KAULI ZA WAGOMBEAWA UCHAGUZI WA WABUNGE JIMBO LA ARUMERU MASHARIKI LASABISHA WANACHI KUVAMIA MASHAMBA YA WAWEKEZAJI

WANANACHI zaidi ya 300 wa kata za Maji ya Chai na Maroroni wamevamia shamba lenye ukubwa wa zaidi ya Hekari6000lijulikanlo kama Doll Estate lilopo katika kata ya Maji ya chai na kisha kuwavua nguo zote walinzi huku wakiharibu mali pamoja na kuiba vifaa mbalimbali vya wawekezaji hao.

Wakiongea na Waandishi wa habari mapema jana Kiongozi wa idara ya wanyama katika shamba hilo  Robson Peter alisema kuwa tukio lilitokea leo majira ya saa kumi nna moja za jioni ambapo wananchi hao walidai kuwa shamba ni lao kama walivyoambiwa  kwenye mikutano ya Kampeni na baadhi ya Wagombea .

Aliendelea kusema kuwa wananchi hao ambao walikuwa na silaha za jadi walivamia shamba hilo ambalo linahusika na ufugaji wa wanyama mbalimbali kama vile Twiga,Swala, Pundamilia  ambapo walidai kuwa hawataki kuona wawekezaji wa kizungu ndani ya shamba hilo

Walifafanua kuwa mara baada ya kuingia ndani ya shamba hilo huku tayari wakiwa wameshaaharibu na kuvunja ukuta wa zaidi ya kilomita nne walimkamata Walinzi na kisha kumvua nguo zote huku wakimpa adhabu kali ambayo ilimsababishia mlinzi huyo kutoweza kutoa taarifa

“walipoingia hapa majira hayo waliwavua nguo walinzi waliokuwa zamu na kisha kuwapa adhabu huku wengine wakiendelea na shuguli za uharibifu wa nyumba za hawa wawekeaji hali ambayo ilitufanya tushindwe kupata msaada kwa wakati huo”aliongeza Bw Robson

Katika hatua nyingine alisema kuwa mara baada ya watu hao kufanya vurugu hizo walilazimika kutoa taarifa kwa jeshi la Polisi kwa wilaya ya Meru ambapo Polisi walipofika waliwatanya wananchi hao kwa njia ya mabomu.

Awali baadhi ya wawekezaji katika shamba hilo ambao hawakupenda kutajwa majina yao hadharani walisema kuwa walichokifanya wananchi wa kata hizo hasa kijiji cha Kitefu si cha uungwana kabisa kwa kuwa mpaka sasa wanaishi kwa ushirikiano mkubwa sana

Wawekezaji hao walisema wapo kwenye shamba hilo kwa mujibu wa sheria za uwekezaji wan chi ya Tanzania na tayari mpaka sasa wameshawekeana mipango na mikakati mbalimbali ya ushirikiano dhdii ya wananchi hao

“tunashangaa sana wanakijiji wa hapa wanaposema kuwa hawataki kutuona wakati sisi tuna haki kisheria na pia kama ni wananchi kunufaika na  sisi mbona tuna mikakati mikubwa sana na wote wanajua kila kinachoendelea lakini leo wamevuja nyumba zetu na kuchukua mali zetu hatujapendezwa na hali hiii hata kidogo”walisema wawekezaji hao

Hataivyo baadhi ya wananchi wa kata hiyo walisema kuwa kuvamiwa kwa wawekezaji hao kunatokaa na kauli za siasa hasa  za kampeni na  viongozi mbalimbali hali ambayo mpaka sasa imepandika mbegu chafu kwenye jimbo hilo dhidi ya wawekezaji  mbalimbali

“juzi viongozi wa vyama viwili ambavyo vilikuwa vinachuana walidai kuwa haya mashamba ni mali ya wananchi chama hicho walidai kuwa wananchi, nao wananchi waliposubuiri uchaguzi uishe waakaamua kuingia ili wachukue mashamba yao lakini kwa hili inabidi nguvu za ziada zitumike kwa kuwa hawa wao sawa kisheria”walisema wananchi hao

Naye diwani wa kata ya Maji  Loti Nnko alidhibitisha kutokea kwa uharibifu wa mali za wawekezaji hao ambapo alidai kuwa mpaka sasa thamani halisi bado haijapatikana Wakati  Kamanda wa Polisi mkoa wa Arusha  Thobias Andengenye naye alikiri kuwepo kwa tukio hilo ila bado jeshi la Polisi linaendelea na utaratibu wake

Share this: