KAMPUNI INAYOTENGENEZA DAWA YA MENO YA COLGATE YATAPELI WATU ARUSHA

kamera yetu ilifanikiwa kupiga picha wataalam hao wakikusanya vifaa vyao kurudi makwao baada ya kuuza dawa za kutosha

moja ya TV iliyokuwa ikishindaniwa ikiwa juu ya meza wakati wafanyakazi wa kampuni hiyo wakikusanya kilicho chao baada ya kuahirisha zoezi hilo bila taarifa kwa wateja wao

 kampuni ya dawa ya mswaki aina ya Colgate yadaiwa kutapeli wakazi wa jiji la mapena jana eneo la shoprite baada ya kuja kwa mtindo wa mchezo wa bahati nasibu na kuwataka wananchi kununua dawa hiyo ya Colgate mbili yenye gharama za shilingi 5000 kwa mbili kwa kigezo cha kuingia kwenye droo ya kushinda TV.

Watu hao waliokuwa wakiwaita watu kwa kucheza mziki na kuwasisitiza watu kununua dawa ili kuweza kuingia kwenye droo ya mchezo huo kwa kupewa fom maalum ya kujaza ambapo baadae kwa hali isiyo ya kawaida waliamua kuhairisha na kuondoka eneo la tukio kimya kimya hali iliyozua tafrani baina ya watu waliokuwa wakisubiri droo hiyo kuchezeshwa.

Mzee mmoja aliyejimbulisha kwa jina moja la Amiri alisema kuwa majira ya saa sita mchana alikwenda eneo la SHOPRITE kwa ajili ya kununua mahitaji ya nyumbani kwake ndipo alipokutana na watu hao wa kampuni ya Colgate na kumlazimisha kununua dawa ili kuingia kwenye droo ya kushinda Televission ya bapa screen.

 Hata hivyo aliendelea kulalama mbele ya waandishi wa habari kuwa baada wa watu wengi kununua dawa hizo za mswaki na kutoona matokeo ya mchezo huo kuchezwa ndipo walipoenda kuuliza na kuambiwa mchezeshaji bahati hajafika hivyo waendelee kusubiri ambapo baadhi walikata tamaa na kuondoka giza lilipoanza kuingia.

"Hata hivyo baadae majira ya saa 12 jioni tulichoka kusubiri ndipo kuamua kuongea kero zetu kwenu kwani hawa jamaa wametutapeli kwa kutudanganya tununue dawa kwa madai kuna droo ya kushindania VT, Ndio tukaulizana kama sokoni kumedorora kwanini watudanganye si watoe tu matangazo kwenye vyombo vya habari" alisema mzee huyo.

Mwandishi wa habari hizi alifika eneo la tukio eneo la SHOPRITE na kukutana na  wafanyakazi hao ambao hawakutaka kutaja majina yao wakikusanya vifaa vyao huku lundo za kuponi zilizojazwa kuashiria wameuza dawa za kutosha zikionekana kupangwa.

Aidha waandishi wa habari hizi walifika eneo la tukio na kukutana na wafanyakazi wa kampuni hiyo wakikusanya vifaa vyao ikiwemo kuondoa maturubali yao pamoja na TV kwa madai kuwa walipanga kweli kufanya shindano lakini mtaalamu wa bahati nasibu hajatokea

Kwa hisani ya Berthamolel blog

Share this: