MOLLEL AHAIDI KULETA MABADILIKO MAKUBWA JIMBO LA ARUSHA MJINI

MGOMBEA ubunge jimbo la Arusha mjini kwa tiketi ya Chama cha Mapinduzi

,Philemon Mollel maarufu kama Monaban  amewaahidi wananchi wa jiji la

Arusha kuwaletea mabadiliko baada ya kumpitisha katika kura za maoni

kupeperusha bendera ya chama hicho jijini Arusha.

Aliyasema  mara baada ya kutangazwa rasmi na Mkurugenzi wa

tume ya taifa ya uchaguzi ,Juma Iddi  kuwa mgombea wa ubunge jimbo

hilo  baada jina lake kupitishwa na Halmashauri Kuu ya Chama cha

Mapinduzi (NEC) ,kuipeperusha bendera ya ccm  na hivyo kuwataka

wananchi kuendelea kuungana naye katika kuhakikisha ifikapo oktoba 25

wanampa kura za ndio .

Mlollel alisema kuwa, kwa muda mrefu sasa jimbo la Arusha limekosa

kiongozi aliye makini na mwenye kujali kero na changamoto za wananchi

na badala yake walikuwa na bora kiongozi na sio kiongozi bora.

Alisema kuwa, atahakikisha ahadi zote alizozitoa kwa wananchi wa jimbo

la Arusha zinatekelezwa zote hasa katika upande wa uchumi ambao

umekuwa mbovu kutokana wa kukosekana amani kwa muda mrefu na

kusababisha watalii kutofika kwa wingi .

'kwa kweli wananchi watarajie neema sasa imebaki kazi kwao tu

kunichagua mimi oktoba 25 ili niweze kutimiza malengo yote niliyoahidi

ambayo nitahakikisha nayatekeleza  kwa kushirikiana na viongozi wa

ngazi mbalimbali kuanzia ngazi za vijiji,kata na hata mkoa kwani

shughuli zozote za maendeleo siku zote zinahitaji ushirikiano mkubwa

sana'alisema Mollel.

Alisema kuwa,kitendo cha wananchi wa jiji la Arusha kumkopesha imani

yeye kinaonyesha dhahiri jinsi ambavyo wananchi wamechoka na

maandamano pamoja na vurugu zisizoisha kila wakati na hivyo

atahakikisha hayo yote yanakomeshwa na  kuwashangaza wananchi wa jiji

la Arusha.

Mollel alisema kuwa,kilichokuwa kimekosekana kwa wananchi wa jiji la

Arusha kwa muda mrefu ni kiongozi asiyekuwa na ushirikiano na wananchi

wake jambo ambalo limekuwa likichangia kuwepo kwa vurugu na machafuko

,hivyo wananchi kwa sasa wamechagua jibu sahihi la jimbo la Arusha

mjini.

Alisema kuwa, katika kusaka nafasi hiyo ya ubunge walijitokeza

wagombea 14 ambao ni wa Chama cha Mapinduzi ambapo  baadhi yao

wamefurahia uteuzi huo uliopitishwa na  Halmashauri kuu ya Chama cha

Mapinduzi (NEC) na ana waahidi kuzidisha ushirikiano huo lengo moja

likiwa ni kuhakikisha kuwa jimbo la Arusha linarudi mikononi mwa CCM.