WAFNYA ZIARA YA KUTEMBELEA HOSPITALI YA MKOA

JUMUIYA ya umoja wanawake wa Chama Cha Mapinduzi(UWT) mkoani Arusha juzi walifanya ziara ya kuwatembelea wagonjwa mbalimbali katika hopsitali ya mko ya Mt,Meru ambapo katika ziara hiyo waligawa vitu mbalimbali ikiwa ni njia mojawapo ya kuadhimisha miaka 36 ya Chama Cha Mapinduzi(CCM).

Katika ziara hiyo umoja huo pia ulipata fursa ya kutembelea wodi ya wazazi katika hospitali hiyo ambapo walipita kuwafariji sanjari na kuwakabidhi mahitaji mbalimbali kama sabuni,khanga na mafuta ya kujipaka kwa ajili ya watoto wliozaliwa.

Akizungumza mara baada ya kukabidhi bidhaa hizo mwenyekiti wa UWT mkoa wa Arusha,Flora Zelothe alisema kuwa lengo la ziara hiyo ni kuadhimisha miaka 36 ya chama chao ambao wameona njia sahihi ya kuadhimisha ni kuwatembelea wagonjwa hao.

Alisema kuwa waliona njia pekee ya kuadhimisha shrehe hizo ni pamoja na kuwatembelea wakinamama waliojifungua katika hospitali hiyo kwa kuwa kuzaaa si kazi rahisi.

“Tumeona njia sahihi ya kuadhimisha sherehe hizi ni kuwatembelea wakinamama waliojifungua amoja na wagonjwa hapa hospitalini kwa kuwa kuzaa si kazi rahisi kama mnavyodhani”alisema Zelothe

Hatahivyo,alisisitzia kuwa umoja wao umetoa khanga zenye picha ya marehemu Bibi Titi Mohamed kwa wakinamama waliojifungua kama ishara ya kuuenzi mchango wake  kwa kuwathamini wakinamama enzi za uhai wake.

Alisema kuwa nembo ya umoja wao na picha ya mama na mtoto hivyo kwa kutoa khanga hizo wameonyesha mchango wao katika kuthamini kundi la akinamama na watoto ndani ya jamii bila kujali itikadi za vyama vyao.

Naye,mjumbe wa halmashauri kuu ya CCM wilaya ya Arusha,Violet Mfuko aliwapongeza wahudumu mbalimbali ndani ya hospitali hiyo ya mkoa huku akiwataka wafanye kazi zao kwa uhadilifu kuwajali wagonjwa wote bila ubaguzi.

Mfuko,kwa kujiamini akitoa shukrani kwa uongozi wa hospitali hiyo aliwaambia wahudumu hao kuwa wakumbuke kazi ya uuguzi ni ya kujitolea huku akiwapongeza kwa kuonyesha moyo wa ukarimu kwa wagonjwa hao.

Akitoa shukrani kwa niaba ya wagonjwa waliokaidhiwa bidhaa hizo ndani ya wodi ya wazazi,Hawa Kidio aliupongeza umoja huo pamoja na chama cha CCM huku akisema wameonyesha mfano wa kujitolea bila ubaguzi ambao unapaswa kuigwa na vyama vingine.

Share this: