MWENDESHA TOYO AFA MARA BAADA YA KUGONJWA

MWENDESHA pikipiki aina ya Bodaboda Hosseni Jumanne(28) mkazi wa Nyunguu mjini Babati amekufa baada ya pikipiki aliyokuwa akiendesha kuigonga pikipiki iliyokuwa ikiendeshwa na koplo Emanuel wa polisi wilayani Babati.

Awali kabla ya kutokea kwa ajali hiyo usiku mashughuda wa ajli hiyo walisema ajali hiyo ilisababishwa na askari huyo kufukuzana na mwendesha pikipiki huyo na baada ya kumpita alimzuia kwa mbele na kisha kuigonga pikpiki hiyo akiwa katika mwendo wa kasi na kusababisha kifo cha mwendesha pikipiki huyo huku askari huyo akiendesha askari huyo akipoteza fahamu.

Hata hivyo kufuatia ajali hiyo majruhi wote wawili walikimbizwa kupatiwa matibabu wakiwa katika hali mbaya na kusababisha kifo cha Hosseni huku Koplo huyo akiwa mahututi na kukimbizwa kupatiwa matibabu katika hospitali ya rufaa ya misheni ya Kanisa la Kiinjli la kilutheri ya KCMC iliyopo mjini Moshi mkoani Kilimanjaro.

Kamanda wa polisi mkoani hapa  Liberatus Sabas amethibitisha kutokea kwa ajali hiyo juzi majira ya saa 6:30 usiku iliyotokea katika barabara kuu inayotoka mjini Babati kuelekea wilayani Kondoa na kuhusisha pikipiki T116 BNQ iliyokuwa ikiendeshwa na marehemu huyo na SM 9426 iliyokuwa ikiendeshwa na koplo Emanuel.

“chanzo cha ajali hiyo ni mwendo wa kasi uliochangia kushindwa kudhibiti pikipiki zao na kusababisha kugongana na hatimaye kusababisha kutokea kwa kifo hicho pamoja na kuumia vibaya kwa askari huyu ambaye amepelekwa kupatiwa matibabu hospitali ya rufaa ya KCMC” alisema.

Kwa upande mwingine baadhi ya wananchi waliokuwa eneo la msibani wamemlalamikia kamanda Sabas kwa askari wake kutuhumiwa kusababisha ajali za mara kwa mara kutokana na usumbufu wa askari hao kuwasababisha usumbufu wa leseni na ukaguzi wa mara kwa mara wenye mazingira ya kuomba na kupokea kitu kidogo.

“sabas arekebishe askari wake wamekuwa wasumbufu wamekuwa wakiomba leseni ukishamwonyesha leseni anaichukua na kutishia kukupeleka kituoni ukibabaika tu anakuomba fedha sasa hili ni usumbufu unaosababisha ajali za mara kwa mara…wengine wanaleta usumbufu wa kusimaisha pikipiki za wakulima njia za miguu vijijini wakiwemo FFU”

Tukio hilo ni la tatu Januari 17 mwaka huu askari kanzu mmoja(jina tunalo) wa polisi alinusurika kuuwawa na wananchi wenye hasira kali katika kijiji cha Bonga baada ya kupata kipigo kikali toka kwa wananchi waliochukizwa na tabia hiyo ya askari hao na baadaye alikimbizwa kupatiwa matibabu katika halmashauri ya mji wa Babati.

Licha ya tukio hilo pia siku hiyo hiyo ambayo hufanyika mnada askari mwingine alimsababishia mkulima mmoja mkazi wa Galapo kulazwa katika hospitali hiyo baada ya kupata ajali iliyosababishwa na askari polisi aliyekuwa akimfukuza kwa madai ya kutokuwa na leseni na alipomkuta wakiwa katika mwendo alimsukuma na kisha pikipiki hiyo ilianguka na kumsababishia mkulimahuyo kuvunjika mguu.

Bado wananchi mjini babati wamemtaka kamanda huyo wa polisi kufuatilia kwa karibu utendaji kazi wa askari wake ambao wameonekana kuwa kero katika utendaji kazi wao wenye mwelekeo wa kudai kipato binafsi ambacho kinakwenda kinyume na maadili ya jeshi hilo pamoja na kiapo wakiwemo askari wa usalama barabarani,upelelezi na wale walioko kauta.

Hivi karibuni kamanda Sabas alipoulizwa kuwepo kwa malalamiko hayo aliwataka wananchi kuwafichua kwa kuwataja majina badala ya kuzungumzia mitaani na kusisitiza kuwa atawachukulia hatua kali askari watakaokuwa wametajwa katika mwenendo huo ulio kinyume na maadili ya kazi hiyo.

Share this: