LA LIGA: OSASUNA 0 vs REAL MADRID 0, MBIO ZA REAL MADRID ZA KUWANIA UBINGWA ZAYEYUKA! JOSE MOURINHO AJIKUNA KICHWA KUSHINDWA KUIFUNGA TIMU KIBONDE!!

Timu ya Real Madrid imezidi kuingia kwenye presha kubwa ya kusakamwa na Mashabiki baada ya jana kushindwa kuifunga Osasuna ambayo ni moja ya Timu 3 zilizo mkiani baada ya kutoka sare 0-0 katika Mechi ya La Liga iliyozidi kuwathibitishia kuwa Msimu huu Ubingwa umewatoka.

Usiku wa jana ulikuwa wa balaa kwa Real Madrid ambao walicheza bila Nyota wao, Cristiano Ronaldo na Sergio Ramos, ambao wanatumikia Kifungo, nae Mchezaji wao Kaka, alieanzia Benchi, alidumu Dakika 19 tu Uwanjani na kutolewa nje kwa KadiNyekundu baada ya kupata Kadi za Njano mbili na Bao lao safi lililofungwa na Jose Maria Callejon kukataliwa kwa Ofsaidi ya utata.Matokeo hayo yamewafanya Real Madrid wawe Pointi 4 nyuma ya Atletico Madrid, walio nafasi ya pili, na Pointi 15 nyuma ya Vinara Barcelona.Barcelona na Atletico Madrid wanaweza kuzidisha mapengo yao hayo hivi leo baada ya Mechi zao.