WATOTO WOTE WALIOCHAGULIWA KUINGIA KIDATO CHA KWANZA WAMETAKIWA WAWE WAMERIPOTI MASHULENI

MKUU wa Mkoa wa Arusha, Davidi Ntibenda

Alice Mapunda, Arusha.

MKUU wa Mkoa wa Arusha, Davidi Ntibenda, amewaagiza wakuu wa wilaya zote mkoani humo, kuhakikisha watoto wote waliochaguliwa kujiunga na kidato cha kwanza mwaka huu, wawe wamesharipoti  haraka iwezekanavyo ifikipo Februari 28.

Kaulo hiyo ameitoa wakati akizungumza kwa nyakati tofauti na wananchi wa kata za Loliondo na Sale, alipofanya ziara katika wilaya ya Ngorongoro nakuongea na wananchi wa kata hizo.

“Napenda kuwaagiza wakuu wa wilaya zote za mkoa huu, kuhakikisha kila mzazi ambae mtoto wake amefaulu kuingia kidato cha kwanza kumpeleka shuleni mapema iwezekanavyo. Naomba nipewe taarifa kamili ifikapo Februari 28, mwaka huu,” alisema Ntibenda.

Alisisitiza kuna tatizo kwa baadhi ya wazazi kuwakatiza watoto wao masomo kwa kuwaozesha au kuoa pindi wanapopata nafasi zakuendelea na masomo yao ya Sekondari,hivyo kupelekea kuwa na ndoa  na mimba za utotoni.

Pia Ntibenda alitoa ovyo kali kwa walimu wote kutowatoza pesa wazazi watakaofika mashuleni kuwaandikisha watoto wao kwa ajili ya elimu ya msingi.

Alionya kuwa kufanya ivyo ni kukiuka taratibu za uwandikishaji kwa mfumo wa elimu uliopo.

“Hii inasababisha wazazi wengine kushindwa kumudu gharama hizo kusababisha watoto wao kushindwa kujiunga na elimu ya msingi,” alisisitiza.

Mbali na hayo alitoa msisitizo kwa walimu na wazazi kuwahamasisha  watoto  wao  wapende masomo ya Sayansi ilikuandaa wataalamu wakutosha katika sekta hiyo.

Mkuu wa mkoa, yupo katika ziara maalumu kwa wilaya zote kwa lengo la kutoa shukrani kwa wananchi wa mkoa wa Arusha kwa uteuzi wake kama mkuu wao.

Aliomba ushirikiano kutoka kwa wananchi wote  ili kuleta maendeleo ya  mkoa  huo  kwa ujumla na kukagua ujunze wa maabara ambao bado unaendelea katika mkoa mzima.

Share this: