POLISI WA MOGADISHU WAKAMATA WAFUASI WA AL-SHABAAB

• Watu 13 wanaoshukiwa kuwa wanachama wa al-Shabaab walikamatwa siku ya Jumatatu (tarehe 4 Machi) katika nyumba waliyokuwa wamejificha kwenye wilaya ya Yaqshid mjini Mogadishu. [Abdi Said/Sabahi]
  
• 
  Polisi wakionesha silaha na vifaa vilivyokamatwa kutoka kwenye nyumba ya maficho ya al-Shabaab mjini Mogadishu siku ya Jumatatu (tarehe 4 Machi). [Abdi Said/Sabahi]
   Vikosi vya usalama vya Somalia vimewakamata watu 13 wanaoshukiwa kuwa wanachama wa al-Shabaab katika operesheni ya usalama kwenye wilaya ya Yaqshid mjini Mogadishu siku ya Jumatatu (tarehe 4 Machi).
  Washukiwa hao walikamatwa wakati wa safishasafisha ya usalama kwenye wilaya hiyo iliyowapelekea maafisa wa usalama kwenye nyumba ya maficho katika viunga vya Towfiq, alisema kamanda wa Usalama wa Taifa wa Benadir, Kanali Khalif Ahmed Ereg. Polisi pia walikamata mikanda ya mabomu, mabomu ya kurushwa kwa mkono, ving'amuzi vya simu za mkononi, kompyuta za mkononi na vifaa vingine kwenye nyumba hiyo.
  Zaidi ya watu 100 walikamatwa kwenye operesheni hiyo ya usalama ya siku ya Jumatatu, lakini wote hawakukutwa na makosa na waliachiwa baada ya kufanyiwa mahojiano, alisema Ereg.