MGOGORO WIBUKA BAINA YA WANNACHI NA VIONGOZI

MGOGORO mkubwa umeibuka baina ya wananchi na viongozi wa kata ya baraa,jijini Arusha ambapo wananchi hao wameamua kujichukulia sheria mkononi kwa kubomoa nyumba mbalimbali zilizojengwa kwenye maeneo ya wazi .

Wananchi hao wakiwa na jazba wameadhimia kubomoa nyumba zote zilizojengwa kinyume cha sheria ,kwenye maeneo ya wazi likiwemo jengo la chuo cha ualimu cha Silla,huku wakiwatuhumu viongozi wa kata hiyo akiwemo diwani,Lotti Laizer kuuza maeneo ya wazi.

Wamedai kuwa viongozi wa mitaa akiwemo mwenyeviti wa mtaa wa kwa mrefu,Godson Melejack(Kamili) na mwenyekiti wa mtaa wa Sorenyi ,Estomy Taretoi , wamekuwa wakishirikiana na diwani wa kata hiyo Loti Laizer kumega eneo la wazi lenye ukubwa wa zaidi ya ekali nane na kuliuza kidogo kidogo kwa nyakati tofauti kwa wafanyabiashara na wakazi .

Katika utekelezaji wa zoezi la uvunjaji nyumba hizo lililofanyiaka alfajiri ya leo ,kuliibuka vurugu kubwa baina ya wananchi hao na wamiliki wa nyumba hizo kiasi cha kuwalazimu viongozi wa mitaa ya kata hiyo kufika eneo hilo na kukubaliana kufanyika kwa kikao cha pamoja ,Mai 3 mwaka huu.

Akizungumza kwa niaba ya wenzake George Elphas mkazi wa kata hiyo alisema kuwa tangu mwaka 2003 kumekuwepo na mgogoro wa Ardhi katika kata hiyo ,na kwamba mgogoro huo umekuwa ukisababishwa na na viongozi wa kata hiyo wasio waaminifu akiwemo diwani Laizer ambaye wamemtuhumu kuwarubuni viongozi wa kata na wenyeviti wa mtaa katika kuifanikisha uuzaji wa maeneo nya wazi.

Wamemtuhumu diwani Laizer kwamba amekuwa na nguvu ya kutoa ushawishi kwa kila kiongozi anayehamia kufanya kazi katika kata hiyo na kusababisha maeneo hayo kuuzwa bila woga.

Alisema kuwa wamechoshwa na vitendo vya udhalimu vinavyofanywa na viongozi wao kwani wamejaribu kulalamika ngazi mbalimbali lakini wamekuwa hawapati ushirikiano ila kwa sasa wamedhamilia kuanza kuvunja nyumba zote zilizojengwa ndani ya eneo la wazi.

Nae mkazi mwingine ,Amos Godson amedai kuwa eneo ni muhimu sana kwa maendeleo ya kata hiyo kwa walikua na mpango wa kuliendeleza kwa kujenga shule,dhahanati pamoja na huduma zingine muhimu kwa wananchi.

Wananchi hao tayari wameanza kuvunja baadhi ya nyumba hali iliyozua mtafaluku mkubwa baina ya wenye nyumba pamoja na viongozi hao ambao walinusulika kupigwa baada ya wananchi hao kupandwa na jazba wakiwatuhumu kujineemesha na maeneo yawazi.

Hata hivyo wananchi hao wamepanga kuvunja jengo la chuo cha ualimu cha Silla kilichopo katika kata hiyo ambapo mmiliki wake alinunua eneo la hilo la wazi na kuamua kujenga chuo hilo ili hali alikuwa na taarifa kuwa ni eneo la wazi nba kuamua kujenga chuo hicho bila kujali kelele za wananchi.

Akizungumzia sakata hilo diwani wa kata hiyo, Lotti Laiser alisema kuwa yeye kuhusishwa na tuhumu hizo ni jambo ambalo halimwingii akilini ,kwani muda mwingi amekuwa akishiriki kuhakikisha kuwa eneo hilo haliuzwi.

Alifafanua kuwa yeye ndiye aliyehusika kutafuta askaripolisi kwa lengo la kumkamata mtu anayejenga usiku ndani ya eneo hilo la wazi na kudai kuwa ,ameshtushwa na yeye kuhusishwa na tuhuma uuzwaji wa eneo hilo..

''Nasema kuwa mimi sihusiki na lolote juu ya tuhuma hizo ninachokuomba chukua jina ya mtu anayenituhumu ili baadae nimkamate na kumweka ndani athibitishe madai yake ,sina njaa ya aina hiyo''alisema Laiser kwa njia ya simu alipokuwa akihojiwa.

Share this: