Imebainika kuwa upo umuhimu wa kutambua usalama wa mtandaoni ili kujilinda dhidi ya udhalilishaji au upotevu wa taarifa ambazo ni siri.
Hayo yamebainishwa na Mkurugenzi wa Taasisi Zaina foundation Zaituni Njovu wakati akitoa mafunzo ya siku mbili kwa wanawake waandishi wa habari na pamoja na wanawake kutoka taasisi mbalimbali za kiraia ya namna ya kuzuia matatizo ya mtandao
Alisema njia moja wapo ya usalama mitandaoni ni kuepuka kuweka wazi kila taarifa ambayo ni muhimu ikiwemo umri hali ya afya na mambo ya kifamilia.
“Ni vyema kutumia mitandao kwa kufuata kanuni na tahadhari ili kuwa salama na kuepukana na (cyber-crime) uhalifu wa mtandaoni” alisema Zaituni.
Amesema elimu hiyo ni muhimu kwa jamii ili kuongeza ujuzi na maarifa kwa watumiai na kubaini viashiria vya uhalifu mapema.
Kwa upande wao washiriki wa mafunzo hayo wameahidi kuyafanyia kazi na kuwa mabalozi kwa wengine lengo ni kuhakikisha jamii ipo salama katika matumizi ya mitandao ambayo kutokana na dunia ilivyo hayaepukiki.
0 Comments
unashauriwa kutoa maoni muda na wakati wowote na kama unahabari yeyote unaruhusiwa kututumia