CHAMA
cha mapinduzi(CCM) mkoani Arusha kinataraji kumpokea na kumkaribisha
nyumbani katibu mkuu mteule wa CCM taifa,Abdulraham Kinana leo katika
uwanja mdogo wa ndege uliopo Kisongo nje kidogo ya jiji la Arusha ambapo
pia atapata fursa ya kuwahutubia wafuasi wa chama hicho mkoani hapa
sanjari na kufungua mashina mbalimbali ya wakereketwa.
Katika mapokezi hayo Kinana ataambatana na katibu wa itikadi na uenezi,Nape Nnauye,naibu katibu mkuu wa CCM bara,Mwigulu Nchemba pamoja na wajumbe mbalimbali wa sekretarieti Mmpya ya CCM ambapo wanataraji kuongoza mashambulizi ya kushambulia ngome ya Chadema ambayo inasemekana kujikita mkoani hapa.
Katika mapokezi hayo Kinana ataambatana na katibu wa itikadi na uenezi,Nape Nnauye,naibu katibu mkuu wa CCM bara,Mwigulu Nchemba pamoja na wajumbe mbalimbali wa sekretarieti Mmpya ya CCM ambapo wanataraji kuongoza mashambulizi ya kushambulia ngome ya Chadema ambayo inasemekana kujikita mkoani hapa.
Akiongea na waandishi wa
habari juzi jijini hapa,katibu wa siasa na uenezi wa CCM mkoani hapa,Isaac
Kadogoo alisema kwamba mkutano huo utafanyika novemba 24 mwaka huu ambapo
kutakuwa na maandamano makubwa ya kumpokea Kinana kuanzia uwanja mdogo wa ndege
uliopo Kisongo jijini hapa hadi wilayani Arumeru na kisha kurejea katikati ya
jiji la Arusha.
Kadogoo,alisema kwamba lengo
la shughuli hiyo ni kumkaribisha Kinana ambaye ni mkazi wa mkoani Arusha
sanjari na kuelezea sera mbalimbali yakiwemo maendeleo yaliyoletwa na CCM
mkoani Arusha na nchini kwa ujumla.
Hatahivyo,katibu huyo wa
siasa na uenezi alisema kuwa viongozi mbalimbali wa CCM taifa watapata fursa ya
kuwahutubia wakereketwa wa chama hicho katika uwanja wa Sheikh Amri Abeid
sanjari na wakazi wa Arusha katika mkutano ikiwa ni pamoja na kuongoza uzinduzi wa matawi hayo.
Alisisitiza kwamba hadi sasa
taratibu mbalimbali za maandalizi kwa ajili ya shughuli hizo yamekamilika kwa
asilimia mia moja ambapo katika maandamano ya kumpokea Kinana kutakuwa na
msafara wa magari,pikipiki pamoja na
watembea kwa miguu.
Hatahivyo,aliwataka wanachama
wa CCM mkoani Arusha kujitokeza kwa wingi katika sherehe hizo huku akienda
mbali na kudai kuwa kutakuwa na vikundi mbalimbali vya ngoma na wasanii
watakaotumbuiza kusindikiza sherehe hizo.
Katika hatua nyingine,Kadogoo
alijitapa kwamba Chama hicho kimejipanga kikamilifu kushinda katika uchaguzi
mdogo wa ubunge katika jimbo la Arusha mjini endapo mahakama kuu ya rufaa
nchini ikitupilia rufaa iliyowasilishwa na mbunge wa zamani wa jimbio hilo,Godbless Lema.
“Naomba nieleweke kwamba CCM
tumejipanga na kujidhatiti kushinda uchaguzi mdogo wa ubunge katika jimbo la
Arusha mjini endapo rufaa ya Lema ikitupiliwa mbali na mahakama kuu ya rufaa na
ujio wa Kinana tunaamini utatikisa hapa mjini”alijitapa Kadogoo