MKUTANO WA WANACHAMA WA ICC WAFUNGULIWA, WAKILI WA MUGESERA ADAI MTEJA WAKE ATANDEWA ISIVYO HAKI

Mkutano mkuu wa nchi zilizotia saini mkataba wa kuanzisha Mahakama ya Kimataifa ya Makosa ya Jinai (ICC) umefunguliwa Jumatano mjini the Hague, Uholanzi huku nchini Rwanda,wakili wa mshitakiwa wa mauaji ya kimbari, Leon Mugesera adai  kuwa mteja wake atendewa isivyo haki ndani ya jela za nchi hiyo.

ICC

Gbagbo akataliwa dhamana kwa mara ya pili: Mahakama ya Kimataifa ya Makosa ya Jinai (ICC) Jumatatu imemnyima dhamana kwa mara pili Rais wa zamani wa Ivory Coast, Laurent Gbagbo na kumwamuru kubakia rumande.Uamuzi huo unafuatia pia kushindwa kwa kiongozi huyo kuishawishi mahakama hiyo kuahirisha kusikilizwa kwa kesi yake kutokana na sababu za kiafya.Gbagbo anashitakiwa kwa uhalifu dhidi ya binadamu unaodaiwa kufanywa baada ya uchaguzi mkuu wa nchi hiyo Desemba 2010.

Bemba ataka DRC kuwa na umoja: Kiongozi wa zamani wa waasi katika Jamhuri ya Kidemokrasia ya Congo (DRC) na Makamu wa Rais wa nchi hiyo Jean-Pierre Bemba ametoa wito kutoka katika jela anayoshikiliwa mjini The Hague, Uholanzi kwa wafuasi wake kumaliza vita inayoendelea Mashariki mwa nchi hiyo. Katika ujumbe wake pia, Bemba ameiomba serikali ya nchi hiyo kumaliza vita hiyo na vitisho vya usalama katika ukanda huo ili kulinda usalama wa raia.Amewataka raia wa nchi hiyo kuwa na umoja na maridhiano ili kuinusuri nchi yao.   

Nchi zilizounda ICC zakutana Uholanzi: Mkutano mkuu wa nchi zilizotia saini mkataba wa kuanzisha Mahakama ya Kimataifa ya Makosa ya Jinai (ICC) umefunguliwa Jumatano mjini the Hague, Uholanzi katika sherehe ambazo pia zilihudhuriwa na Malkia Beatrix wa nchi hiyo.Akizungumza katika sherehe hizo, Rais wa Mkutano huo,Tiina Interlman alisema ICC haina budi kufanya mabadiliko ya msingi katika masuala ya ushirikiano wake na mataifa mbalimbali vinginevyo mahakama hiyo haitaweza kutekeleza majukumu yake ipasavyo.Mkutano huo utakaoendelea hadi Alhamisi ijayo, pamoja na mambo mengine utajikita zaidi katika masuala ya kuimairisha ushirikiano kati ya ICC na mataifa mbalimbali.

RWANDA

Wakili adai Mugesera anatendewa kinyume na haki ndani ya jela za Rwanda: Wakili wa mshitakiwa wa mauaji ya kimbari, Leon Mugesera adai  kuwa mteja wake anatendewa isivyo halilali ndani ya magereza ya nchi hiyo.Wakili huyo, Jean-Felix Rudakemwa alisema malalamiko hayo ya kukiukwa haki za msingi za mteja wake ambayo yalitumwa kwenye magazeti nchini Canada na kuchapishwa Jumatano wiki hii ni pamoja na kutishiwa kuuawa, kupewa chakula kilichooza na kuwepo kwa panya na papasi ndani ya jela anamoishi.Hata hivyo wakuu wa serikali ya Rwanda wamekana vikali madai hayo kwa kuyaita ‘’hayana maana yoyote.’’   

WIKI IJAYO

ICC

Kesi ya utetezi ya Bemba kuendelea kusikilizwa: Jumatatu ijayo, Novemba 19, kesi ya utetezi ya kiongozi wa zamani wa waasi katika Jamhuri ya Kidemokrasia ya Congo (DRC) Jean-Pierre Bemba itaendelea kusikilizwa kwa kupata mashahidi zaidi wa utetezi.Bemba anashitakiwa kwa uhalifu dhidi ya binadamu na uhalifu wa kivita.

RWANDA     

Mugesera kufikishwa mahakamani kwa mara nyingine: Msomi mmoja wa Rwanda, Leon Mugesera Jumatatu ijayo, Novemba 19, atafikishwa mbele ya mahakama mjini Kigali ili kuanza kusikilizwa kwa kesi yake

Share this: