MKUU WA MKOA WA ARUSHA AHAIDI KULINDA AMANI YA MKOA

 mbunge wa viti maalum kupitia tiketi ya chama cha mapinduzi mery chatanda akiwa anampa mkono mkuu wa mkoa wa Arusha mstaafu Isdori Shirima katika sherehe za kumuaga mkuu huyo wa mkoa na kumkaribisha mkuu mungine wa mkoa Magesa Mulongo

 Kamati ya ulinzi na usalama ikiwa inapeleka zawadi kwa mkuu wa mkoa mstaafu

 walijitokeza wengi katika sherehe hizo za kumuaga mkuu wa mkoa na kumkaribisha Mulongo

 kulikuwa na viongozi wengi waliouthuria katika sherehe hizo hapo ni baadhi ya viongozi waliokuwepo meza kuu

 Mrs Magesa Mulongo akiwa anapokea zawadi ya kukaribishwa katika mkoa wetu

 Mkuu wa mkoa Isdori Shirima alipewa mbuzi kwa ajili ya maziwa

mkuu wa mkoa wa mstaafu aliyoko kushoto Isdori Shirima akiwa anapokea zawadi kutoka kwa mkuu wa mkoa wa aliyemuachia madaraka Magesa Mulongo katika sherehe hizo zilizofanyika katika hotel ya Kibo pallace mkoani hapa

MKUU wa mkoa wa Arusha,Magesa Mulongo  amesema kuwa    yeye kama kiongozi wa mkoa atahakikisha anakufa au kupona kwa lengo la kuhakikisha mji wa Arusha unakuwa na amani na utulivu.

Aidha mkuuu huyo amewataka viongozi mbalimbali wa dini mkoani hapa waache mara moja tabia ya kuitukana serikali iliyopo madarakani na badala yake waiombee kwa madai kuwa hakuna aliye mkamilifu duniani.

Mulongo,alitoa kauli hiyo  katika hafla ya kumuaga mkuu wa mkoa mstaafu wa Arusha,Isdori Shirima sherehe iliyofanyika katika hoteli ya Kibo Palace jijini Arusha na kuhudhuriwa na viongozi mbalimbali wa mkoani hapa.

Alisema kuwa yeye kama kiongozi mkuu wa mkoa wa Arusha atahakikisha wakazi wa Arusha wanalala na kuamka salama bila matatizo huku akisema ya kuwa amani katika mkoa wa Arusha ni muhumi katika kipindi hiki.

“Kwa hili la amani na utulivu lazima nitakufa nalo,lazima watu walale na waamke salama”alisema Mulongo

 Alisisitiza ya kuwa wadau mbalimbali katika mkoa wa Arusha wanajukumu la kuhakikisha mkoa wa Arusha unakuwa kimbilio la watu wa kada tofauti wakiwemo wastaafu .

Alisema kuwa wakazi wa Arusha kamwe hawawezi kula siasa bali wanatakiwa wale maendeleo na kuvisisitiza vyama vya siasa majina ya vyama hivyo yasiwatenganishe.

“Watu wa Arusha hawawezi kula siasa wanahitaji maendeleo nawaomba tushirikiane na tuifanye Arusha kuwa kimbilio la wanyonge kama wastaafu na Arusha ni yetu sote”alisisitiza Mulongo

Hatahivyo,alihaidi kuwapa ushirikiano mzuri wafanyabiashara,wanasiasa na makundi mbalimbali ya kijamii huku akiwataka wawe wa kwanza kusisitiza na kutangaza amani mkoani hapa.

Naye,mkuu wa mkoa mstaafu wa Arusha,Isdori Shirima aliwaomba radhi wakazi wa Arusha ambao aliwakosea katika kipindi cha uongozi wake huku akisema kuwa hata yeye amewasamehe wale wote waliomkosea.

Alitoa wito kwa viongozi mbalimbali mkoani hapa kuhakikisha wanawatumikia wananchi waliowapa dhamana huku akisisitiza kuwa endapo katika kipindi chake udhaifu ulijitokeza lakini ni tabia ya binadamu.

“Katika kipindi change huenda niliwakwaza watu lakini ni udhaifu wa mwanadamu,nawaomba radhi wale wote niliowakosea lakini hata mimi nimewasamehe kwani kinyongo huongoza nyongo”alisema Shirima

Katika hafla hiyo halmashauri ya wilaya ya Karatu ambayo inaongozwa na upinzani ilivuta hisia za watu pale mwenyekiti wake,Lazaro Maasaye alipoamua kumkabidhi zawadi ya ndama Shirima kutokana na mchango wake,huku ikimwagia sifa kiongozi huyo kwa kudai kuwa pamoja na halmashauri yao kuongozwa na upinzani lakini kiongozi huyo hakujali itikadi za kisiasa.

Share this: