RC ARUSHA AWATANGAZIA MACHINGA, BODABODA, MAMALISHE, WAJASIRIAMALI NA WASAFIRISHAJI FURSA ZA BUNGE LA IPU*

 

. *_Awataka wachangamkie fursa za biashara_* 

. *_Awahimiza kuzingatia usafi, usalama na ukarimu katika utoaji wa huduma_* 

Mkuu wa Mkoa wa Arusha Mhe. CPA Amos Gabriel Makalla leo Jumanne Septemba 22, 2026 amekutana na Makundi ya Machinga, Bodaboda, Mama na Babalishe, Wajasiriamali na Madereva wa Bajaji na  kuwataka kuchangamkia fursa za Ujio wa Mkutano  wa Bunge la 153 la dunia (IPU), unaotarajiwa kufanyika kwenye Kituo cha Kimataifa cha Mikutano Arusha (AICC) kuanzia Oktoba 05, 2026.

Katika maelezo yake, kwenye Ukumbi wa Mkuu wa Mkoa, Mhe. Makalla ameitaja Tanzania kama Nchi ya amani, Arusha kama Mkoa wa Utalii na wenye watu wakarimu na kuyataka Makundi hayo kuwa mabalozi wa vitu hivyo katika kipindi chote cha Bunge la IPU, wakati wa Jukwaa la Kimataifa la Uwekezaji na Biashara la Horticulture (HortiLogistica Africa 2026) pamoja na kwenye michuano ya soka kwa Timu za Taifa za Afrika, AFCON 2027.

Katika hatua nyingine Mhe. Makalla amewaagiza kuzingatia usafi katika utoaji wa  huduma na biashara zao, ukarimu na kudumisha usalama katika maeneo yao sambamba na kujielimisha kwa kujua aina ya wageni watakaokuwa wanawahudumia, akiagiza pia

Jeshi la Polisi na Mamlaka nyingine za serikali kushirikiana na makundi hayo katika kuimarisha ulinzi na usalama wakati na baada ya kukamilika kwa Bunge la dunia.

About Woinde Shizza

This is a short description in the author block about the author. You edit it by entering text in the "Biographical Info" field in the user admin panel.