SHIRIKA LA BIMA LA NIC LAKABIDHI AMCOS HUNDI YA MILIONI 257 KWA AJILI YA FIDIA YA HASARA.

Rose Kitosio,Arusha.

Wakulima wa   chama cha nafaka  Amcos mkoa wa kilimanjaro  wamekabdhiwa hundi yenye thamani ya   shilingi milioni 257 kwa ajili ya  fidia ya hasara waliyoipata kwenye kilimo cha ngano kwa msimu wa mwaka 2021 /2022.

Akikabidhi hundi hiyo Mkurugenzi   mtendaji wa  shirika la bima la NIC Insuarance Dr   Elirehema  Doriye amesema  fedha  hizo ni fidia   kwa wakulima hao mara baada ya   kupata hasara kwenye kilimo cha ngano.

Alisema kuwa wakulima hao kwa msimu huo walilima kilimo cha ngano na kufanya uwekezaji wa milioni mia tano  na kutokana na ukame walipata hasara ya milioni 257 na kwamba kutokana na hali hiyo shirika la NIC limewapa fidia hiyo ili waweze kufanya maandalizi ya  msimu ujao wa  kilimo. 

"Kiwango tulichowapa  wakulima hawa kitafidia  hasara waliyopata katika kilimo chao na pia itawasaidia kufanya maandalizi ya msimu wa kilimo ujao kwa kuwa walishakatia mazao  yao bima" aliongeza dr Doriye.

Aidha aliongeza kuwa wakulima ambao wanakatia bima  kilimo wanawapata fidia ambazo zitawawezesha kuondoa hasara ambazo wamezipata.

Akizungumza  mara baada ya kukabidhiwa hundi ya fedha hizo mtendaji katika chama cha  nafaka cha Amcos  Petro  Jacob ameishukuru serikali kwa utararitibu huo wa kutoa fidia  huku akiahidi kuwa wataendelea kushirikiana na NIC katika shughuli zao za kilimo..

Meneja wa Bodi ya nafaka na mazao mchanganyiko kanda ya kaskazini  bw Peter Mobe  aliwataka wakulima wanaolima mazao wajiunge na shirika la Nic ili majanga yanapotokea waweze kufidiwa hasara wanazopata.

Naye meneja wa Nmb tawi la Siha Frenk Kilasi   amewashukuru Nic kwa kutoa fidia hiyo kwani inaenda kuwarudisha shambani wakulima ambao walipata hasara kwenye mazao yao.

Share this: