MECKI YAMLILIA MWENZAO KILIMANJARO


Chama cha Waandishi wa Habari mkoani kilimanjaro (MECKI) kimesema kimempoteza  wanataaluma muhimu aliyekuwa akitegemewa  mno na jamii katika kuitumikia kwa weledi,bidii na ujasiri mkubwa aliokuwa nao katika maisha yake.
Pia chama hicho kimepokea kwa huzuni na masikitiko makubwa kifo  cha  marehemu Anord Swai ambaye pamoja na kufanya kazI za kitaaluma pia alikuwa mwanachama wa ccm na Mwenyekiti wa uvccm wilaya ya Hai mkoani hapa.
Mwenyekiti wa media club of kilimanjaro (mecki) Bahati Mustapha ameiibia uhuru leo nje ya kanisa la kikutheri la usharika wa Masama  mkoani bapa.
Bahati alisema licha ya kwamba marehem alikuwa kiongozi wa kisiasa pia alimudu kutenganisha ukereketwa wa  chama chake na kufuata  maadili ya kitaaluma katika kutimiza majukumu yake ya kihabari katika jamii.
Alisema mecki imempoteza mwandishi aliyekuwa na ufahamu ,maarifa na upeo mkubwa katika kazi za kihabari kwa dhamira na azma ya kuitumikia jamiI nyakati zote za maisha na uhai wake.
Aidha alimtaja kama ni mwanataaluma aliyeweza kuukosoa upande wowotewa kisiasa au serikali kwa kuitumia kalamu yake  akiongozwa na hoja huk mara zote akikataa kuuegemea upande wowote kwa ushabiki wa kisiasa.
"Tumepokea kwa huzuni na masikitiko makubwa taarifa za kifo cha Swai,muda mfupi kabla umauiti kumkuta aliweka picha katika ukurasa wake uso kitabu ya ushiriki wake akiwa katika sherehe za kuzaliwa ccm huko Rombo"Alisema.
Akimzungumzia marehemu Anord,katibu wa mecki mkoani kilimanjaro Nakajumo James alisema maisha ya Anord katika tasnia ya habari yameacha alama pana katika dhati na juhudi ya kuitumikia jamii.
Nakajumo alisema waandishi wa habari wanapaswa kuyaiga maisha yake kwasababu kila wakati katika kazi ya habari aliweka mbele kwanza maslahi ya jamii , utaifa na uzalendo kuliko siasa na unazi wake.
"Klabu yetu imepata pengo  kwa kuondokewa na mwenzetu tuliyefanyanaye kazi kwa ushirikiano na upendo,ametuacha wakati bado jamii,wazazi wake na timu yetu ikimhitaji"Alisema Nakajumo.
Awali mawili wa marehemu Anord ukiwasili nyumbani kwao katika kijiji cha mweera kata ya Masama,waandishi wa habari waliushusha na kuuingiza nyumbani kwao baadae kutoa kuelekea katika ushirika wa kanisa la kikutheri masama kwa ajili  ya ibada ya mazishi

About Woinde Shizza

Mwandishi , Mjasiriamali na Mbunifu wa Mavazi. Email : woindeshizza@gmail.com , Instagram: woindeshizzablog.