PAROKO AWATAKA MADEREVA KUTII SHERIA



Na mwandishi wetu,kilimanjaro
Kanisa  katoliki Parokia ya Roho mtakatifu kibosho mango limewataka madereva wanaoendesha vyombo  vya usafri kutambua kuwa wanabeba binadamu na maisha yao hivyo wanatakiwa kuwa  waangalifu na makini ili kuepuka ajali.
Pia kanisa hilo limehimiza na kuwaasa wanadamu kufanya ibada ili kujiandaa na maisha baada ya kufa kwasababu uzima wa mikeke hautapatikana bila kumtumikia mungu
Paroko wa Parokia ya Mango Emma null Tumaini wa kanisa hilo alitoa maneno hayo ya kiroho leo katika kijiji cha kitandu kata ya Okaoni huko mosji vijijijni katika adhimisho la misa ya kuiombea maiti ya marehemu Edwin Msele aliyefariki kwa ajali ya gari huko mwika wilayani Rombo mwanzoni mwa no ni mwa wiki hii.
Alisema kila dhamana katika jamii inahitaji kutèkelezwa na binadamu kwa uwajibikaji,ufanisi na umakini mkubwa pamoja na aliyekabidhiwa dhamana husika akatae kufanya rushwa,manyanyaso maonevu na kukandamiza haki .
Aidha aliwataka vijana kuvitumia vipaji na karama walizobarikiwa na mungu kwa minajili ya kujitafutia maisha bora duniani na kujiandaa kwa uhai mwingine baada ya kifo.
" suala lolote linalowezekana sasa lifanyike mapema kwa bidii kwasababu wakati ni huu na unapompita binadamu hauna  marejeo,binadamu wafanye kazi za kumpendekeza mungu kwani kazi batili haijazi thawabu za mja"Alisema Paroko huyo.
Alisema vijana ikiwa watajituma na kutoka jasho halali wataepukana na maisha duni kwani wakiamua kumtegemea mungu na kuacha uvuvi na kuzubaa wataishi kwa furaha na upendo.
Aliwaeleza waumini wa dini mbalimbali walioshiriki mazishi hayo kwamba binadamu anayeishi na kufikisha miaka zaidi ya hamsini na wengine wakipoteza maisha chini ya miaka hiyo hawana walichompa mungu au kumkasirisha.
"Mnaohitaji  kuuona ufalme wa mbinguni jibidiisheni kumtumikia mungu kwa kutenda mema,kuwathamini jirani na yatima, kutoa sadaka kwa kile alichokupa mungu kwasababu mungu hukimbiwi bali hukimbiliwa"Alieleza paroko Tumaini

About Woinde Shizza

Mwandishi , Mjasiriamali na Mbunifu wa Mavazi. Email : woindeshizza@gmail.com , Instagram: woindeshizzablog.