mahusiano ya Umma kwenye viwango vya juu katika kanda nzima"alibainisha mwambene

kwa upande wa mmoja ya  washiriki ambaye ni mwenyekiti wa jukwaa la wahariri Tanzania (TEF)Deodatus Balile alisema maofisa uhusiano wanakazi kubwa ya kuahakikisha kwamba wanatangaza taasisi zao na sio kubeba mikoba ya mabosi zao.

Aidha aliwataka kutumia nafasi zao kutangaza taasisi zao ili ziendelee kutambulika zaidi  ,nakubainisha kuwa iwapo afisa uhusiano akiwa anaelewa vyema kazi yake nakuifanya vyema  hata bosi wake atamuamini na hatakuwa mkali katika kazi

NMB waipiga tafu mashindano ya kimataifa ya Diplomatic Golf.

Na Woinde Shizza,Arusha

Benki ya NMB imefanikiwa kukabidhi udhamini wa vifaa vya michezo kwa ajili ya wachezaji 150 wanaotarajia kushiriki mashindano ya kimataifa ya Diplomatic Golf 2024.

Michuano hiyo inayotarajia kuanza kutimua vumbi kwa siku mbili kuanzia Septemba 21-22, 2024 katika viwanja vya Kili Golf vilivyoko Mkoani Arusha yana lengo la kuchangisha fedha kwa ajili ya kusaidia watoto wanaotoka katika mazingira magumu.

Mashindano hayo yaliyoandaliwa na Taasisi ya Songea Mississippi (SOMI) na klabu mwenyeji ya Kili Golf, jumla ya mashimo 36 yataamua mshindi kutoka kwa washiriki wote 150 kutoka nchi za jumuiya ya Afrika Mashariki pamoja na wachezaji kutoka Dubai na Marekani.

Mratibu wa mashindano hayo, Reinfrida Rwezaura, amesema kuwa maandalizi yote kuelekea mashindano hayo ya msimu wa sita mwaka huu yamekamilika.

Amesema lengo kuu la mashindano hayo ni kukusanya fedha kwa ajili ya kusaidia vituo vya kulelea watoto yatima na kuwasaidia wale wenye uhitaji, ikiwa ni pamoja na kusaidia wasichana wajawazito kurudi shule.

Pia mashindano haya yanatoa jukwaa la wachezaji kuonyeshana makali yao katika mchezo wa Gofu kutoka mikoa na nchi mbalimbali, pia yanatoa fursa kuonyesha ujuzi wao na nidhamu ya michezo lakini pia ya yanachangia jitihada za nchi za kukuza utalii kupitia michezo.

Kwa upande wake Meneja wa benki ya NMB, Kanda ya Kaskazini Baraka Ladislaus amesema kuwa wamedhamini jezi hizo kwa ajili ya kuvaa wachezaji ikiwemo fulana, kofia na taulo maalum za kujifutia jasho.

Amesema lengo la Benki ya NMB, kutoa udhamini huo ni kutokana na kuvutiwa na malengo yake ya  kusaidia watoto wanaotoka katika mazingira magumu.

"Mbali na udhamini huu lakini Benki pia imepeleka timu kushiriki mashindano haya, kwa ajili ya kuchangamana na jamii lakini pia kuonyesha uwezo wetu kama NMB katika michezo"

Amesema kuwa wao kama Benki wanaendelea kutoa masuluhisho mbalimbali ya kifedha kwa ajili ya kusaidia jamii kutatua changamoto zao za shughuli za kiuchumi na kijamii pia.

WAKUU WA MIKOA ,WILAYA WATAKIWA KUWASAKA WALIPO WATOTO WALEMAVU

 

Na Woinde Shizza , ARUSHA 

Waziri wa nchi Ofisi ya Rais, Tawala za mikoa na serikali za Mitaa TAMISEMI, Mohamed Mchengerwa ,amewaagiza wakuu wa mikoa na wilaya hapa nchini kuwatafuta popote walipo watoto wenye ulemavu ambao wamekuwa wakifichwa majumbani na wazazi ama walezi na kuwanyima haki ya elimu.

Mchengerwa ameyasema hayo septemba 17,2024 wakati akifungua maadhimisho ya miaka 30 ya utekelezaji wa elimu Jumuishi , katika shule maalumu ya Sekondari Patandi wilayani Arumeru Mkoani Arusha ikiwa ni utekelezaji wa mkataba wa kimataifa wa Salamanka uliosainiwa na serikali mwaka 1994 na kuanza kutumika rasmi mwaka 1997.

akifungua maadhimisho ya miaka 30 ya utekelezaji wa elimu Jumuishi , katika shule maalumu ya Sekondari Patandi wilayani Arumeru Mkoani Arusha ikiwa ni utekelezaji wa mkataba wa kimataifa wa Salamanka uliosainiwa na serikali mwaka 1994 na kuanza kutumika rasmi mwaka 1997.

Alisema nchi yetu Tanzania elimu Jumuishi ilianza kutekelezwa muda mrefu kupitia sera ya elimu ya mwaka 1978 iliyoelekeza upatikanaji wa elimu kwa kila mtoto,utekelezaji wa sheria hiyo kwa watoto wenye mahitaji maalumu umerasimishwa mwaka 1998 kupitia mradi wa wizara ya elimu kwa kushirikiana na shirika la kimataifa la elimu , sayansi na utamaduni (UNESCO).

"Katika Taifa Letu bado tuna watu wenye kufikiri kwamba mtoto mwenye changamoto hana haki ya kupata elimu, nichukue nafasi hii kuwaagiza wakuu wa mikoa na wakuu wa wilaya, wekeni utaratibu wa kufuatilia jamii hiyo kuanzia ngazi ya makazi ya wananchi kama kuna mtoto mwenye changamoto amefichwa serikali ichukue hatua mara moja"

Waziri amesema kuwa idadi ya wanafunzi wenye mahitaji maalumu imeendelea kuongezeka na kufika 78,429 mwaka 2024.Alisema serikali imetenga jumla ya shule 6088 zinazopokea wanafunzi hao na kuwapatia Afua stahiki na miongoni mwa shule hizo, shule 309 zina mabweni kwa ajili ya wanafunzi hao.

Kutokana na kuongezeka kwa wanafunzi wenye mahitaji maalumu nchini, serikali imejenga shule mbili maalumu za mfano moja wapo ni shule maalumu ya Patandi.

Alisema serikali imedhamiria kuwapatia taaluma stahiki wanafunzi wenye mahitaji maalumu kwa kuhakikisha wanapata chakula cha uhakika kwa kutoa ruzuku kwa mwanafunzi wa kutwa na bweni .

Awali Mkurugenzi wa elimu maalumu, dkt. Magreth Matonya kutoka wizara ya elimu sayansi na teknolojia ,alisema maadhimisho hayo ya miaka 30 katika shule maalumu ya patandi yametokana na kuanza utekelezaji wa elimu jumuishi nchini ambapo Tanzania ilisaini mkataba wa kimataifa mwaka 1994.

"Maadhimisho haya yana malengo manne, kutangaza fursa kwa wanafunzi wenye mahitaji maalumu, kutangaza mafanikio ,kutoa elimu ya uhamasishaji kwa wazazi wanaowaficha watoto na kutoa tathimini tulipo na tunapoelekea"

Dkt Matonya alisema dhana ya elimu Jumuishi ni kuwaweka pamoja wanafunzi wenye mahitaji maalumu na wasio na mahitaji maalumu waweze kusoma kwa kutegemeana na kusaidiana

Alisema tangia kuanza kwa mpango huo wa elimu jumuishi serikali imefanikiwa maeneo 36 ikiwemo kuanzisha kamusi ,kuboresha vyuo vya ualimu ambapo mwaka 2024 jumla ya walimu 768 wamehitimu pia ununuzi wa vifaa vya kujifunzia kwa wanafunzi wenye mahitaji.

Alisema nchi yetu Tanzania elimu Jumuishi ilianza kutekelezwa muda mrefu kupitia sera ya elimu ya mwaka 1978 iliyoelekeza upatikanaji wa elimu kwa kila mtoto,utekelezaji wa sheria hiyo kwa watoto wenye mahitaji maalumu umerasimishwa mwaka 1998 kupitia mradi wa wizara ya elimu kwa kushirikiana na shirika la kimataifa la elimu , sayansi na utamaduni (UNESCO).

"Katika Taifa Letu bado tuna watu wenye kufikiri kwamba mtoto mwenye changamoto hana haki ya kupata elimu, nichukue nafasi hii kuwaagiza wakuu wa mikoa na wakuu wa wilaya, wekeni utaratibu wa kufuatilia jamii hiyo kuanzia ngazi ya makazi ya wananchi kama kuna mtoto mwenye changamoto amefichwa serikali ichukue hatua mara moja"

Waziri amesema kuwa idadi ya wanafunzi wenye mahitaji maalumu imeendelea kuongezeka na kufika 78,429 mwaka 2024.Alisema serikali imetenga jumla ya shule 6088 zinazopokea wanafunzi hao na kuwapatia Afua stahiki na miongoni mwa shule hizo, shule 309 zina mabweni kwa ajili ya wanafunzi hao.

Kutokana na kuongezeka kwa wanafunzi wenye mahitaji maalumu nchini, serikali imejenga shule mbili maalumu za mfano moja wapo ni shule maalumu ya Patandi.

Alisema serikali imedhamiria kuwapatia taaluma stahiki wanafunzi wenye mahitaji maalumu kwa kuhakikisha wanapata chakula cha uhakika kwa kutoa ruzuku kwa mwanafunzi wa kutwa na bweni .

Awali Mkurugenzi wa elimu maalumu, dkt. Magreth Matonya kutoka wizara ya elimu sayansi na teknolojia ,alisema maadhimisho hayo ya miaka 30 katika shule maalumu ya patandi yametokana na kuanza utekelezaji wa elimu jumuishi nchini ambapo Tanzania ilisaini mkataba wa kimataifa mwaka 1994.

"Maadhimisho haya yana malengo manne, kutangaza fursa kwa wanafunzi wenye mahitaji maalumu, kutangaza mafanikio ,kutoa elimu ya uhamasishaji kwa wazazi wanaowaficha watoto na kutoa tathimini tulipo na tunapoelekea"

Dkt Matonya alisema dhana ya elimu Jumuishi ni kuwaweka pamoja wanafunzi wenye mahitaji maalumu na wasio na mahitaji maalumu waweze kusoma kwa kutegemeana na kusaidiana

Alisema tangia kuanza kwa mpango huo wa elimu jumuishi serikali imefanikiwa maeneo 36 ikiwemo kuanzisha kamusi ,kuboresha vyuo vya ualimu ambapo mwaka 2024 jumla ya walimu 768 wamehit

imu pia ununuzi wa vifaa vya kujifunzia kwa wanafunzi wenye mahitaji.

Zijue Faida za Mitandao ya Kijamii Katika Uchaguzi wa Serikali za Mitaa

 

Mitandao ya kijamii imezidi kuwa nyenzo muhimu katika mchakato wa uchaguzi wa serikali za mitaa. 

Kwa kuwafikia watu wengi kwa haraka na kwa urahisi, majukwaa haya yamebadilisha namna wagombea, wapiga kura, na wadau wengine wanavyoshirikiana wakati wa uchaguzi. 

Zifuatazo ni baadhi ya faida kuu za mitandao ya kijamii katika uchaguzi wa serikali za mitaa:

1. Kuongeza Ushiriki wa Wananchi

Mitandao ya kijamii inasaidia kuongeza ushiriki wa wananchi kwa kutoa taarifa kwa wakati kuhusu mikutano ya wagombea, kampeni, na matukio muhimu. Wananchi wanaweza kupata taarifa moja kwa moja kupitia simu zao au vifaa vya kielektroniki, na hivyo kuongeza uwezekano wa kushiriki kikamilifu katika uchaguzi.

2. Uhamasishaji wa Upigaji Kura

Majukwaa kama Facebook, Twitter, Instagram, na WhatsApp yanaweza kutumika kuhamasisha watu wengi zaidi kupiga kura. 

Kwa kampeni za kidigitali, wagombea na mashirika mbalimbali yanaweza kuwashawishi wananchi kwa ujumbe wa moja kwa moja unaokumbusha umuhimu wa kupiga kura na hata kutoa maelekezo ya jinsi ya kushiriki.

3. Fuatiliaji wa Uchaguzi kwa Wakati Halisi

Mitandao ya kijamii inatoa fursa ya kufuatilia mchakato wa uchaguzi kwa wakati halisi. 

Wananchi wanaweza kuripoti chochote wanachokiona kwenye vituo vya kupigia kura, huku wadau wakubwa kama waangalizi wa uchaguzi wakitumia majukwaa haya kuripoti hali ya usalama, uwazi, na haki ya mchakato wa uchaguzi.

4. Ushirikishwaji wa Maoni ya Umma

Mitandao ya kijamii ni jukwaa wazi linalowapa wananchi fursa ya kutoa maoni yao kuhusu mchakato wa uchaguzi na matokeo. 

Maoni haya yanaweza kusaidia kuunda sera bora zaidi na kuboresha chaguzi zijazo. Mawazo na maoni ya wananchi yanaweza kujadiliwa na wagombea pamoja na viongozi wa serikali, hivyo kujenga uwazi na uwajibikaji.

5. Kupambana na Habari za Upotoshaji

Pamoja na faida zake, mitandao ya kijamii inaweza kuwa chanzo cha habari zisizo sahihi au za upotoshaji.

 Hivyo, ni muhimu kuweka juhudi za ziada kuhakikisha kuwa taarifa zinazoshirikiwa ni sahihi na zinazingatia maadili ya uandishi wa habari.

 Mashirika na serikali wana jukumu la kuelimisha wananchi kuhusu athari za habari za uongo na jinsi ya kutambua vyanzo vya habari vya kuaminika.

6. Kuchangia Uwajibikaji wa Wagombea

Kupitia majukwaa haya, wagombea wanawajibika zaidi kwa wananchi kwani wanajua kila hatua wanayochukua inafuatiliwa na kuchambuliwa na wapiga kura. 

Hii inawapa wananchi nguvu ya kuhoji na kuwajibisha wagombea kuhusu sera zao, ahadi, na utendaji wao wa awali.

Hitimisho

Mitandao ya kijamii ni zana yenye nguvu ambayo inaweza kuimarisha ushiriki, uwazi, na ufuatiliaji wa uchaguzi wa serikali za mitaa.

 Hata hivyo, ni muhimu kuhakikisha kuwa taarifa zinazoshirikiwa zinazingatia ukweli na maadili, ili kuzuia usambazaji wa taarifa potofu zinazoweza kuharibu uaminifu wa mchakato mzima wa uchaguzi. 

Kwa kushirikiana vyema, mitandao ya kijamii inaweza kusaidia kujenga demokrasia shirikishi zaidi.

BAADHI YA FAMILIA ZA KIMASAI KUTUMIA SHEREHE ZA UBATIZO KUKEKETA

Baadhi ya familia za Jamii ya kimasai wilaya ya Longido mkoa Arusha,zinadaiwa kutumia sherehe za ubatizo kukeketa watoto wadogo ili kukwepa kukamatwa na kufikishwa mahakamani.

Watoto wengi wadogo chini ya miaka miwili wamebainika kufanyiwa ukatili wa kukeketwa katika baadhi ya vijiji Wilaya ya Longido.

Wakizungumza katika uzinduzi wa mradi wa kupaza sauti kupinga matukio ya ukeketaji na ukatili dhidi ya wanawake na watoto Wilaya ya Longido ambao unatekelezwa na Shirika la wanahabari la MAIPAC kwa ufadhili wa Shirika la Cultural Survival, viongozi wa Serikali na Halmashauri ya Longido walionya serikali kuendelea kuwachukulia hatua wanaokeketa watoto.

Mganga mkuu wa hospitali ya Wilaya ya Longido Dk Mathew Majani akizungumza katika uzinduzi mradi kupinga ukeketaji Longido na kueleza ukeketaji unavyochangia vifo vya wanawake wakati wa kujifungua na watoto.

Afisa Maendeleo wa halmashauri ya wilaya ya Longido,Rashid Hussein alisema baada ya serikali kuimarisha msako wa wanaokeketa watoto mbinu mpya imeibuka kwa watoto kukeketwa kwa Siri katika sherehe za ubatizo.

“Tayari tumebaini hili na tumetoa maelekezo kwa viongozi kuanzia ngazi za kitongoji kufatilia na wakibaini ukeketaji kwenye sherehe za Ubatizo watupe taarifa mapema “amesema.

Amesema hata hivyo wamebaini kumekuwepo na tatizo la baadhi ya viongozi kumaliza kesi kwa mazungumzo vijijini na akaonua viongozi ambao watafumbia macho ukeketaji katika maeneo Yao serikali itawachukulia hatua.

Wanawake wazuiwa kula wakiwa na ujauzito

Katika haya nyingine mganga Mkuu wa Wilaya ya Longido, Dk Methew Majani amesema wamebaini wanawake kuwa dhaifu wanapofikishwa hospitali kujifungua kutokana na kutopewa chakula ili eti waje kujifungua watoto wadogo.

Dk Majani alisema kwa kuwa wanawake wamekeketwa na ili kusipate shida zaidi wanapofika hospitali kujifungua wanazuia vya vyakula jambo ambalo limekuwa likisababisha uzazi pingamizi jambo ambalo ni hatari kwa maisha Yao na watoto.

“Lakini kibaya zaidi wanacheleweshwa kufika vituo vya afya akina mama wajawazito hili jambo halifai kwani serikali ya Rais Samia Suluhi imejitahidi kujenga vituo vya afya na hospitali ili wanawake wapate huduma nzuri na mapema zaidi”amesema.

Amesema ukeketaji umekuwa ukisababisha Vifo vya akina mama na watoto kutokana na kutokwa damu nyingi lakini pia kukosa nguvu za kujifungua Salama.

Mkurugenzi wa Shirika la MAIPAC, Mussa Juma akizungumza wakati uzinduzi wa mradi wa kupaza sauti kupinga matukio ya ukeketaji na ukatili dhidi ya wanawake na watoto Wilaya ya Longido.

Mkurugenzi wa Shirika la MAIPAC,Mussa Juma alisema mradi huo umekuja baada ya waandishi kufanya utafiti katika wilaya hiyo na kubaini licha ya kazi kubwa ya Serikali na halmashauri kupinga ukeketaji lakini bado watoto wadogo wabakeketwa.

“Tuliwatuma waandishi vijijini kwenda kufanya uchunguzi nanwalitupa taarifa ambayo tulitumia kutafuta wafadhili kupata fedha ya kutoa elimu zaidi ya Kupambana na ukeketaji napaza sauti na tunamshukuru Cultural Survival kutufadhili”alisema

Wahanga wa ukeketaji watoa ushuhuda

Merikinoi orkesyanye alitoa ushuhuda kuwa amekeketwa na amezaa watoto wanane lakini wakati akijifungua Mtoto wa nane alipata tatizo la festura kutokana na kufanyiwa ukeketaji.

“Tumepata hii Shida kutokana na ukeketaji na ninashukuru mganga huyu wa wilaya na wengine wamenisaidia Sasa nimeona na naomba wanawake wenzangu na wazee wa Mila tuache ukeketaji kwani no hatari kwa afya zetu na watoto “alisema.

Akitoa mafunzo ya athari za ukeketaji , Mary Laizer alisema ukeketaji alisema yeye amekeketwa na anachokifanya kuhakikisha watoto hawakeketwi na ameweza kuvusha Mtoto wake wa kike Rika bila kukeketwa.

Mary alisema ukeketaji una madhara makubwa ikiwepo kutokwa damu nyingi,kuondoka starehe na kubwa kueleza kupoteza maisha ya mama na Mtoto.

Mary akionesha aina mbalimbali za ukeketaji na madhara yake na kuwataka wanawake na wanaume kuungana kupiga vita ukeketaji.

Katika mradi huo wa MAIPAC kwa kushirikiana na wadau ikiwepo shirika la Tembo na halmashauri wanatarajiwa kufika vijiji mbalimbali kupinga ukeketaji na kuunda kamati za vijiji kupinga ukeketaji.

Afisa maendeleo ya jamii Halmashauri Wilaya Longido Rashid Husein akizungumza wakati wa uzinduzi wa mradi wa kupaza sauti kupinga matukio ya ukeketaji na ukatili dhidi ya wanawake na watoto Wilaya ya Longido.

NCHI YA TÀNZANIA IPO TAYARI KUSHIRIKIANA NA NA NCHI ZINGINE KUIMARISHA MATUMIZI YA MANUNUZI KWA NJIA YA KIDIGITAL:MAJALIWA

Na Woinde Shizza Arusha

Waziri Mkuu wa Jamhuri ya Muungano wa Tanzania Mhe.Kasimu Majaliwa amesema nchi ya Tanzania iko tayari kushirikiana na nchi nyingine ndani na nje ya Jumuiya ya Afrika Mashariki katika kuimarisha matumizi ya manunuzi na ugavi kwa njia ya kidigital.

Akifunga Jukwaa la 16 la Ununuzi wa Umma Afrika Mashariki lililofanyikabjijini Arusha, Waziri wa Fedha Dkt. Mwigulu Lameki Nchemba amesema umuhimu wa sekta ya manunuzi nchini unafanya miradi mbalimbali inatekelezwa.

Aidha Dkt.Nchemba amemuelekeza Katibu Mkuu Hazina kuhakikisha anaratibu na kusimamia sera ya taifa na mkakati wa ununuzi wa umma na ugavi inayofanyika kwenye taasisi za umma zinazingatia misingi ya sera hiyo na mikakati yake ili ianze kutumika mapema.

Mkurugenzi Mkuu wa PPRA Denis Simba amesema kupitia Kauli mbiu katika Jukwaa la 16 la Ununuzi wa Umma katika Nchi za Afrika Mashariki Tanzania imeonyesha mfano wa kuishi kauli mbiu hiyo kwani tayari imeanza kutumia mfumo wa kidigitali na kuanza kuona faida ya matumizi yake katika ununuzi wa umma kupitia mgumo wa Nest.

Kwa upande wake Mwenyekiti wa Bodi ya Wakurugenzi PPRA Dkt.Leonada Rafael amesema mada zilizowasilishwa katika mkutano huo zimelenga kuhamasisha matumizi ya Tehama kwenye ununuzi wa umma ili kuweka usawa ,haki, ushindani, uwajibikaji na ufanisi kwenye ununuzi wa umma.

"Mpango wa MAIPAC wa Kuelimisha Jamii Juu ya Madhara ya Ukeketaji Wazinduliwa"

 

Mwandishi wetu,Longido

Shirika la Wanahabari la usaidizi wa jamii za pembezoni(MAIPAC) linatajia  kuzindua mradi kabambe  wa kuelimisha juu ya athari za ukeketaji kwa watoto wa kike katika jamii ya kifugaji ya kimasai ikiwa ni pamoja na kuwajengea wanawake uwezo wa kutetea haki zao.

Mradi huo unafadhiliwa na shirika la  Cultural Survival na unatarajiwa kusaidia pia kupaza sauti za vijana wanaopinga vitendo vya ukeketaji.

Mkurugenzi wa Shirika la MAIPAC Mussa Juma alitoa taarifa hiyo katika ziara iliyofanywa na Asasi za kirai katika wiki ya Asasi hizo iliyofanyika wilayani Longido .

"MAIPAC imebaini kuwa watoto wa miaka miwili hukeketwa katika Jamii ya Kimasai hivyo tunampango wa kuzindua mradi wa kuelemisha kuhusu masuala mazima ya ukeketaji na ukatili kwa watoto wa kike , lakini pia kuwajengea Uwezo wa kujiamini wanawake wa kimasai na kuweza kutetea haki zao za msingi hasa katika kukemea Ukatili" amesema.

Katika Ziara iliyofanywa na Asasi za kiraia (CSO) wadau wa asasi hizo wamepata wasaa wakutembelea kikundi cha wanawake wanaofadhiliwa na shirika la Legal Service Facility(LSF) na Vodacom Foundation.

Akizungumza na ziara hiyo mkurugenzi wa LSF ,Lulu Ng'wanakilala alisema shirika hilo limekuwa likisaidia vikundi 11 vya wanawake wa jamii ya kifugaji kata Kimokoa wilaya ya Longido.

Ng'wanakilala alisema  wanawake wa jamii za kifugaji bado wanakaniliwa na changamoto ikiwepo changamoto za kiuchumi,ushiriki katika siasa na changamoto za kiafya.

Hata hivyo alisema kupitia mradi wanaotekeleza longido wameweza kusaidia jamii ya wanawake kiuchumi kwa kuwa na miradi midogo,ushiriki katika masuala ya kisiasa na kupambana na changamoto za kiafya ikiwepo ikeketaji.

Katika wiki ya CSO hufanyika mara moja kila mwaka ambapo zaidi ya Wadau 600 wameweza kushiriki na kushirikishana Masuala mbalimbali ya kijamii kwa njia ya midahalo na Majadiliano ya kina yanayolenga Mchango wa CSOs hizo kwa maendeleo ya Taifa.

NMB YATOA VIFAA TIBA KWA SERIKALI KWA AJILI YA KUSAIDIA HUDUMA ZA AFYA

 

Serikali imefanikiwa kupokea vifaa tiba vyenye thamani ya Shilingi milioni 6.5 kutoka kwa Benki ya NMB kwa ajili ya kusaidia utoaji wa huduma za afya kwa wagonjwa.

Vifaa hivyo ni mashuka 100, viti mwendo (2) chuma za kutundikia dripu (5) pamoja na Vitanda na magodoro (8) ikiwemo vitanda vitano vya kulaza wagonjwa na vitatu vya kuwapumzisha kwa ajili ya vipimo.

Akizungumza wakati wa kukabidhi msaada huo Wilayani Monduli, Mkuu wa Idara ya Huduma za Kibenki kwa Serikali na Ofisi ya Makao Makuu ndogo ya NMB-Dodoma, Vicky Bishubo amesema, lengo la msaada huo ni kurahisisha utoaji huduma za afya kwa wananchi wanaofika kutibiwa katika hospitali hiyo ya Wilaya.

“Ni desturi ya Benki yetu kujipambanua katika mambo ya kijamii, ndio maana tulivyopata barua ya maombi ya vifaa hivi kutoka Hospitali ya Wilaya ya Monduli, tuliipa kipaumbele ya kuhakikisha tunafanikisha hitaji hili na leo tumekuja kukabidhi”

Amesema kuwa nia ya benki ya NMB ni kuendelea kushirikiana na serikali katika kuwahudumia wananchi, ambapo mbali na gawio wanalotoa linaloelekezwa kwenye shughuli za maendeleo lakini pia wamekuwa wakitoa misaada mbali mbali.

“Kama Benki tuna vipaumbele katika misaada yetu hasa kwenye sekta muhimu za Afya, na Elimu lakini pia kutoa afueni kwa wanaokumbwa na majanga kama mafuriko, na moto lakini pia tuna kapeni ya utunzaji wa mazingira kupitia upandaji wa miti” amesema Bishubo.

Nae Meneja wa Benki ya NMB Kanda ya Kaskazini, Baraka Ladislaus amesema kuwa katika kuendelea kuwahudumia wananchi, Taasisi hiyo imeendelea kuwa wabunifu wa bidhaa zenye kutatua changamoto za kifedha kwa jamii ikiwemo mikopo ta riba nafuu.

Akipokea msaada huo, Mkuu wa Wilaya ya Monduli, Festo Kiswaga amewashukuru NMB kwa msaada huo na kuwataka uongozi wa Hospitali kuzitunza ili ziweze kudumu na kufanya kazi iliyokusudiwa.

Mbali na hilo aliwataka wahudumu wa Hospitali hiyo kuhakikisha vitanda na mashuka yanakuwa masafi mda wote bila kubadilisha rangi yake halisi ili iweze kuvutia wananchi wanaofika kufuata huduma kujisikia vizuri wanapolalia.

“Tunataka wagonjwa wanaokuja kufata huduma hapa watamani kuumwa ili walale tu, lakini haya mashuka yakibadilika rangi yake halisi kutoka meupe na kuwa ya kahawia kiukweli haipendezi hata kidogo, naomba muwe wasafi dhidi ya mashuka haya” amesema KIswaga.

Mganga Mkuu wa Wilaya ya Monduli, George Kasibante amesema kuwa hospitali hiyo ya miaka 1970 imefanikiwa kupatiwa zaidi ya shilingi milioni 500 hivi karibuni ya kufanya ukarabati na kujenga majengo matano ya kufulia, maabara, upasuaji na linalohudumia wagonjwa wa nje na la ofisi ya madaktari bingwa.

“Hali hiyo imeongeza wigo wa huduma kwa wagonjwa ikiwemo wa nje na wa kulazwa, sambamba na kuletwa kwa madaktari bingwa wa wamama, macho na meno imeondoa usumbufu wa wagonjwa kupatiwa rufaa za mara kwa mara kwenda Mount Meru jijini Arusha”

"MAIPAC Yawaongoza Wanawake katika Kuimarisha Uwezo wa Kutetea Haki Zao"

 MAIPAC kuzindua mradi wa kuelimisha ukeketaji kwa watoto wa kike katika jamii ya kifugaji ya kimasai ikiwa ni pamoja na kuwajengea wanawake uwezo wa kutetea haki zao.

Hayo yameelezwa na Mkurugenzi wa Shirika la wanahabari la kusaidia jamii za pembezoni (MAIPAC) Musa Juma katika ziara iliyofanywa na Asasi za kirai katika wiki ya Asasi hizo iliyofanyika maeneo mbalimbali mkoani Arusha.

"MAIPAC imebaini kuwa watoto wa miaka miwili hukeketwa katika Jamii ya Kimasai hivyo tunampango wa kuzindua mradi wa kuelemisha kuhusu masuala mazima ya ukeketaji na ukatili kwa watoto wa kike , lakini pia kuwajengea Uwezo wa kujiamini wanawake wa kimasai na kuweza kutetea haki zao za msingi hasa katika kukemea Ukatili" amesema.

Katika Ziara iliyofanywa na Asasi za kiraia (CSO) wadau wa asasi hizo wamepata wasaa wakutembelea maeneo mbalimbali kwa ajili ya kujifunza kwa vitendo shughuli za maendeleo zinazofanywa na jamii kwa ujumla huku maeneo yaliyotembelewa na wadau hao ikiwa ni pamoja na Maendeleo ya Jamii Tengeru, Wilaya ya Longido,Kiwanda cha Uzalishaji wa Protini kwa ajili ya Mifugo.

Hata hivyo wiki ya CSO hufanyika mara moja kila mwaka ambapo zaidi ya Wadau 600 wameweza kushiriki na kushirikishana Masuala mbalimbali ya kijamii kwa njia ya midahalo na Majadiliano ya kina yanayolenga Mchango wa ASAS hizo kwa maendeleo ya Taifa.