WATAKIWA KUJIUNGA NA SACCOS

JAMII imetakiwa kujiunga kwenye vikundi vya benki ya jamii vijijini (Vicoba) na vikundi vya kuweka na kukopa (Saccos) ili wajiwezeshe kiuchumi kwa kupitia mikopo mbalimbali inayotolewa kupitia taasisi hizo za fedha.

Hayo yameelezwa  na Mwenyekiti wa mtaa wa Songambele sokoni,Mji mdogo wa Mirerani wilayani Simanjiro Mkoani Manyara,Abdon Casmiry (Chavda) wakati akisimamia uchaguzi wa kikundi cha Mshikamano Vicoba.

Casmiry alisema kuwa ili jamii iweze kunufaika kupitia mikopo mbalimbali inatakiwa wajiunge katika vikundi,kuliko kuwa mmoja mmoja kwani Serikali haina uwezo wa kuwasaidia zaidi ya kujiunga kwenye vikudi.

“Serikali haiwezi kuwakwamua kiuchumi wananchi wake kwa kupitia mikopo bila kujiunga kwenye taasisi mbalimbali za fedha,ikiwemo vicoba na saccos hivyo jamii inatakiwa wajiunge ili waweze kunufaika,” alisema Casmiry.

Awali,akitangaza matokeo ya uchaguzi huo,alisema Rose Makundi alichaguliwa kuwa Mwenyekiti wa kikundi hicho cha Mshikamano vicoba,kwa kupata kura 11 baada ya kumshinda Eveta Given aliyepata kura 10.

Alisema Laurent Lowrri alichaguliwa kuwa Katibu kwa kupata kura 21 dhidi ya Said Mlangi aliyekosa kura kwa kupata 0 na Veneranda Abdon ambaye hakuwa na mpinzani alichaguliwa kuwa Mweka hazina kwa kupata kura zote 21 .

Alisema Rashid Hamis alichaguliwa kuwa mtunza nidhamu wa kikundi hicho kwa kupata kura 19 dhidi ya Philipo Materu,aliyepata kura mbili na mjumbe wa kuwawakilisha kwenye benki ni Jane Casmiry.

Alisema kuwa,wahesabuji fedha ni Glady Daud na Philipo Materu na washika funguo ni Isihaka Omary,Mariam Athuman na Evetha Given na mjumbe wa kuwakilisha kikundi hicho kwenye shirikisho alichaguliwa Said Mlangi.

Share this: