Jeshi la polisi Mkoni hapa wakishirikiana na askari wa Hifadhi ya taifa ya Kilimanjaro (KINAPA)wamefanikiwa kumkamata mtu mmoja aliyefahamika kwa jina la Long”ida Silayo (42)akiwa na silaha aina ya bunduki kinyume cha sheria
Kamanda wa Polisi Lebaratus Sabas akiwa anawaonyesha wanahabari silaha aina ya bunduki aliyokutwa nayo mtuhumiwa
Akidhibitisha kukamatwa kwa mtu huyo Kamanda wa polisi Mkoa wa Arusha Liberatus Sabas alisema kuwa tukio hilo lilitokea tarehe 13 oktoba majira ya 12:30 asubuhi katika kitongoji cha Nakilongosi katika kijiji cha Kamwanga Wilayani Longido
Alisema kuwa Mafanikio hayo yalipatikana baada ya askari hao waliokuwa doria kupokea taarifa kutoka kwa raia wema kwakuwepo kwa mtu amabye anajishughulisha na uwindaji haramu katika hifadhi ya Taifa ya Kilimanjaro akiwa na silaha kinyume cha sheria kwa matumizi ya kuulia wanyama aina ya Tembo
“Kufuatia taarifa hiyo ndipo askari wa jeshi la polisi na askari wa hifadhi ya taifa walikwenda kufanya upekuzi katika nyumba tatu zinazomilikiwa na mtuhumiwa huyo”alisema Sabas
Alitaja aina ya silaha aliyokutwa nayo mtuhumiwa huyo kuwa ni bunduki aina ya rifle yenye namba 2758J
Kamanda Sabas aliongeza kuwa mtuhumiwa yupo chini ya ulinzi mkali ambapo alihojiwa na askari kuhusiana na uhalali wa silaha hiyo huku yeye mwenyewe akikiri kumiliki isivyo halali
Hata hivyo mtuhumiwa huyo anadaiwa kufanya uwindaji haramu hapa Nchini pamoja na Nchi ya jirani Kenya huku akikiri kutumia silaha hiyo katika matukio ya ujambazi katika maeno mbalimbali ya hapa na Kenya
Aidha kamanda Sabas alisema kuwa wanaendelea kumshikilia mtuhumiwa huyo kwa mahojiano zaidi na baada ya upelelezi wa awali kukamilika atafikishwa mahakamani
Mhifadhi Mkuu ya taifa ya Kilimanjaro (KINAPA)Erastus Lufungulo akiwa anaongea na wanahabari