FUJO ZAFUKUTA ARUSHA

VURUGU za Siasa Wilayani Arumeru zimeanza kujitokeza baada ya vijana wa Chama cha Demokrasia na Maendeleo (CHADEMA) kupiga mawe msafara wa mgombea ubunge kwa tiketi ya Chama cha Mapinduzi (CCM) ,waandishi wa habari na baadhi ya mashabiki wa CCM.

Akizungumza na waandishi wa habari jana wilayani Arumeru, Katibu Mkuu wa Umoja wa Vijana (UVCCM) ,Martine Shigela alisema UVCCM inalaani tukio la jana la waandishi kupigwa,mashabiki ,baadhi ya viongozi pamoja na magari machache kupigwa mawe na mashabiki hao.\

Alisema CCM tangu kwenye uzinduzi wa kamapeni hizo Machi 12 iliona baadhi ya vurugu zilizofanywa na Chadema lakini ilikaa kimya ila juzi(jana) vurugu hizo zimejitokeza tena.

Alisema kitendo walichokifanya vijana wa Chadema ni kitendo kisicho cha kistaarabu na kuwaonya waache mtindo wa kupiga mawe msafara wa Mgombe wa Chama cha Mapinduzi (CCM),Sioi Sumari ,mashabiki pamoja na waandishi wa habari.

Alisema CCM hadi sasa haijampiga mtu hivyo aliwaomba Polisi kuhakikisha wanasimamia haki na usalama hadi mwisho wa kampeni za vyama mbalimbali vya siasa na kama Chadema ikiendelea na vurugu zao vijana wa CCM wataenda msituni kupambana nao.

“Tunaomba polisi kusimamia amani na utulivu na si kufanya vurugu kwa mashabiki wetu, waandishi wa habari pamoja na kupigamawe misafaraya viongozi mbalimbali, kama vurugu vitaendelea hizi basi na vijana wa CCM wataingia msituni”.

Aidha aliwasihi viongozi wa Chadema wafanye kampeni za kiustaarabu kama walivyoahidi awali na kuwaasa vijana wa chama hicho kuacha tabia ya kupiga mawe watu wa CCM.

Waandishi walonga

Vijana hao walipiga mawe msafara huo jana majira ya saa 11:00 na saa 12 jioni eneo la Maji ya Chai ambapo msafara wa CCM ulikuwa ukirudi mjini kutoka Kata ya Leguruki ambapo mombea Ubunge kwa tiketi ya CCM, Sioi Sumari alikuwa akimalizia mkutano wake wa mwisho na waandishi wa habari kuondoka baada ya mkutano huo kuwahisha habari.

Baadhi ya waandishi waliokuwa wakiwahi mjini kuwahisha habari kwenye vyombo mbalimbali vya habari walisema walipofika eneo la Maji ya Chai, waliona kundi kubwa la vijana wa Chadema waliokuwa wakisema wanaondoa mapepo ghafla magari yalisimama na watu kushangaa yawezekana kunaajali au la.

Mmoja wa waandishi hao, Eliya Mbonea ambaye ni Mwenyekiti wa Chama cha Waandihi wa habari Mkoani Arusha(APC) alisema walipofika eneo la maji ya chai waliona vijana wengi ambao walikuwa wakisema wanatoa mapepo wakati wakiendelea kuangalia kunanini eneo hilo ndipo vijana hao walipiga vioo vya magari mawe na kujikuta wakiwa katika hali ya taharuki kutokana na fujo zilizokuwepo eneo hilo.

Alisema wakati wanatafakari nini chakufanya maana gari limeharibika na wao wapo ndani ya gari dereva alilazimika kutumia mbinu mbalimbali kupenya katikati ya kundi hilo na kuondoka huku wakiwaacha wanachama mbalimbali pamoja na viongozi wa chama wakiwa nyuma yao nao wakitafakari jinsi ya kupita eneo hilo .

|”Ilikuwa ni hali ya hatari baadhi yetu walijificha chini ya viti kukwepa mawe na wengine wakishindwa kujizuia kutokana na mshtuko uliotokea wanadai wanatoa mapepo lakini tunawaomba viongozi wa vyama kuwahamasisha wafuasi wao kufanya kampeni za kistaarabu tunawaomba sana kwani tunafanya nao kazi kwa karibu hivyo waache vurugu”.

Aliongeza kuwasihi viongozi wa vyama vya mbalimbali vya siasa kuwasihi wanachama wao kuacha kampeni za vurugu bali wafanye kampeni za kistaarabu kwani waandishi tunashirikiana na vyama hivyo vizuri iweje leo hii waanze kuwapiga mawe.

Polisi

Kwaupande wa Polisi walisema kuwa hivi sasa kunaanza kujitokeza vianshiria vya uvunjifu wa amani kwenye kampeni hizo kutokana na baadhi ya watu kung’oa bendera vya CCM na Chadema ,kuingiliana kwenye kampeni ,kuchana picha za wagombea,matangazo ya vyama vingine baada ya saa za kampeni kuisha,wizi wa bendera,kutumia lugha za kudhalilishana,kuvunja sheria za usalama barabarani kwakuendesha vyombo vya moto.

Akizungumza Naibu Kamisha wa Polisi Makao Makuu na Mkuu wa Oparesheni katika Uchaguzi wa Arumeru, Isaya Mngulu alisema mbali na vitendo hivyo kumekuwa na tabia za vyama vya siasa nyakati za usiku kuendesha matangazo ya kampeni nyakati za usiku baada ya muda ulioruhusiwa na Tume ya Taifa ya Uchaguzi jambo linaloashiria ukiukwaji wa sheria,kanuni na taratibu.

Kuhusu matukio ya uhalifu yaliyoripotiwa na kufanyiwa kazi alisema , hadi sasa matukio matano yamekwisharipotiwa na kufanyiwa kazi

Matukio hayo ni yanayohusiana na kuchana bendera/kubandua picha za wagombea.matangazo ya wagombea wa vyama vingine, matukio mawili yanahusuana na vitendo vya kudhalilishana,tukio moja linahusiana na kitendo cha kuingilia mkutano wa kampeni wa chama kingine, matukio mawili yanahusiana na wizi wa bendera pamoja na tukio moja linalohusu ajali ya barabarani kutokana na mchakato huo wa kampeni.

Alisema matukio manne kati ya matano yamefikishwa kwenye Kamati ya Maadili iliyopo chini ya Msimamizi wa Uchaguzi ,TrasiasKagenzi na yaliyobakiynafanyiwa uchunguzi wa kina ili yafikishwe kwenye hatua zinazostahili.

Aliongeza kuwa tathimini ya polisi inaonyesha kuwa wananchi wa Arumeru Mashariki ni waungwana na hawapendi fujo na alitoa wito kwa vyama vya siasa ,wanachama,wafurukutwa kuacha vurugu na kuingiliana kwenye mikutano na waheshimu sheria za usalama barabarani kwani kunaajali moja imetokea ya pikipiki ambayo imetokana na kutoheshimu sheria za barabarani.

Alipoulizwa kuhusu polisi kuziua siasa za matusi zisitokeea kwenye mikutano ya vyama vya siasa alisema kazi ya polisi ni kuhakikisha usalama unakuwepo eneo la viwanja vya kampeni na si kudhibiti matusi kwani walengwa wanayohaki ya kulalamika kuhusu matusi yanayotolewa kwenye Tume ya maadili na si polisi kuzia matusi hayo kazi yao ni kulinda amani na kuviasa baadhi ya vyama kuacha tabia ya kupitisha magari yao pale ambapo mkutano wa chama Fulani unapofanyika.