TANZANITE ONE TAABANI YAAMUA KUUZA HISA ZAKE ZOTE

 

 

Kampuni ya Tanzanite One iliyopo Mererani Wilayani Simanjiro Mkoani Manyara imeuza hisa zake zote kwa kampuni ya Sky Associates Group  inayomilikiwa na watanzania.

Tanzanite One ambayo ni kampuni tanzu ya Richland Resource ya nchini Uingereza inayongozwa na Mkurugenzi Mtendaji Bernard Oliver imeamua kuu hisa zake asilimia 50 kwa wazawa hao kutokana na kampuni ya Tanzanite One kukumbwa na madeni na kushindwa kujiendesha na kukabiliwa na deni la shilingi bilioni 23.

Wakurugenzi wa  kampuni  ya Sky Associates Group ,Hussein Gonga na Faisal Shahbhati wamethibitisha kununua hisa zote za Tanzanite One baada ya kampuni hiyo kujitangaza katika mitandao yake ya kibiashara kuwa imeshindwa kujiendesha kutokana na migogoro kati ya kampuni hiyo na wachimbaji wadogo  ambao wamekuwa wakivamia migodi hiyo mara kwa mara na hakuna ulinzi madhubuti.

Mkurugenzi mwingine aliyemo katika kampuni ya Sky Associates iliyonunua hisa za Tanzanite One Rizwan Ullah raia wa india ambaye ana hisa kidogo tu katika kampuni hiyo.

Kwa mujibu wa uchunguzi uliofanywa na gazeti na kuona baadhi ya nyaraka Sky Associates Group  imenunua hisa za tanzanite One na mali za kampuni hiyo kwa thamani ya zaidi ya shilingi bilioni 32 fedha za kitanzania.

Uchunguzi umebaini kuwa Sky Associates Group imechalipa bilioni 27 ikiwa ni pamoja na madeni na kumiliki mali za kampuni ya Tanzanite One na bado inadaiwa dola za kimarekani milioni 5.1 sawa na fedha za kitanzania shilingi bilioni 8.9

Habari za ndani ya kampuni ya Tanzanite One zinasema kuwa madeni makubwa yanayoikabili kampuni hiyo ni pamoja na taasisi za serikali na wabia wengine wa kampunbi hiyo na kufikia kiwango hicho cha shilingi bilioni 23.

Uchunguzi umebaini pia kuwa kampuni ya Sky Associates Group mbali ya kumilikiwa na wazawa kwa asilimia mia moja lakini imesajiliwa nchini Hong kong na wakurugenzi wa kampuni hiyo wamekuwa wakifanya biashara ya madini katika nchi mbalimbali duniani.

Akizungumzia kununua hisa za kampuni ya Tanzanite One,mmoja wa wakurugenzi wa Sky Associates,Hussein Gonga alikiri yeye na mwenzake Faisal kununua hisa za Tanzanite One na hisa nyingine asilimia mia kumilikiwa na serikali.

Gonga alisema kwa sasa ninachoweza kusema ni kweli yangu imenunua hisa zote za Tanzanite One na kuna taratibu nyingine za kisheria zinafuata na taratibu hizo zikikamilika atatoa taarifa rasmi.

‘’Ni kweli sisi wazawa tumeigomba Tanzanite One kwa kununua hisa zake baada ya kukabiliwa na mzigo mkubwa wa madeni na kushindwa kujiendesha kibiashara’’alisema Gonga

Kampuni ya Sky Associates Group mbali ya kufanya biashara ya madini pia imekuwa ikifanya utafiti ,kutangaza madini yasiyotambulika lakini yana soko zuri Ulaya na Asia ambayo yanachimbwa sambamba na Tanzanite .

Miongoni mwa madini hayo amabyo kampuni hiyo inayatangza ni pamoja na pink tanzanite,yellow tanzanite,Axinite,Grossular Garnet,Kyenite na Diopsite.   

Share this: