BAADA YA KOCHA BRIAN McDERMOTT KUACHIA NGAZI READING, SASA KOCHA WA KUVAA VIATU VYAKE KUTAFUTWA HARAKA.

Kibarua cha kocha wa Reading, Brian McDermott kimeota majani, katika mazingira yanayoonesha kwamba amelazimishwa kujiuzulu.
McDermott (51) ndiye aliyewaongoza Reading kupanda daraja msimu uliopita, akachaguliwa kuwa kocha bora wa mwezi hivi karibuni, lakini tangu hapo timu yake imepoteza mechi nne mfululizo.
“Mmiliki Owner Anton Zingarevich anamshukuru Brian kwa kazi yake. Utafutaji wa kocha mpya unaanza mara moja, na matarajio ni kujaza nafasi hiyo haraka iwezekanavyo.
“Brian aliiwezesha klabu kupanda Ligi Kuu mwaka jana, ikiwa ni mara ya pili tu katika historia ya klabu…hata hivyo, kutokana na hali ilivyo, mmiliki
Zingarevich ameona ulazima wa kufanya mabadiliko,” taarifa ya klabu inasema.
McDermott alijiunga Reading 2000 akifanya kazi chini ya Alan Pardew ambaye sasa ni kocha wa Newcastle United.
Mwaka 2009 baada Reading kumfukuza kazi kocha wao, Brendan Rodgers (sasa bosi wa Liverpool wanaofanya vizuri), McDermott alipewa ukocha wa muda kabla ya kuwa kocha kamili.
Reading wanashika nafasi ya 19 kati ya 20 zinazoshiriki Ligi Kuu, wakiwa na pointi 23 sawa na Queen Park Rangers (QPR) wanaoshika mkia na wamebakisha mechi tisa kumaliza ligi.
                                  *************************************



 UNITED WAMTEGA CR7...
Manchester United wanatarajia kuongeza shinikizo ili kumpata tena mchezaji wao wa zamani, Cristiano Ronaldo kutoka Real Madrid. Inasemekana kilifanyika kikao kizito mwishoni mwa wiki kati ya maofisa wa Man U na Nike, kampuni inayomdhamini Ronaldo kwa viatu na mambo mengine.
Nike hawapendezwi kuona Ronaldo akitangaza bidhaa za kampuni shindani kama Adidas na nyinginezo klabuni Real Madrid, hivyo wanataka kuona akijiunga na klabu kubwa inayovaa nembo zao. Fitna inayogharimu pauni milioni 75 inaelezwa ilitengenezwa ili kumng’oa mpachika mabao huyo mahiri wa Bernabeu, lakini hakuna uhakika...

Share this: