HAL-MASHAURI YA ARUSHA MASHAKANI KUBURUZWA MAHAKAMANI

KAMPUNI ya uwakala wa kukushanya ushuru wa magari madogo ya jijini Arusha, Kilimanjaro Millenium Printers Limited (KMPL),imetoa siku 30 kwa halmashauri ya jiji la Arusha iwe imeilipa deni la shilingi milioni 24 ,baada ya manispaa hiyo kwenda kinyume na makubalinao ya mkataba na kuisababishia hasara kubwa kampuni hiyo .

Kwa mujibu wa barua ya Kilimanjaro Millenium Printers Limited iliyoandikwa machi 15 mwaka huu, kwenda kwa mkurugenzi wa manispaa ya Arusha,yenye kumbukumbu namba KMPLDC/2012/02/15 inamtaka mkurugenzi huyo kulipa deni hilo la sh,milioni 24 ndani ya siku 30, na baada ya muda huo kupita manispaa hiyo itaburuzwa mahakamani.

Barua hiyo ilisema kuwa kampuni ya KMPL iliingia mkataba na manispaa oktoba 10 mwaka 2011, kukusanya ushuru wa magari madogo katika kituo kidogo cha daladala ikiwa ni pamoja na magari ya Tours& shuttle(magari ya kukodi yanayosafirisha wageni).

Mkurugenzi wa KMPL,Thomas Munis alisema kuwa kampuni yake nimeiandikia barua mara kadhaa halmashauri hiyo ya kuikumbusha juu ya hasara inayoipata kwa siku ambayo ni shilingi 200,000, kutokana na magari ya utalii kugoma kulipa ushuru kwa shinikizo la manispaa hiyo kwa zaidi ya miaka miwili sasa tangu oktoba mwaka 2011.

Alisema kuwa manispaa hiyo imekuwa ikikaa kimya ikipuuza madai hao bila kutoa ufafanuzi ilihali inatambua wazi kuwa kampuni hiyo imekuwa ikiingia hasara,hivyo kusudio la kampuni yake ni kuifikisha mahakamani manispaa hiyo mara baada ya muda wa notisi iliyoitoka kupita.

utashindwa kulipa deni hilo mapema kampuni yangu itawajibika kuchukua hatua kali za kisheria ikiwa pamoja na kukufungulia shauri la madai mahakamani kudai haki zetu ’’ilisema sehemu ya barua hiyo.

Munis aliongeza kuwa kampuni yake kwa sasa haipo tayari tena kuendelea kuilipa manispaa hiyo kupitia fedha zake za mfukoni kwani hatua hiyo inatishia uhai wa kampuni yake kufilisika kutokana na ukiukwaji wa mikataba inayofanywa holela katika manispaa hiyo bila kushirikisha wataalamu wake.

Wakizungumza  baadhi ya madiwani katika halmshauri hiyo wameeleza kuwa,halmashauri hiyo huenda ikafilisika kutokana na kuandamwa na kesi lukuki za madai kutoka kwa wakala wale zinazotokana na ukiukwaji wa mikataba.

Diwani mmoja kupitia CCM ,ambaye aliomba jina lake kutotajwa gezetini amedai kuwa manispaa hiyo imekuwa ikiongozwa kihuni na kuingia mikataba mibovu na wakala bila hata kamati za madiwani zilizoundwa ,kwani hali hiyo imekuwa ikitokana na baadhi ya watumishi wa manispaa hiyo kujali maslahi binafsi zaidi na kuruhusu mikataba isiyofaa.

Aliongeza kuwa manispaa hiyo imekuwa ikifikishwa mahakamani mara kwa mara na wakala wake wanaoshinda tenda za uwakala, baada ya kubainika kuwa manispaa hiyo imekiuka mkataba iliyosainiwa.

Naye Naibu mkurugenzi wa manispaa ya jiji la Arusha,Estomih Changa’h alipohojiwa alisema kuwa manispaa hiyo inampango za kuzikutanisha pande zinazovutana ikiwemo chama cha wasafirishaji utalii(Tato) ili kupata mwafaka wa suala hilo.

Akizungumzia suala la kudaiwa milioni 24 na wakala wake ,alikiri kupokea barua ya madai hayo na kusema kuwa utatuzi wa suala hilo unafanyika na hawategemei kama litafika kwenye vyombo vya sheria.

‘’unajua hawakilimanjaro wanahangaika bure ivi unadhani hizo fedha wanazodai ni za kuchukua tu kama unatoa fedha mfukoni kwako,wewe waache wakifika mwisho watachoka ‘’alisema Changáh kwa kifupi.

Share this: