MAKAMPUNI YA SIMU ZA MIKONONI YADAIWA KUWAGAWA WANANCHI

Mkutano mkuu wa kijiji cha Salanka umeamua kumsimamisha mtendaji wa kijiji hicho kupisha uchunguzi wa ubadhirifu wa fedha za kijiji hicho kutokana na kutotoa ushirikiano kwa viongozi wa kijiji hicho juu ya upotevu wa pesa za malipo ya kampuni ya mawasiliano ya simu za mkononi ya(VODACOM)hali iliyopelekea kuwagawa wananchi.

Aidha kwenye mkutano huo agenda ilikuwa kutaka kujua mapato na matumizi ya fedha zitokanazo na minara ya kampuni za simu za Vodacom na Airtel zilizoweka minara ya mawasiliano kwenye kijiji hicho.

Akifungua mkutano huo mwenyekiti wa kijiji cha Salanka Hamis Majaliwa alisema kuwa uwazi kwenye mapato ya jamii unahitajika kwani fedha za umma si mali ya mtu mmoja na wao wapo kuwatumikia wananchi bila kujali itikadi za kisiasa.

Majaliwa akafungua mkutano kwa kuwataka wananchi na wakazi wa Salanka kutoa maoni na ushauri katika kuendeleza gurudumu la maendeleo huku akiwaomba kutokuwa na jazba kwenye kujadili hatma ya maisha yao kwa utashi wa kisiasa ambao ulianza kujitokeza katika mkutano huo.

“Nawaombeni ndugu zangu kuweka itikadi za vyma vyetu pembeni tujadili mustakabali wa maisha yetu na sanjari na kijiji chetu kwa faida ya vizazi vijavyo”alisema Majaliwa.

Ndipo ikaja Agenda ya malipo ya minara hapa wakazi hao waliutaka uongozi kutoa mchanganuo na vielelezo vyote vya malipo ya makampuni ya mawasiliano ya simu za mkononi yaliowekeza kijijini hapo hatua ambayo ilimuweka katika wakati mgumu mtendaji wa kijiji kwani malipo ya kampuni mmojawapo ya Vodacom hayakuwaridhisha wanakijiji kutokana na kutokuwa na vielelezo vya malipo ya mwaka moja wa 2011-12.

Hali iliopelekea kwa pamoja kuadhimia kumsimamisha mtendaji wa kijiji hicho na kumpelekea taarifa mkurugenzi mtendaji wa wilaya ya Kondoa huku wakiitaka kutuma wakaguzi wa mahesabu ya ndani wa halmashauri hiyo kwenda kuhakiki mahesabu ya kijiji na kuwa akabidhi ofisi kwa mtendaji wa kata ya Salanka jambo lililopingwa na mtendaji wa kata hiyo.

Mwandishi alijaribu kumtafuta mkurugenzi wa halmashauri ya wilaya ya Kondoa kwa simu ya mkononi namba iliita bila ya kupokelewa na juhudi zaidi zinaendelea ilikupata ufafanuzi wa sakata hili linaloweza kuchukuwa sura tofauti na yasasa kama uongozi wa juu hautachukuwa hatua za haraka.

“Uchunguzi uliofanywa na mwanahabari unaonyesha kuna mapungufu mengi ya kiutendaji na kiuongozi kati ya mwenyekiti na mtendaji wa kijiji kwa kila mmoja kutokujua mipaka ya majukumu yake hali inayopelekea kuwagawa wananchi na kukwamisha shughuli za maendeleo jambo ambalo ni hatari kwa mustakabali wa maendeleo ya kijiji.

Kwa upande mwingine ni ufinyu wa malipo yanayotolewa na makampuni hayo kwa ajili ya maendeleo ya kijiji hicho hayalingani na malipo wanayofanya kwa sehemu nyingine walizowekeza minara ya mawasiliano hali inayoashiria kuna harufu ya rushwa kati ya mtendaji wa kijiji na wawakilishi wa Kampuni ya Vodacom inayolalamikiwa sana kwenye kadhia hiyo na wakazi wa kijiji hicho.

 

 

Share this: