Kwa mujibu wa taarifa za sasa, takriban watu 69 wameripotiwa kuuawa na
wengine 50 kujeruhiwa wakati ambapo mapambano ya bunduki yanaendelea
kati ya polisi na watu hao wenye silaha walioiteka mall ya Westgate
jijini Nairobi, Kenya.
Shuhuda mmoja anadai aliwasikia watu hao wakiwaambia waislam wasimame na
kuondokoa na kwamba wasio waislamu pekee ndio waliwalenga.
Majeruhi
Askari wa ulinzi walionekana wakitoa miili iliyotapakaa damu ikiwa imeweka kwenye matoroli ya supermarket.
Huduma ya kwanza ikitolewa kwa majeruhi
Balozi wa Uholanzi nchini humo Rob Vandijk ameliambia shirika la AP kuwa
alikuwa akipata chakula kwenye mgahawa uliomo ndani ya mall hiyo pindi
watu hao wenye silaha waliporusha bomu hilo. Polisi wameizingira mall
hiyo na harakati za kuwakomboa watu walioshikiliwa mateka kwenye mall
hiyo zinaendelea.
Askari polisi akijiweka sawa
Ndugu wa baadhi ya watu walio ndani ya mall hiyo wakiwa na majonzi
Mall hiyo ni maarufu kwa kuwa na wateja wengi wenye kipato cha juu
nchini humo na raia wa kigeni. Polisi imewataka wananchi wakae mbali na
eneo hilo kwakuwa bado ni hatari.
Polisi wakisaidia watu kutoka ndani ya mall hiyo
Sababu za shambulio hilo hazijafahamika lakini vyombo vya habari nchini
humo vinasema kundi hilo laweza kuwa magaidi ama majambazi walioenda
kupora.
