WANAWAKE MSIKATE TAMAA KATIKA KAZI ZENU: MKURUGENZI PEDI ZA HQ SELINA

 mkurugenzi  wa kampuni inayotengeneza taulo za kike zijulikanazo Kwa jina la  HQ ,Selina Letara akiongea na waandishi wa habari katika usiku wa tuzo za wanawake wajasiriamali Arusha

Na Woinde Shizza ARUSHA

Wanawake wametakiwa  kutokukata tamaa katika kazi zao pamoja na kufanya kazi kwa nguvu na bidii huku wakimtegemea Mungu ili waweze kuondokana na umaskini.

Hayo yameelezwa na mkurugenzi  wa kampuni inayotengeneza taulo za kike zijulikanazo Kwa jina la  HQ ,Selina Letara alipokuwa akiongea na waandishi wa habari  mara baada ya kupokea tuzo  za wanawake wajasiriamali Tanzanite ambapo alishinda nafasi ya best brand of the year  ilioandaliwa na kampuni ya phide intatament ambapo alisema kuwa niwakati sasa wa wanawake kuamka na kuanza kuchapa kazi.

Aliwataka wanawake kutokata tamaa katika kazi zao na wamtegemee Mungu  zaidi huku wakichapa kazi Kwa bidii zaidi na sio kwenda kukesha makanisani na kusema wanapokea miujiza kwani hakuna miujiza unaokuja bila ya kujituma na kufanya kazi.

"Kufanya kazi kwa moyo na kupenda kazi unayoifanya ukishapenda kazi unayoifanya utafanyakazi Kwa moyo  na kupenda kazi unayoifanya  ,Mimi sikuanza na kazi ya pedi Moja Kwa moja bali nilianza Kwa kutembeza mitumba mlango kwa mlango baadae nikaja kufanya kazi ya kushona mimi ni mwanamitindo  na baada ya hapo ndio nikaja  nikafungua kampuni ya pedi haya mafanikio yote yametokana na Mimi kupenda kazi yangu "alisema Selina

Aidha alisema kuwa  watanzania wengi wamekuwa na tatizo la kutokujali mda kitu ambacho kimewafanya waendelee kubaki katika  umaskini hivyo aliwataka wabadilike Ili waweze kutoka kwenye umaskini.

"Waafrika wengi atujali mda ,muda ni fedha  ukijali mda lazima ufanikiwe  ,ukijali muda lazima ufanikiwe lakini pia unatakiwa ujali wateja ili ufanikiwa ata wakikuuloza maswali ya kijinga wavumilie wajibu vizuri ili wakuuingishe na waweze kurudi tena ,mimi ndio nilichofanya adi kufikia apa"alisema 

Aidha aliwataka wateja wao wa bidhaa za HQ kukaa mkao wa kula kwani  wanaendelea kuwaletea  bidhaa mpya na bora kwa ajili yao.

Share this: