HATUTAKUBALI CHAMA CHOCHOTE KUCHUKUWA DOLA WASEMA CCM MKOA WA ARUSHA

UMOJA wa vijana wa Chama Cha Mapinduzi CCM mkoani Arusha umesema haupo tayari kukiachia chama chochote cha upinzani kuongoza dola kwakua vyenyewe wala viongozi wake hawajui maana ya dola.

Aidha alisema katibu mkuu wa Chadema Dk.Wilbroad Slaa ni popo kwakua anamiliki kadi za vyama viwili vya CCM na Chadema hali inayoonyesha kuendelea kukipenda CCM na kwamba ni kiongozi asiye na masimamo na hafai kuongoza.

Kauli hiyo imetolewa jana na mwenyekiti wa UVCCM mkoa huo Robson Meitinyiku alipokua akizungumza katika kikao cha baraza maalumu la jumuiya hiyo ambapo kilikua na agenda kuu ya mbili za kuchagua kamati yake ya utekelezaji pamoja na uteuzi wa katibu hamasa wake.

Meitinyiku alisema kwa kauli moja jumuiya yake imekubaliana hivyo kutokana na kujiridhisha kuwa hakuna kiongozi wala chama cha upinzani kinachojua maana ya dola kutokana na vitendo vyao mbalimbali vya vurugu,kashfa kwa uongozi wa serikali pamoja na kwa vyombo vyote vya dola.

Alisema katika kuhakikisha hayo yanafaniki katika baraza hilo wanawekeana mkakati watakaokubaliana kwa pamoja kwa vijana hao kuwa wamoja na kuachana na makundi na kuwashughulikia wale wote watakaokiuka makubaliano hayo.

Alisema anatambua fika kuwa vyama vya upinzani vimekuwa vikitumia mipasuko inayojitokeza katika chama chao hususani jumuiya hiyo ya vijana ambayo ndiyo jeshi la chama chake kitu kinachosababisha mipasuko na kuyumba  kwa chama.

“sisi ni vijana naamini kwasasa ni wamoja na umoja siku zote  ndiyo ushindi sasa mwenyekiti wa chama nakuahidi tutalirejesha jimbo letu la Arusha lililokua mikononi mwa mbunge wa Chadema”alisema Meitinyiku.

Alisema yeye kama vijana na jumuiya yake hatokubali kuona mji wa Arusha ukiendelea kuyumba kiuchumi kutokana na vurugu zinazofanywa na viongozi wa Chadema akiwemo aliyekua mbunge wa jimbo la Arusha Godbles Lema ambapo pia uliathiri kwa kiasi kikubwa uchumi wa vijana wanaoanza maisha.

Katika kikao hicho wajumbe wa watano walichaguliwa kuunda kamati ya utekelezaji ambapo kwa wilaya ya Arusha alichaguliwa Amina Msangi,KaratuJackob Doday,wilaya ya Meru Titto Nassari,Arumeru Noel Severe na Monduli Diwani Kimey huku katika nafasi ya katibu hamasa alichaguliwa kwa mara nyingine mtoto wa mbunge wa Monduli Edward Lowassa,Fred Lowassa.

Share this: