JESHI LA POLISI MKOANI HAPA LAFANIKIWA KUKAMATA MADAWA YA KULEVYA VIROBA51

Mahmoud Ahmad Arusha

Jeshi la polisi mkoani Arusha limafanikwa kukamata madawa ya kulevya aina ya mirungi viroba 51 vyenye uzito wa kilo 352 kwenye matukio mawili tofauti jijini hapa.

Akizungumza na vyombo mbali mbali vya habari kamanda wa polisi mkoani ha Liberatus Sabas alisema kuwa tukio la kwanaza limetokea kwenye kata ya Kaloleni majira ya saa 2 Asubuhi kwa vijana wa jeshi hilo kufanikiwa kulikamata gari lenye usajili no T224 BAQ mali ya George Munge likiwa na viroba 22.

Sabas alisema kuwa baada ya kupata taarifa kutoka kwa raia wema ndipo vijana wake wa doria ya pikipiki walipolifuatilia na kufanikiwa kulikamata gari hilo na ndipo dereva wa gari hilo alipoona anafatiliwa alilitelekeza na kukimbia kusikojulikana.

Katika tukio la pili polisi walifanikiwa kukamata viroba 31 vya madawa hayo ya kulevya aina ya mirungi huko eneo la Enaboishu na kufanikiwa kumakamata mtuhuniwa wa madawa hayo aliyefahamika kwa jina laBenjamini Babu.

Jeshi hilo linaendelea na mahojiano na mtumiwa huyo na atafikishwa kwenye mikono ya sheria baada ya mahojiano hayo huku kamanda wa jeshi hilo mkoani hapa akitoa wito kwa wafanyabiashara wa madawa hayo kutafuta biashara mbadala ya hiyo.

Sabas alisema kuwa operesheni ya kuyasaka madawa ya kulevya kwenye mkoa huo ni endelevu na wala si nguvu ya soda kama wanavyodhani huku akiwapa pongezi wananchi kwa ushirikiano wanaoutoa kwa jeshi hilo mkoani hapa na hapa nchini kwa ujumla.

Wakati huo huo gari lenye namba za usajili T808 ALV limemgonga mwanafunzi na kukimbia kusikojulikana na likiwa na mwanafunzi huyo  ndani hali iliowaacha hoi wakazi walioshuhudia tukio hilo kwenye makutano ya barabra ya co.Midleton na stand kuu jijini hapa majira ya saa 6.15 kujua hatma ya mwanafunzi huyo.

Tukio hilo lililotokea kwenye mataa yaliopo kwenye stand kuu jijini hapa limetoa tahadhari kwa waenda kwa miguu watumie mataa hayo pindi yanapowaruhusu kuvuka vivuko hivyo huku wananchi wakitoa lawama kwa madereva mkoani hapa kutoheshimu taa hizo hali inayoleta matukio kama hayo.

Share this: