TAHLISO YAMPONGEZA RAIS DKT JOHN MAGUFULI KWA KUPIGANIA NA KUZILINDA RASILIMALI ZA NCHI

SIMU: 0682 968 010 / 0765 172 202 BARUA PEPE: Officialtahliso@gmail.com stansper10@yahoo.com

ANWANI MWENYEKITI, TAHLISO. P.O.BOX 2920, DAR ES SALAAM-TANZANIA

JUMUIYA YA TAASISI ZA VYUO VYA ELIMU YA JUU TANZANIA (TAHLISO)

OFISI YA MWENYEKITI TAHLISO

09 / 09,3017

 TAARIFA KWA UMMA

PONGEZI ZA DHATI KWA MHE.RAIS DR.JOHN POMBE JOSEPH MAGUFULI

Jumuiya ya Wanafunzia wa Vyuo Vikuu Tanzania (TAHLISO), kwa heshima na taadhima Tunampongeza Mhe. Rais wa Jamhuri ya Muungano wa Tanzania DR.JOHN POMBE JOSEPH MAGUFULI  kwa juhudi kubwa anazoendelea kuzionyesha kwa kupigania na kuzilinda rasilimali za nchi yetu kwa maslahi ya Taifa letu.

Ndugu Watanzania Tangu  serikali hii ya awamu ya tano chini ya Mhe. Rais John P.Magufuli  iingie madarakani sasa inakaribia kutimiza miaka miwili (2) katika uongozi wake,hakika mambo yaliyofanywa ni makubwa ambayo sisi sote kwa pamoja tumeyashuhudia kwa mfano: Vita dhidi ya Dawa za kulevya, kuondoa watumishi hewa serikalini pamoja na wenye vyeti feki, Vita dhidi ya ufisadi na uhujumu uchumi, kufufua shirika letu la Ndege(ATC) kwa kununua ndege mbazo sasa tunajivunia kuwa ni mali ya watanzania,Ujenzi wa Reli ya kisasa, Ujenzi wa Mabweni ya wanafunzi katika Chuo kikuu cha Dar es salaam(UDSM),utoaji wa ajira zaidi ya 50,000 kwa vijana wahitimu,Kuimarisha utumishi wenye nidhamu na uwajibikaji serikalini,Kuinua kwa kasi uchumi wa nchi yetu kimataifa,Kuboresha sekta ya afya pamoja na kupunguza bei za madawa ya binadamu nchini na mengine mengi yaliyoleta maendeleo ya nchi yetu

Pamoja na hayo yote Mhe. Rais John P. Magufuli ameonyesha ujasiri mkubwa kwa kuzuia Mchanga wa madini ya dhahabu (Makinikia) na kuunda tume ili ichunguze namna Tanzania tulivyokua tunapoteza mapato, Tume ilionyesha jinsi tunavyoibiwa mapato ya Taifa kwa kipindi kirefu.

Hakuishia hapo Juzi tarehe 07/09/2017  Mhe. Rais John P. Magufuli amekabidhiwa ripoti ya uchunguzi dhidi ya Madini ya Almas na Tanzanite iliyochunguzwa na kamati mbili zilizoundwa na Mhe. Spika Jobu Ndugai ripoti ambayo imeonyesha jinsi watanzania tulivyoibiwa kwa kipindi kirefu, Mhe. Rais hakusita kuwachukulia hatua wale wote waliohusika katika kupelekea Taifa kupoteza mapato.

Ukamataji wa madini ya Almas kwenye uwanja wa Ndege yaliyokua yameripotiwa kuwa na thamani ya 31.4bn tofauti na uhalisia wake ambapo kitaalamu Almas ile ina thamani ya 64bn hii ni hatua kubwa sana ya kiukombozi wa nchi yetu ambayo iligeuka kuwa shamba la bibi kila mtu anajifanyia anavyotaka wazungu wanatuibia wanapeleka mali zetu kwao huku wakituachia mashimo makubwa bila kunufaika na rasilimali zetu.

Kwa hili tunakila sababu ya kumpongeza Mhe. Rais kwa kuwa ameonyesha Uzalendo wa hali ya juu bila kumuonea mtu haya, Bila kujali cheo cha mtu ameonyesha namna anavyokerwa na vitendo viovu dhidi ya rasilimali za Taifa na pia kaonyesha uchungu mkubwa wa kuzijali Rasilimali za Taifa letu kwa vitendo huku akituonyesha mfano unaopaswa kuigwa na kila Mtanzania katika vita hii kubwa ya kuzilinda Rasilimali zetu ambapo ni jukumu letu sisi sote kwa pamoja kuzilinda bila haya yoyote ile kila mmoja kwa nafasi yake mahali alipo awe mlinzi wa Rasilimali za Taifa letu.

Ndugu Watanzania Taifa letu limefikia hapa tulipofikia kwa sababu ya baadhi ya Ndugu zetu waliopewa dhamana na serikali katika nyadhifa mbalimbali kukosa maadili ya uongozi aidha kwa makusudi ama kwa bahati mbaya(uzembe) wameligharimu Taifa letu na kulisababishia Taifa kupoteza fedha nyingi ambazo zingeweza kuisaidia serikali yetu kutuboreshea maisha yetu,upatikanaji wa Maji, ujenzi wa barabara, Utoaji elimu bure hadi Chuo Kikuu,huduma za afya nk.

TAHLISO Tunawaomba ndugu zetu waliopewa dhamana na serikali  hii ya awamu ya tano ya Jamhuri ya Muungano wa Tanzania inayoongozwa na  Mhe. John Pombe Joseph Magufuli kwa nyadhifa mbalimbali wafanye kazi kwa bidii na kuzingatia maadili na miiko ya Kazi zao huku wakitanguliza Uzalendo wa nchi yetu kwa maslahi ya Taifa letu bila kuangalia maslahi yao binafsi huku wakitambua kuwa wamesomeshwa na kodi za wanachi wa Tanzania ili kuwatumikia Watanzania kwa moyo safi na weredi mkubwa.

Ndugu zangu Watanzania hasa vijana wenzangu tusikate tamaa wala kukatishwa tamaa na mtu kwa haya yaliyofanyika huko nyuma tujipe moyo na tuendelee kutiana moyo na kumuunga mkono Mhe.Rais wetu aliyejitolea kwa moyo wa dhati kuturudishia Tanzania Mpya tunayoitamani ambayo kwa sasa tumeishaanza kuiona Tanzania mpya tunayoitamani, pamoja na hayo tusiache kumuombea kwa Mungu  ili amlinde na kumpa afya njema katika kipindi hiki cha uongozi wake.

NIMALIZIE KWA KUSEMA MHE.RAIS JOHN POMBE JOSEPH MAGUFULI VIJANA WANAFUNZI WA VYUO VIKUU TUNAKUUNGA MKONO  NA TUKO NYUMA YAKO  ENDELEA KUPIGANIA RASILIMALI ZA NCHI YETU AMBAZO NI URITHI TOKA KWA BABU ZETU NASI TUJE KUZIKUTA NA KUWAACHIA WATOTO WETU NAO WAFURAHIE  RASILIMALI TULIZOPEWA NA MUNGU.

STANSLAUS P. KADUGALIZE

MWENYEKITI TAHLISO 2016/2017

Share this: