TBL YAKABITHI TIMU YA VETERANI JEZI

KAMPUNI ya bia Tanzania(TBL)imekabidhi msaada wa jezi kwa timu ya
soka ya Moshi veterani ikiwa ni sehemu ya zawadi zilizotolewa kwa
washindi katika mchezo wa kirafiki kwa wapenzi wa timu za Simba na
Yanga.

Akikabidhi zawadi hiyo kwa washindi wakati wa bonanza la Grand Malt
,Afisa mauzo mkoa wa Kilimanjaro , Edmund Rutaraka alisema msaada huo
wa jozi mbili za jezi umetolewa na TBL kwa maveterani hao kutokana
na mchango wao katika kuinua hali ya michezo katika mkoa wa
Kilimanjaro.

“Timu za maveterani ni timu ambazo zinamchango mkubwa sana katika
kukuza michezo nchini ….na hawa wenzetu wa Moshi vetrani walikuwa na
mchezo wa kirafiki wa mashabiki wa Simba na Yanga,nasi kama kampuni
nayosaidia michezo tukaona ni vema tukatoa zawadi kwa washindi”alisema
Rutalaka.

Alisema kampuni hiyo itaendelea kusaidia maendeleo ya soka ikiwa ni
pamoja na kuwapa ari wachezaji ili waweze kushiriki mashindano
mbalimbali kwa kiwango cha juu.

Wakizungumza kwa niaba ya timu ya Moshi veterani,katibu mwenezi,Paul
na nahodha wa timu hiyo Issa Lugaza waliipongeza TBL kwa jitihada zao
za kusaidia katika nyanja ya michezo jambo ambalo linatoa hamasa kwa
watu kujitokeza kushiriki michezo mbalimbali.

“Msaada huu umekuja wakati muafaka ukizingatia hivi karibuni
tumealikwa katika bonanza la pasaka kule Mombasa ….nitoe mwito kwa
makampuni mbalimbali, mashirika na watu binafsi kujitokeza kuisaidia
timu zetu licha ya kwamba tunacheza mpira umri ukiwa umesogea lakini
pia mara kadhaa tunaiwakilisha nchi katika bonanza kama hili la
Pasaka”alisema Lugaza.

Katika mchezohuo uliopigwa katika uwanja wa kumbukumbu ya mfalme
George maarufu kama Meimoria,timu ya mashabiki wa Simba ilichomoza na
ushindi wa bao 2 kwa moja huku mabao ya washindi yakipachikwa na
mchezaji Joseph Mng'ong'o na Madesho Moye huku lile la kufutia machozi
kwa upande wa mashabki wa Yanga likifungwa na Issa Lugaza.




Issa.= Afisa mauzo mkoa wa Kilimanjaro , Edmund Rutaraka akimkabidhi
nahodha wa timu soka ya Moshi Veterani Jezi kwa mashabiki wa timu ya
Yanga,Issa Rugaza.

Paul= Meneja mauzo mikoa ya Kilimanjaro na Tanga, Edmund Rutaraka
akimkabidhi katibu mwenezi wa timu soka ya Moshi Veterani Jezi kwa
mashabiki wa timu ya Simba,Paul.

Share this: