AWAWA KWA KUCHINJWA KAMA KUKU NA WATU WASIOJULIKANA

MTU mmoja aliyetambukika kwa jina Israe Ngonda(45) mkazi wa kijenge juu jiijini Arusha ameuawa kwa kuchinjwa kama kuku na kitu chenye ncha kali na watu wasiojulikana nyumbani kwake na mwili wake kuachwa kitandani akiwa amepiga magoti na kichwa kulalia kitandani.

Kwa muijbu wa kamanda wa polisi mkoani Arusha,ACP Liberatus Sabas ,mwili wa marehemu ulikutwa majira ya asubuhi baada ya majirani kupita eneo hilo na kukuta mlango wa marehemu ukiwa wazi ndipo walipojaribu kuingia ndani huku wakimwita jina lake bila  kuitikiwa.

Alisema polisi walipata taarifa na kufika eneo la tukio ambapo walimkuta marehemu huyo akiwa amepiga magoti huku sehemu kubwa ya mwili ukiwa umelazwa kitandani   na sehemu  ya shingo  yeke ikiwa imekatwa na kitu chenye ncha kali.

Aidha Sabas aliongeza kuwa hakuna mtu yoyote anayeshikiliwa hadi sasa kuhusiana na tukio hilo na polisi wameanzisha uchunguzi kuhusiana na tukio hilo.

Hata hivyo taarifa zaidi kutoka kwa mashuhuda wa tukio hilo wamebainisha kuwa kabla ya tukio hilo marehemu alichomewa nyumba yake na watu wasiojulikana na baadae wanakijiji walifanikiwa kuuzima moto huo.

Imeelezwa kuwa marehemu alikuwa akiishi pekee baada ya familia yake kusafiri na kwamba tukio hilo linahusishwa na ulipizaji wa visasi.

Tukio kama hilo liliwahi kutokea hivi karibuni wilayani Arumeru,baada ya mwenyekiti wa chadema ,kata ya Usariver ,Msafiri Mbwambo kuuawa kwa kuchinjwa na watu wasiojulika.

Katika tukio jingine, mkazi wa kwa  Mrombo  jijini Arusha aliyefahamika kwa jina la Maswi Marema  (45) amefariki dunia baada ya kupigwa na wananchi wenye hasira kali kwa tuhuma za uporaji.

Kamanda wa polisi mkoani Arusha, ACP Liberatus Sabas alisema kuwa, tukio hilo limetokea mei 23 mwak a huu majira ya saa 3;00 asubuhi katika eneo la  Ilboru katika  halmashauri ya Arusha.

Alifafanua kuwa marehemu akiwa na wenzake wasiojulikana katika eneo la Raskazone Sakina wakitumia usafiri wa pikipiki aina ya Toyo yenya namba T 192 BVP walikwenda katika duka la kuuzia vifaa vya shule na Vocha  na kujifanya wanahitaji huduma ya Vocha.

Alisema mhudumu wa duka hilo aliyetambulika kwa jina la Janet Erick (25)aliinama kwa ajili ya kuwatolea vicha ya shilingi 1000,lakini mara baada ya mhudumu huyo kuinama walimnyooshea bastola na kumtaka awapatie fedha za mauzo,hali iliyomlazimu kutoa kiasi cha shilingi 2,300,000.

Baadae walimwamuru mteja Amani Joseph aliyekuwa dukani hapo akinunua mahitaji ,atoe alichonacho,ambapo walimpora fedha tasilim  shilingi 210,000 na simu ya mkononi aina ya Sumsun yenye thamani ya shilingi 108,000 na kutokomea kusikojulikana.

Aliongeza kuwa mteja aliyeporwa na watu hao aliamua kuchukua pikipiki nyingine na kuwafuatilia na walipofika eneo la Triple A,majambazi hao walipata ajali kwa kugongana na pikipiki nyingine .

Ambapo aliomba msaada kwa wananchi na askari wengine kwa kuwaeleza kuwa watu hao walikuwa majambazi waliokuwa wamewapora,ndipo kundi la watu walipoanza kumshambulia  jambazi marehemu huyo huku jambazi mwingine akifanikiwa kutoroka.

Alisema jambazi huyo alifariki dunia wakati akipelekwa katika hospitali ya Mount Meru kwa ajili ya matibabu.

Wakati huo huo,mtu mmoja aliyetambulika kwa jina la Jovis Tarimo (37)amefariki dunia baada ya pikipiki aliyokuwa akisafiria kuacha njia na kukonga kingo za daraja eneo la Iliboru ,jijini Arusha.

Kamanda Sabas alisema marehemu alikuwa akitumia pikipiki aina ya Skygo yenye namba za usajiri T 972 BUM ,akitokea eneo la Sanawari kuelekea Mianzini  majira ya saa mbili na Robo Usiku.

Miiili ya marehemu hao imehifadhiwa katika hospitali ya Mkoa Mount Meru kwa ajili ya uchunguzi zaidia wa jeshi la polisi.

Share this: