WANAWAKE WENGI WANAFARIKI DUNIA KUTOKANA NA KUZALIA MAJUMBANI

IMEGUNDULIKA KUWA   nusu ya wanawake wajawazito kwenye kata ya masama wilayani hai mkoani Kilimanjaro wanajifungulia majumbani au kwa wakunga wa jadi kutokana na kukosekana kwa  vituo vya afya  katika kata hiyona kuathili maisha ya wakazi hao  .

Hali hiyo imesababisha idadi kubwa ya wanawake wa kata hiyo kupoteza maisha kwani ni asilimia tatu tu ya wanawake hao ndiyo wanajifungulia katika vituo vya afya idadi ambayo ni ndogo ukilinganisha na hali halisi ya malengo ya milenia yenye kauli ya afya bora kwa kila mwananchi.

Wakiongea kwenye mkutano uliyohusisha wakazi wa vijiji vya Mungushi,Kware,na kwa Sadalla,vya kata ya Masama kusini wilayani hai uliyoandaliwa na shirika la kijerumani linalojihusisha na idadi ya watu duniani DSW wakazi hao walisema kuwa vijiji hivyo vyote vinategemea zahanati moja tu iliyopo kijiji cha kware ambayo haina huduma ya mama na mtoto.

Wakazi hao walisema kuwa zahati hiyo haina mhudumu wa afya ya uzazi kwa zaidi ya miaka kumi na mitano  baada ya aliyekuwa mhudumu wake kufariki dunia hali ambayo inawafanya wanawake wenye ujauzito kukosa huduma hiyo huku wakihuzunishwa na kauli chafu za wahudumu na ukosefu wa dawa ambao umekuwa ni tatizo sugu katika vituo vya afya.

Walidai kuwa kata hiyo inazaidi ya watu 11,000 wanaotegemea kituo hicho ambacho hakikidhi mahitaji ya wakazi hao wenye kukabiliwa na magonjwa mbalimbali ambayo hayana ufumbuzi kwa sasa .

Afisa mtetezi wa shirika la DSW Diana Shuma alisema kuwa baada ya kufanya uchunguzi wa kitaalumu na kugundua mapungufu hayo shirika hilo liliamua kuanzisha mradi wa heathy action wenye lengo la kuibua changamoto ,kujadili maoni ya wananchi na kuweka malengo kisha kuwasilisha hoja hizo kwa watunga sera ili kuyapatia ufumbuzi matatizo yanayohusu afya ambayo yamekuwa yakipoteza maisha ya watu wengi.

Diana alisema hadi sasa shirika hilo  ilimefanikiwa kwa kiasi kukubwa kuwajengea uwezo wananchi waishiyo vijijini kwenye wilaya mbalimbali hapa nchini lakini juhudi bado zinahitajika ili kuzikwamua jamii hizo ambazo zimesahaulika na watoa huduma kwa jamii ikiwemo serikali.

Share this: