KIONGOZI WA UPINZANI RWANDA AHUKUMIWA JELA

Victoire Ingabire

Kiongozi wa upinzani nchini Rwanda Victoire Ingabire amehukumiwa miaka minane gerezani baada ya kupatikana na hatia ya kosa la uhaini

Viongozi wa mashtaka walitaka afungwe maisha jela kwa kutishia usalama wa nchi.

Mahakama imempata na hatia ya kupuuza mauaji ya Kimbari yaliyotokea mwaka 1994.

Ingabire hakuwa mahakamani wakati hukumu ilipotolewa dhidi yake kwani amekuwa akisusia kuhudhuria vikao vya kusikilizwa kwa kesi hiyo akisema imeshinikizwa ksiasa,.

Mwandishi wa BBC mjini Kigali, Prudent Nsengiyumva, anasema kuwa wakili wake, naibu kiongozi wa UDF, na baadhi ya wafuasi wake, walikuwa mahakamani.

Walishangazwa sana na hukumu ya mahakama wakisema walitarajia angepata hukumu ya maisha jela.

Pia alikuwa anakabiliwa na tuhuma za ugaidi lakini baadaye mahakama ilifutilia mbali wakati kesi yake ilipokuwa inaendelea kwa miaka mwili.

Ingabire ana siku thelathini kukata rufaa. Kiongozi huyo wa chama cha UDF, alikamatwa mwezi Aprili mwaka 2010 na alizuiwa kushuriki uchaguzi baadaye mwaka huo.

Bi Ingabire, ambaye ni mhutu, alirejea kutoka uhamishoni nchini Uholanzi, mwezi Januari mwaka 2010 na amekuwa gerezani tangu kukamatwa kwake.

Amekuwa akihoji kwa nini kumbukumbu za mauaji ya Kimbari ya mwaka 1994 hayajumuishi wahutu.

Zaidi ya watu waliofariki wakati wa mauaji hayo walikuwa watutsi lakini pia wahutu wenye msimamo wa kadri waliuawa na wahutu wenye msimamo mkali.

Share this: