HALI ya ukame uliosababishwa na
kutokunyesha mvua kwa muda mrefu Wilaya ya Simanjiro Mkoani Manyara,kumewaathiri
kwa kiasi kikubwa wafugaji wa wilaya hiyo hadi kusababisha baadhi yao kuhama kwenye
vijiji vyao.
Akizungumza kwenye kilele cha
maadhimisho ya maadhimisho ya sherehe za miaka 35 ya kuzaliwa kwa Chama Cha
Mapinduzi (CCM) Februari 5 yaliyofanyika kimkoa katika kijiji cha Landanai Kata
ya Naberera wilayani Simanjiro mbele ya mgeni rasmi Mlezi wa CCM wa mkoa huo,Mohamed
Seif Khatibu ambaye pia ni Mbunge wa Jimbo la Uzini,Mbunge wa jimbo la
Simanjiro Christoper Olonyokie Olonyori Ole Sendeka amesema hivi sasa mifugo
yao ina wakati mgumu kutokana na hali ya ukame uliyopo wilayani
humo.
Ole Sendeka amesema kutokana na
hali hiyo halmashauri ya wilaya ya Simanjiro imetenga fedha kwa ajili ya
kuchimba visima viwili kwenye kata ya Naberera na kisima kimoja kitachimbwa
kwenye kijiji cha Landanai ili kuwapatia wafugaji maji.
Ameongeza kuwa pamoja na
changamoto kubwa ya ukosefu wa maji wilayani humo lakini hata hivo kuna baadhi
ya mafanikio waliyoyapta wilayani humo tangu Serikali ya awamu ya nne iingie
madarakani ikiwemo kuongeza shule za sekondari kutoka tatu changa hadi 16.
"Pia
kiwango cha wanafunzi kufaulu kimepanda kutoka wanafunzi 180 hadi 2,700
kwa mwaka na zahanati na vituo vya afya vingi vimejengwa pamoja na
visima vya maji na umeme ulikuwa haupo makao makuu ya wilaya hiyo hivi
sasa upo," alisema Ole Sendeka.
Kwa upande wake,mgeni rasmi wa
maadhimisho hayo,Mohamed Seif Khatib amesema tangu CCM izaliwe imefanya mambo
mengi mazuri ikiwemo kupatikana kwa elimu bora,maji,kilimo na ufugaji pamoja na kudumisha Muungano wa
Tanganyika na Zanzibar.
Khatib ameongeza kuwa kupitia
chama hicho Tanzania imefanikiwa kupata Katiba yake mwaka 1977 huku mchakato wa
kupatikana katiba mpya ukiendelea na demokrasia nchini imeongezeka hivi sasa
kwani kuna vyama vingi.
Mlezi huyo wa CCM mkoani ManyarAmedai kuwa CCM imezaliwa na
vyama vya TANU na ASP hivyo vina wazazi lakini vyama vingine ni wana haramu
kwani havina wazazi.
Aidha,Sherehe
hizo zimehudhuriwa
na mkuu wa mkoa huo Elaston John Mbwilo,wakuu wa wilaya za Simanjiro
Khalid
Mandia na Mbulu Anatory Choya,Mwenyekiti wa CCM mkoani Manyara,Lucas Ole
Mukusi wenyeviti na makatibu wote wa CCM wa wilaya zote za mkoa huo,pia
wenyeviti
wastaafu wa wilaya walipatiwa vyeti.