SEREKALI YALAANI TUKIO LA BOMU LILILORUSHWA KATIKA MKUTANO WA CHADEMA JANA

Serekali imesema kuwa Tukio la ulipuaji wa bomu la kutwa kwa mkono kwenye mkutano wa kampeni wa chama cha demokrasia na maendeleo(CHADEMA) halikubaliki na sio la kibinadamu ambalo linaashiria kuvuruga amani.

 

Kauli hiyo imetolewa na waziri wa mambo ya ndani dkt.Emanuel Nchimbi wakati alipotembelea na kujionea eneo la tukio la wahanga wa tukio hilo la bomu katika hospitali za seliani pamoja na hospitali ya mkoa ya Mounti meru zilizopo jijini hapa.

 

Nchimbi Alibainisha kuwa hadi sasa jumla ya watu waliojeruliwa katika tukio hilo ni 70 ambapo kati yao wawili wamepoteza maisha na wengi wawili wapo mahututi katika hospitali ya seliani wanapoendelea na matibabu huku wengine nane wakiwa wameruhusiwa kurudi majumbani.

 

Alisema kuwa wao kama serekali wamepokea tukio hilo kwa masikitiko makubwa na tukio hilo halikubaliki na sio la kibinadamu na linania mbaya ya kuvuruga amani na wao kama serekali wanalilaani kwa nguvu zote.

 

“Kitendo cha kutupwa kwa bomu serekali inakilaani na kuwa kitendo hichi kinalaaniwa kwa nguvu zote anawataka wananchi kuwa watulivu wakati huu na kuimarisha usalama na kuwa watoe taarifa pale mtakapohisi matukio kama haya”alisema Nchimbi.

 

Aidha alisema kuwa jeshi la polisi limetuma wapelelezi wa mabomu kuja na kuwa upelelezi huo utasimamiwa na mkuu wa operesheni wa jeshi hilo Poul Chagonja huku akiwataka wananchi kutoa ushirikiano kwa vyombo vya dola huku upelelezi wa awali ukionyesha kuwa ni bomu la kutupwa kwa mkono.

 

Waziri Nchimbi alisema kuwa upelelezi wa tukio hilo bado unaendelea na kusema kuwa serekali itafanyajitihada kubwa kukamilisha upelelezi huo na kuwataka wananchi kutoa taarifa za kuwezesha kusaidia upelelezi kwenye tukio hilo.

 

Wakati huo huo huko Monduli kata ya Makuyuni ambako uchaguzi unaendelea imetaarifiwa kuwa Mbunge wa Arumeru Joshua Nassari amepata kipigo kutoka kwa mashabiki wanaodaiwa kuwa ni wa CCM na kuopoteza jicho hadi hivi sasa amalazwa kwenye Hospitali ya Selian ya jijini hapa kwa matibabu zaidi.

 

Taarifa zinadai kuwa mbunge huyo alipata kipigo hicho na kulikimbia gari lake baada ya kutoelewana lugha na baadhi ya vijana wa kata hiyo hali iliyopelekea kupata kipigo hicho.

 

Hadi hivi sasa anaendelea kupatiwa matibabu kwenye hospitali ya selian baada ya kukimbizwa hopitali ya karatu na kupewa rufaa kuja kwenye hospitali ya selian.

Share this: