WINGI WA ASKARI WACHANGIA WANANCHI KUTOJITOKEZA KUPIGA KURA

asilimia kubwa ya wanananchi wameshindwa kupiga kura kutokana na kuogopa wingi wa maaskari waliokuwa wanazunguka katika jimbo la Arumeru mashariki pamoja na wananchi wengi kutojua haki zao.

Hayo yamebainishwa na Mkaguzi wa uchaguzi Martina Kabisana wakati akiongea na waandishi wa habari mara baada ya mgombea ubunge wa chadema Joshua Nassari kutangazwa mshindi.

Alisema kuwa idadi kubwa ya wananchi wameshindwa kujitokeza kupiga kura kutokana na kuwaogopa maaskari ambao walikuwa wengi wanazunguka zunguka katika maeneo mbali mbali.

"unajua sio watu wote wapo sawa watu wengine wameshindwa kuja kupiga kura mara baada ya kuona maaskari wengi wakiwa wanazunguka huku wakiwaa na mabomu silaha hivyo wengine waliingia woga na ndomaana wakashidwa kuja kupiga kura"alisema Kabisana

Alibainisha kuwambali na woga wa askari pia watu wengi wameshindwa kuja kupiga kura kutokana na kutokuwa na elimu ya kutosha ya kupiga kura ,elimu ya uraia pamoja na kutoelewa namna ya kutumia haki ya elimu ya kupiga kura.

Pia alibainisha kuwa kuna watu wengi pia ambao walipoteza shahada zao za kupigia kura hivyo ndio sababu kubwa iliyofanya mpaka wananchi waliopiga kura kuwa wachache kuliko wale ambao wamejiandikisha katika daftari la kudumu la mpiga kura.

Aidha alibainisha kuwa zoezi lilienda vyema na wamemaliza salama ila alitoa wito kwa tume ya uchaguzi kujitaidi kuelimisha wananchi kuhusiana na haki yake ya kupiga kura na kuwahamasisha kutunza shahada zao za kupigia kura.

Jimbo hili la Arumeru mashariki lilikuwa na idadi ya wapiga kura 127455 lakini waliojitokeza kupiga kura ni wananchi 60699 tu katika jimbo hilo.

Share this: